Heydər Əliyev
yeni azerbaycan logo

Ana səhifə / Xəbər lenti / Buğda idxalı niyə azalıb?

Buğda idxalı niyə azalıb?

29.12.2021 [10:27]

Nicat Dilqəmli

Bu ilin 11 ayında ölkəyə 1 milyon tondan çox buğda idxal edilib. Dövlət Gömrük Komitəsinin (DGK) yaydığı məlumatda bildirilir ki, hesabat dövründə idxal edilən buğdanın dəyəri 287.5 milyon ABŞ dolları olub. Müqayisə üçün bildirək ki, ötən ilin eyni dövründə ölkəyə 262.5 milyon dollarlıq 1.2 milyon ton buğda idxal edilib. Qeyd edək ki, buğda ölkəmizə birinci yerdə Rusiyadan, sonra isə Qazaxıstandan idxal edilir.

Ölkəmizə idxal edilən buğdanın dəyərinin azalmasının səbəblərini araşdırmağa çalışdıq. Ekspertlər bunu idxalçı ölkələrdə taxıl ehtiyatının azalması, yanacaq və vergi qiymətlərinin dəyişməsi ilə əlaqələndirirlər.

Məsələ ilə bağlı Azərbaycan Respublikası İqtisadi İslahatların Təhlili və Kommunikasiya Mərkəzinin departament rəhbəri Nicat Hacızadə “Yeni Azərbaycan”a bildirib ki, Azərbaycanda buğda istehsalı 2021-ci ildə 1885,4 min ton olub və 2020-ci illə müqayisədə 1 faiz artıb: “Buğda idxalına gəldikdə isə, 2021-ci ilin 11 ayı ərzində bu, həcm baxımından azalsa da, dəyər ifadəsində artıb. Məlum olduğu kimi, dünya əmtəə birjalarında qiymətlər ötən illərlə müqayisədə kəskin artıb. Bu da idxal dəyərinin artması fonunda həcmin azalması ilə nəticələnib”.

N.Hacızadə qeyd edib ki, yerli istehsal vasitəsilə tələbatı ödəmək mümkün deyil: “Coğrafi mövqe və ev təsərrüfatlarının istehlak qabiliyyətindən asılı olaraq Azərbaycanda buğda idxalı dəyişir. Nəzərə almaq lazımdır ki, ev təsərrüfatlarının istehlakını ödəmək məqsədilə ölkəyə buğda idxal edilir. Statistikaya əsasən, 2015-ci ildə 1500 ABŞ dolları dəyərində buğda istisna olmaqla, Azərbaycan buğda ixrac etməyib”.

O bildirib ki, işğaldan azad olunmuş ərazilərdə təsərrüfat fəaliyyətinin bərpası və yenidən buğda istehsalı ilə əlaqədar işlər aparılması isə daha çox ərzaq təhlükəsizliyinin təmininə xidmət edəcəkdir. “Həmin ərazilərdə buğda istehsalına başlanılması bu məhsulla özünü təminetmə səviyyəsinin yaxşılaşmasına töhfə verəcəkdir. Məlumat üçün qeyd edim ki, 2020-ci ildə adambaşına buğda istehlakı illik 8,7 kiloqram olub. Statistikaya əsasən, 2020-ci ildə buğda ilə özünü təminetmə səviyyəsi isə 57,1 faiz təşkil edib. Başqa sözlə desək, istehlak etdiyimiz buğdanın 42,9 faizi idxalın payına düşüb. İşğaldan azad olunmuş ərazilərdə buğda istehsalı məhz bu idxalın azalmasına səbəb olacaqdır. Amma bütün hesablamalar onu göstərir ki, qarşıdakı 5 ildə ölkəmizə buğda idxalı davam edəcəkdir”, - deyə departament rəhbəri bildirib.

 

 

 

 

 

Paylaş
Baxılıb: 146 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Sosial

Xəbər lenti

Xəbər lenti

Neft ucuzlaşıb

21 Yanvar 10:00

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31