Qazaxda “Azərbaycan tarixinin ən şanlı səhifələrinin yazıldığı

Bakı:

26 °C

57 %

10 m/s

AZ RU EN

Ana səhifə / YAP xəbərləri / Qazaxda “Azərbaycan tarixinin ən şanlı səhifələrinin yazıldığı – 20 il ” mövzusunda tədbir keçirildi

Qazaxda “Azərbaycan tarixinin ən şanlı səhifələrinin yazıldığı – 20 il ” mövzusunda tədbir keçirildi

13.10.2023 [16:09]

2023-cü il oktyabr ayının 13-də Yeni Azərbaycan Partiyası Qazax rayon təşkilatının Qazax rayon İcra Hakimiyyəti ilə birgə Möhtərəm Prezident İlham Əliyevin 2003-cü il 15 oktyabr tarixində ilk dəfə Azərbaycan Respublikasının Prezidenti seçilməsi ilə əlaqədar “Azərbaycan tarixinin ən şanlı səhifələrinin yazıldığı – 20 il” mövzusunda tədbiri keçirildi.

Tədbir YAP Qazax rayon təşkilatının inzibati binasında Ulu Öndər Heydər Əliyevin büstünün ziyarəti ilə başlandı.

Dövlət Himninin səsləndirililməsindən sonra Ümummilli Lider Heydər Əliyevin və torpaqlarımızın işğaldan azad olunması, ərazi bütövlüyümüzün təmin olunması, suverenliyimizin bərpa edilməsi uğrunda canlarından keçmiş şəhidlərin əziz xatirəsi bir dəqiqəlik sükutla yad edildi.

YAP Qazax rayon təşkilatının sədri Anar Nəbiyev geniş məruzə ilə çıxış edərək bidirdi ki, 2003-cü ilin 15 oktyabr tarixində keçirilmiş Prezident seçkilərində müdrik xalqımız doğru - düzgün seçim edərək Heydər Əliyev siyasi kursuna, haqqa - ədalətə, müstəqil Azərbaycanımızın xoş - firavan gələcəyinə, ən layiqli namizədə - İlham Əliyev cənablarına səs verdi. Bu siyasi kursa sadiqliyini nümayiş etdirən xalqımız Ümummilli Liderə sevgisini və inamını bir daha sübut etdi. Azərbaycan xalqı sülhün, əmin - amanlığın, tərəqqinin, inkişafın, quruculuğun və sabitliyin tərəfində olduğunu nümayiş etdirdi, ölkədə bu siyasətə alternativin olmadığını göstərdi. Ötən 20 il ərzində Azərbaycan Prezidenti cənab İlham Əliyevin güclü liderlik keyfiyyətləri sayəsində ölkəmiz böyük tarixi qələbələr, uğurlar, nailiyyətlər qazandı.

Rayon təşkilatının sədri Möhtərəm Prezident İlham Əliyevin xalqımız qarşısındakı misilsiz xidmətlərindən, 30 ilə yaxın bir müddətdə pozulmuş ərazi bütövlüyümüzün təmin olunmasından, qazanılan möhtəşəm Zəfərdən, suverenliyimizin bərpasından geniş bəhs etdi və Möhtərəm Prezident, Müzəffər Ali Baş Komandan, Yeni Azərbaycan Partiyasının sədri İlham Əliyev cənablarına rayon təşkilatının üzvləri adından müstəqil Azərbaycanın xoş - firavan gələcəyi naminə uğurlar arzuladı.

Qazax Rayon İcra Hakimiyyətinin başçısı Rəcəb Babaşov çıxış edərək Ümummilli Lider Heydər Əliyevin şah əsəri olan müasir müstəqil Azərbaycanın tarixi Zəfərindən və onun yaratdığı reallıqlardan geniş danışdı. Qeyd etdi ki, Möhtərəm Prezidentimiz cənab İlham Əliyevin rəhbərliyi altında 20 il ərzində qazanılan bütün uğurlar böyük səylərin, qətiyyətin, ən əsası möhkəm təmələ əsaslanan və gələcəyə hesablanmış siyasətin nəticəsində mümkün olmuşdur. 15 oktyabr 2003-cü ildə keçirilən prezident seçkilərində xalqın böyük əksəriyyəti cənab İlham Əliyevi dəstəkləməklə Heydər Əliyev siyasətinin davamına səs verdi və bununla da öz xoşbəxt gələcəyini təmin etmiş oldu. Bu gün hər bir azərbaycanlı dövlət başçısı cənab İlham Əliyevin ona olan inamı, etimadı doğrultduğunu böyük qürur hissi ilə qeyd edir və Prezidentimizin ətrafında bir yumruq kimi birləşərək yeni - yeni möhtəşəm uğurlara doğru inamla addımlayır. Bu gün müasir Azərbaycan məhz, Ulu Öndər Heydər Əliyevin görmək istədiyi işğalsız, suveren, qüdrətli Azərbaycandır.

Tədbirdə BDU Qazax filialının müəllimi Türkan Carçıyeva, YAP Qazax rayon təşkilatının məsləhətçisi Polad Ağakişiyev, Qazax rayon Tarix Diyarşünaslıq Muzeyinin direktoru Gülnaz Alışanova, ərazi partiya təşkilatının sədr müavini Şəhadət Abbasov çıxış edərək Möhtərəm Prezidentimiz cənab İlham Əliyevin 20 il ərzində çoxşaxəli fəaliyyətindən, onun rəhbərliyi altında əldə olunan nailiyyətlərdən, qazanılan uğurlardan, möhtəşəm qələbələrdən ətraflı danışdılar. AYB-nin üzvü, şair Rüfət Axundlu, partiya fəalı şair Kazım Kazımlı Prezidentimizə həsr etdikləri şeirlərini söylədilər. Qazax rayon Uşaq Gənclər İnkişaf Mərkəzinin dərnək üzvləri müxtəlif ədəbi - bədii kompozisiyalarla çıxış etdilər.

Tədbirin sonunda rayonun ictimai - siyasi həyatında fərqlənən partiya fəallarından bir qrupu YAP Qazax rayon təşkilatının Fəxri Fərmanları ilə təltif olundular. YAP sıralarına yeni qəbul olunmuş gənc partiya üzvlərinə üzvlük vəsiqələri təqdim edildi.

Paylaş:

Baxılıb: 489 dəfə