“Zəfər tariximizin fatehləri”

Bakı:

25 °C

67 %

1 m/s

Əlaqə

AZ RU EN

Ana səhifə / Xəbər lenti / “Zəfər tariximizin fatehləri”

“Zəfər tariximizin fatehləri”

03.10.2024 [11:35]

Tanınmış ictimai-siyasi xadim, YAP Veteranlar Şurasının üzvü, “Modern İnkişaf və Ailə İctimai Birliyi”nin sədri Zərifə xanım Quliyevanın “Zəfər tariximizin fatehləri” adlı kitabı geniş oxucu kütləsinin ixtiyarına verilib. Bu kitab Z.Quliyevanın son illərdə müxtəlif qəzet və portallarda dərc olunan məqalələri, müsahibələri, şərh və rəyləri əsasında tərtib olunub.

Z.Quliyeva yeni ərsəyə gəmiş kitabında, yeri gəlmişkən, qeyd edək ki, bu, Zərifə xanımın altıncı kitabıdır, toplanmış məqalələrində Azərbaycan torpaqlarının Prezident İlham Əliyevin rəhbərliyi, müdrikliyi, uğurlu xarici siyasəti sayəsində işğaldan azad ediləcəyinə, soydaşlarımızın doğma yurd-yuvalarına qayıdacağına əminliyini ifadə edirdi. O, dönə-dönə yazır və bildiridi ki, Prezident İlham Əliyevin rəhbərliyi ilə işğal altında olan torpaqlarımız azad ediləcək, xalqımıza utanc gətirən məcburi köçkün sözü ləğv ediləcək, işğalçı Ermənistan ordusunun doğma dədə-baba yurdlarından didərgin saldığı soydaşlarımız isti ocaqlarına dönəcəklər. Çünki Prezident İlham Əliyev 2003-cü il oktyabrın 31-də keçirilmiş andiçmə mərasimində milyonların qarşısında əlini Qurani-Kərimə, Konstitusiyamıza qoyaraq and içmişdi. Bu gün də həmin sözlər hər birimizin yaddaşındadır: “Azərbaycanın torpaqları işğaldan azad olunmalıdır, bir milyon qaçqın və köçkün öz doğma yurdlarına qayıtmalıdır, ölkəmizin ərazi bütövlüyü bərpa edilməlidir. Azərbaycan heç vaxt bu vəziyyətlə, torpaqlarının işğal altında qalması ilə barışmayacaqdır. Hamı bilməlidir ki, sülh tərəfdarı olmağımıza baxmayaraq, müharibənin yenidən başlanmamasını və bu məsələnin sülh yolu ilə həllini istəməyimizə baxmayaraq, bizim səbrimiz də tükənməz deyildir. Azərbaycan öz doğma torpaqlarını nəyin bahasına olursa-olsun, azad edəcəkdir”.

Z.Quliyeva yazır ki, çoxlarına əfsanə, rəvayət kimi görünən bu vəd artıq reallığa çevrilib. İşğaldan azad edilmiş ərazilərimizdə sürətli genişmiqyaslı yenidənqurma, bərpa-quruculuq işlərinə başlanılıb. Dünyanın bir sıra dövlətlərinin, həmçinin beynəlxalq miqyaslı iri şirkətlərin də bu işlərdə fəallıq göstərmələri Azərbaycanın ərazi bütövlüyünün, suverenliyinin dəstəklənməsindən xəbər verir. Prezident İlham Əliyev və Birinci vitse-prezident Mehriban xanım Əliyeva işğaldan azad edimiş həmin əraziləri qarış-qarış gəzir, yenidənqurma, tikinti-quraşdırma işlərində və mədəni irsimizin bərpasında tövsiyə və tapşırıqlarını verirlər. Artıq Qarabağ əvvəlkindən də cazibədar görünür. Həmin ərazilərdə 3 aeroport tikilir. Artıq ikisi istifadəyə verilib. Hətta bu aeroportlar xarici qonaqları, dövlət başçılarını qəbul edib. Prezidentin imzaladığı I “Böyük Qayıdış” proqramı da reallaşıb. Soydaşlarımız böyük coşqu ilə doğma dədə-baba yurdlarına qayıdırlar. Müxtəlif ölkələrin dövlət başçılarının Qarabağa səfərləri bu ərazilərdə öz ölkələrinin adından məktəb və digər müəssisələrin tikintisini reallaşdırmaları dünyaya bəyan edir ki, “Qarabağ Azərbaycandır!”

Zərifə xanımın son illər aparıcı mediada dərc olunmuş müxtəlif mövzulu məqalələrinin “Zəfər tariximizin fatehləri” adlı kitabında bir araya gətirməsi bugünümüz üçün vacib və zəruridir. Əvvəlcə yeni kitabına seçdiyi ada münasibət bildirmək istərdim. Həm xalqımız, həm dünya azərbaycanlıları, həm də beynəlxalq ictimaiyyətə çox yaxşı məlumdur ki, Ermənistan üzərindəki tarixi Qələbəmizin memarı Prezident, Müzəffər Ali Baş Komandan İlham Əliyev, ona həmişə mənəvi arxa-dayaq olan Birinci vitse-prezident Mehriban xanım Əliyevadır. Söz yox ki, müharibədə mərd oğul və qızlarımız, əsgər və zabitlərimiz böyük qəhrəmanlıq göstərdilər, torpağımızın hər qarışı uğrunda döyüşlərdə sinələrini sipər etdilər və cəmi 44 gün ərzində düşməni diz çökdürdülər. Onlara rəhbərlik edən, tapşırıqlar verən, istiqamətləndirən isə Prezident, Müzəffər Ali Baş Komandan İlham Əliyev idi. Bütün bunlardan sonra Azərbaycan tarixi ədalətin və öz ərazi bütövlüyünün bərpasına hərbi-siyasi yolla nail oldu. Dövlətimizin başçısı öz çıxışlarında əsgər və zabitlərimizin qəhrəmanlığını yüksək qiymətləndirərək demişdir ki, biz XXI əsrin müharibəsini aparmışıq və bu gün artıq sirr deyil ki, dünyanın aparıcı hərbi məktəblərində İkinci Qarabağ müharibəsindəki əməliyyatlarımız, bizim uğurlarımız, Qələbəmiz öyrənilir.

Müəllif qeyd edir ki, son 21 ildə həyata keçirilən daxili və xarici siyasət qazandığımız uğurların məntiqi nəticəsidir. Qürurverici haldır ki, hazırda bir sıra beynəlxalq əhəmiyyətli iri infrastruktur layihələrin reallaşdırılması Azərbaycanla razılaşdırılır. 10 noyabr 2020-ci il tarixlidə Azərbaycan Prezidenti İlham Əliyev, Rusiya Federasiyasının Prezidenti Vladimir Putin və Ermənistanın baş naziri Nikol Paşinyanın imzaladıqları üçtərəfli Bəyanatdan sonra ölkəmizin beynəlxalq aləmdəki reytinqi sürətlə yüksəldi. Məlum olduğu kimi, həmin bəyanat Ermənistanın məğlubiyyətini rəsmən təsdiqlədi. Üç il sonra - 2023-cü ilin sentyabrında Silahlı Qüvvələrimizin Qarabağda apardığı lokal xarakterli antiterror tədbirləri separatçı rejimin kökünü birdəfəlik kəsdi. Bununla da Azərbaycanın ərazi bütövlüyü tam təmin edildi. Bu Qələbə Azərbaycanın tarixində silinməz iz buraxdı. Ölkəmizin ərazi bütövlüyü və suverenliyimiz dünya birliyində də qəbul edildi. Bunu Prezident İlham Əliyevə dünyanın müxtəlif ölkələrinin dövlət və hökumət başçıları tərəfindən ünvanlanmış təbrik teleqramları da təsdiqləyir. Bu gün qürurla deyə bilərik ki, Azərbaycan dünyada suveren dövlət kimi qəbul edilir.

Zərifə xanımın məqalələrinin kitabda “Azərbaycan beynəlxalq aləmdə”, “Dünyaca dəyərli Azərbaycan xanımı”, “Vədə sadiq Prezident”, “Azərbaycan tarixinin Zəfər salnaməsi - Qarabağ Azərbaycandır!” fəsillərinə bölünməsi zərurətdən irəli gəlib. Bu, o deməkdir ki, Z.Quliyevanın son illər yazdığı məqalələr, siyasi şərhlər, baş verən qlobal hadisələrə münasibəti müxtəlif mövzuları əhatə edib.

Əliqismət Bədəlov

Paylaş:

Baxılıb: 727 dəfə