İmişli rayon Ağsaqqallar Şurasının rəhbərliyi Gövhəri kənd ağsaqqalları ilə görüş keçirdi

Bakı:

19 °C

68 %

9 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurasının rəhbərliyi Gövhəri kənd ağsaqqalları ilə görüş keçirdi

İmişli rayon Ağsaqqallar Şurasının rəhbərliyi Gövhəri kənd ağsaqqalları ilə görüş keçirdi

31.01.2025 [11:23]

İmişli rayon Ağsaqqallar Şurasının rəhbərliyi Gövhəri kənd ağsaqqalları ilə görüş keçirib.

Görüşdə İmişli rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, aparat rəhbəri Murad Seyidov, millətlərarası münasibətlər üzrə sədrin köməkçisi Adil Kərimov, rayon şurasının mətbuat orqanı olan "Xalq sözü"qəzetinin baş redaktoru Nizami Aslanoğlu və Gövhəri kənd ağsaqqalları iştirak edirdi.

Görüş 44 günlük Vətən müharibəsində torpaqlarımızın işğaldan azad olunması uğrunda canlarından keçən şəhidlərimizin xatirəsinin bir dəqiqəlik sükutla yad edilməsi ilə başladı/

Görüşdə hörmətli Saleh Səmədov Azərbaycan Ağsaqqallar Şurasının sədri, Millət vəkili, hörmətli professor Eldar Quliyevin adından və öz adından tədbir iştirakçılarını salamladı. Bildirdi ki, son zamanlar Azərbaycan Ağsaqqallar Şurasının, habelə İmişli rayon Ağsaqqallar Şurasının fəaliyyətində çoxsaylı uğurlar qazanılmışdır.

Bu gün fəxarət hissi ilə qeyd etmək istəyirəm ki, Azərbaycan Ağsaqqallar Şurasının sədri hörmətli professor Eldar Quliyev İmişli rayon Ağsaqqallar Şurasının fəaliyyətini yüksək qiymətləndirir. Yaxın günlərdə İmişli rayon Ağsaqqallar Şurası idarə heyətinin üzvləri Məmi Atakişiyev və Famil İmanov Azərbaycan Ağsaqqallar Şurasının təsis etdiyi ən Ali mükafata, "Fəxri Ağsaqqal" döş nişanına layiq görülmüşdür. İmişli rayon Ağsaqqallar Şurasının çoxsaylı üzvləri adından bir daha Azərbaycan Ağsaqqallar Şurasının rəhbərliyinə minntdarlığımızı bildirirəm!

Sonra Saleh Səmədov yeni ərazi təşkilatı olaraq təsis olunan Gövhəri ağsaqqallarını təbrik etdi və gələcək fəaliyyətlərində onlara uğurlar arzuladı.

Görüşdə çıxış edən Vahid Tağıyev respublikamızda aparılan uğurlu daxili və xarici siyasətdən danışaraq bildirdi ki, hazırada Azərbaycan öz tarixində heç vaxt olmadığı qədər güclü və nüfuzlu dövlətə sahibdir. Azərbaycan ağsaqqalları həmişə olduğu kimi bu gün də dövlətimizə sədaqətlə xidmət edir, uğurların iştirakçısı və təbliğatçısıdır.

Sonra Adil Kərimov, Nizami Aslanoğlu və digərləri qaldırılan məsələlərlə həmrəy olduqlarını qeyd etdilər.

Murad Seyidov təşkilatı məsələlər barədə və Azərbaycan Ağsaqqallar Şurasının əsasnaməsinin müvafiq maddələri haqqında məlumat verdi. Əsasnaməyə uyğun olaraq açıq səsvermə yolu ilə Cəfərov Şamil, Şükürov Vidadi, Şıxalıyev Saleh, Məmmədov Ağaverdi, Hüseynov Mirzə, Musayev Əlhüseyn, Quliyev Şöhrət, Şıxalıyev Əlqasım, Quliyev Kamal idarə heyətinin üzvləri, Cəfərov Şamil sədr, Şıxalıyev Saleh, Məmmədov Ağaverdi, Şıxalıyev Əliqasım isə sədrin müavinləri seçildilər.

Tədbirdə yeni yaranan ərazi təşkilatının sədrinə və müavinlərə Azərbaycan Ağsaqqallar Şurasının döş nişanları təqdim olundu.

Beləliklə Gövhəri kənd ağsaqqallar şurasının ərazi təşkilatı təsis olundu və onlara gələcək fəaliyyətlərində uğurlar arzulandı.

Paylaş:

Baxılıb: 619 dəfə