YAP Laçın rayon təşkilatı "Heydər Əliyev və Azərbaycan gəncliyi" mövzusunda tədbir keçirib

Bakı:

28 °C

58 %

11 m/s

Əlaqə

AZ RU EN

Ana səhifə / YAP xəbərləri / YAP Laçın rayon təşkilatı "Heydər Əliyev və Azərbaycan gəncliyi" mövzusunda tədbir keçirib

YAP Laçın rayon təşkilatı "Heydər Əliyev və Azərbaycan gəncliyi" mövzusunda tədbir keçirib

23.05.2023 [12:03]

"Heydər Əliyev İli” ilə əlaqədar Yeni Azərbaycan Partiyasının (YAP) Mərkəzi Aparatı tərəfindən hazırlanan və İdarə Heyətinin qərarı ilə təsdiq edilən Tədbirlər Planı çərçivəsində Yeni Azərbaycan Partiyası Laçın rayon təşkilatı Azərbaycan Milli Elmlər Akademiyası Mərkəzi Elmi Kitabxanasında "Heydər Əliyev və Azərbaycan gəncliyi" mövzusunda tədbir keçirib. Tədbirdə YAP Laçın rayon təşkilatının sədri İlqar İlyasov, ali təhsil müəssisələrində təhsil alan bir qrup laçınlı gənc iştirak edib. İlk olaraq Ulu öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib, dövlət himni səsləndirilib. Çıxış edən YAP Laçın rayon təşkilatının sədri İlqar İlyasov gənclərə bu görüşün məqsədi barədə məlumat verib. O bildirib ki, ötən əsrin 90-cı illərinin əvvəllərində dünyada, o cümlədən Azərbaycanda baş verən ictimai-siyasi hadisələr dəyişdikcə, gənclər qarşısında duran problemlər və onların həlli yolları da dəyişməyə başladı. Bütün bunları bilən ümummilli liderimiz Heydər Əliyev gənc nəslin mütəşəkkil formada yetişdirilməsi üçün 1994-cü il iyulun 26-da Gənclər və İdman Nazirliyini yaratdı. Nazirlik yaradıldıqdan sonra dövlət gənclər siyasəti sahəsində mühüm işlər həyata keçirməyə başladı. Bu siyasətin davamı olaraq 1996-cı il yanvarın 26-da ulu öndər Heydər Əliyevin imzaladığı Sərəncama əsasən, fevralın 2-də Azərbaycan Respublikası gənclərinin ilk forumunun keçirilməsi qərara alındı. Bu forumun keçirilməsi ilə dövlət siyasətində gənclərə diqqət, qayğı daha da artırıldı. Forum müstəqil Azərbaycan Respublikasının gəncləri qarşısında duran mühüm vəzifələrin həyata keçirilməsində ölkə gənclərinin hər bir sahədə fəal iştirak etməyə hazır olduğunu nümayiş etdirdi və gənclərlə işin nəzərəçarpacaq dərəcədə canlanmasına səbəb oldu. Ümummilli lider Heydər Əliyev gənclər siyasətinin uğurla həyata keçirilməsi məqsədi ilə bu sahənin zəruri qanunvericilik bazasının formalaşdırılmasını təmin etdi. Gənclərin sosial, iqtisadi və s. problemlərinin həllinə yönəldilən, onların öz qabiliyyətlərinin inkişaf etdirmələrinə kömək edən fərman və sərəncamlar, dövlət proqramları bu qəbildəndir. Qanunlar, fərman, sərəncam və dövlət proqramları gənc nəslin mütəşəkkil qüvvə kimi formalaşmasına, onların mənəvi-ideoloji cəhətdən tam yetkinləşməsinə, sosial problemlərinin həllinə, faydalı məşğulluğunun təmin olunmasına son dərəcə müsbət təsir göstərib. İ. İlyasov bildirib ki, ölkə gənclərinin, üzərinə düşən əsas vəzifələr müstəqilliyimizi, dövlətçilik maraqlarını qorumaq, dövlətimizin başçısının siyasətinin uğurlarını cəmiyyətimizdə geniş şəkildə təbliğ etməkdir. Bu baxımdan, davamlı olaraq tədbirlərin keçirilməsi nəzərdə tutulur və gənclərimiz bu prosesdə fəal iştirak etməlidir. Gənclər, ulu öndərin layiqli davamçısı, prezident, Ali Baş Komandan cənab İlham Əliyevin rəhbərliyi ilə öz ata-baba yurdlarının işğaldan azad edilməsini böyük qürur hissi ilə vurğulayıblar. Gənclər qeyd edib ki, biz bundan sonra Laçında qurub yaradacağıq və əbədi yaşayacağıq. Gənclər onları maraqlandıran mövzularda suallarını ünvanlayıb, fikirlərin bölüşüblər. Eyni zamanda kitabxanada Qarabağ müharibəsi qəhrəmanları fondu ziyarət edilib. Sonra Ümummilli Liderin həyat və fəaliyyətindən bəhs edən və Laçına qayıdışa həsr olunmuş filmlər nümayiş olunub.

Paylaş:

Baxılıb: 605 dəfə