Azərbaycan-Gürcüstan münasibətlərində yeni mərhələ

Bakı:

27 °C

45 %

6 m/s

Əlaqə

AZ RU EN

Ana səhifə / YAP xəbərləri / Azərbaycan-Gürcüstan münasibətlərində yeni mərhələ

Azərbaycan-Gürcüstan münasibətlərində yeni mərhələ

19.03.2024 [14:33]

Azərbaycan-Gürcüstan münasibətlərinin çox qədim tarixi var . Əsrlər boyu azərbaycanlılar və gürcülər dostluq və mehriban qonşuluq şəraitində yaşamışlar. Bu gün bu iki ölkə qonşu , dost olmaqla bərabər , eyni zamanda mühüm strateji tərəfdaşdır.

Mart ayının 16-da Gürcüstanın Baş naziri İrakli Kobaxidzenin Azərbaycana səfəri heç şübhəsiz ki, ölkələrimiz arasında yüksək səviyyədə olan əlaqələrin daha da inkişafına və bütün sahələrdə əməkdaşlığımızın gücləndirilməsinə töhfə verəcək.

Səfər zamanı Baş nazır İrakli Kobaxidzenin Prezidenti İlham Əliyevinlə təkbətək görüşü olmuş, daha sonra hər iki ölkənin rəhbəri mətbuata bəyanatlarla çıxış ediblər.

Dövlətimizin başçısı bəyanatında İrakli Kobaxidzenin ölkəmizə səfərinin çox böyük əhəmiyyət daşıdığını, təkbətək görüş əsnasında bir çox məsələləri geniş müzakirə etdiklərini, Gürcüstan və Azərbaycanın müstəqil dövlət kimi daim bir-birinin yanında olduğunu, iki ölkə arasındakı dostluğun, qardaşlığın dərin tarixi köklərə əsaslandığını bildirib.

Prezident İlham Əliyev çıxışında iki ölkənin birgə həyata keçirdiyi infrastruktur layihələrindən bəhs edərək nəqliyyat, enerji layihələri bir çox ölkələr üçün böyük əhəmiyyət kəsb etdiyini və bundan sonra da bu istiqamətdə əlavə addımlar atılacağınının anonsunu verib. Nəqliyyat sahəsində yaradılan və yaradılacaq infrastrukturun bir çox ölkələr üçün əvəzolunmaz imkanlar açacağını vurğulayan ölkə başçısı həmçinin qeyd edib ki, Bakı-Tbilisi-Qars dəmir yolunun bir-iki aydan sonra artıq genişləndirilmiş formada fəaliyyətə başlaması böyük nailiyyətlərdən biri olacaq.

Ölkə başçısı məlumat üçün bildirib ki, Azərbaycan qazı Gürcüstan vasitəsilə bir neçə ölkəyə ixrac edilir. Azərbaycan qazını alan ölkələrin sayının 8-ə çatdığını və bunun son olmadığını vurğulayan cənab Prezident yaxın gələcəkdə bu ölkələrin sayının və Azərbaycanın enerji resurslarına olan tələbatın ildən-ilə artacağını qeyd edib.

“Biz yaşıl enerji layihəsi üzərində də işləyirik”- deyən Prezident İlham Əliyev vurğulayıb ki, Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi, Bakı-Tbilisi-Qars kimi uğur gətirən layihələr yaşıl enerji layihəsi üçün örnək olacaq və yaşıl enerji layihəsi eyni müvəffəqiyyətlə icra ediləcəkdir.

Dövlətimizin başçısı bəyanatında Azərbaycan-Gürcüstan arasında ticarət dövriyyəsinin artmasını mübət qiymətləndirib.Ticarət dövriyyəmizin artıq 900 milyon dollara yaxın olduğunu və keçən il təxminən 15 faiz artdığını bildirib. Gürcüstan Hökumətinin düşünülmüş islahat siyasəti nəticəsində ölkədə çox gözəl sərmayə iqliminin yaradıldığını vurğulayan cənab Prezident onu da bildirib ki, Azərbaycan investorları Gürcüstan iqtisadiyyatına 3,4 milyard dollar sərmayə qoymuşlar.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 668 dəfə