O, BMT-dəki yeganə erməni deyil

Bakı:

14 °C

51 %

13 m/s

Əlaqə

AZ RU EN

Ana səhifə / Xəbər lenti / O, BMT-dəki yeganə erməni deyil

O, BMT-dəki yeganə erməni deyil

11.02.2022 [23:19]

QHT-lər BMT-nin Baş katibinə etiraz bəyanatı ilə müraciət ediblər

MÜŞFİQƏ

Azərbaycandakı qeyri-hökumət təşkilatlarının rəhbərləri Birləşmiş Millətlər Təşkilatının (BMT) Baş katibi Antonio Quterreşə etiraz bəyanatı ünvanlamaq məqsədilə dünən Bakıda bir araya gəliblər. Tədbirdə 50-dən çox QHT nümayəndəsi iştirak edib. Məqsəd ölkədə həyatın müxtəlif sahələrində fəaliyyət göstərən qeyri-hökumət təşkilatlarının nümayəndələri tərəfindən BMT-nin İnkişaf Proqramında (UNDP) çalışan ermənilərin Azərbaycana qarşı nifrət zəminində apardıqları kampaniyaya etiraz və bunun qarşısının alınmasının tələb olunmasıdır.

BMT-nin erməni əsilli əməkdaşları azərbaycanlılara qarşı nifrət

zəminində təbliğat aparır

Toplantının moderatoru, Hüquqi Təhlil və Araşdırmaları İctimai Birliyinin sədri Ramil İsgəndərli bildirib ki, BMT-nin rolunu, dəstəyini, ölkəmizdə həyata keçirdiyi layihələrə verdiyi töhfəni danmaq olmaz. Amma BMT-nin erməni əsilli əməkdaşları azərbaycanlılara qarşı nifrət zəminində təbliğat aparır və bu da bizim haqlı narazılığımıza səbəb olur. Onun sözlərinə görə, BMT-nin Makedoniyada ölkə üzrə rezident əlaqələndiricisi Armen Qriqoryan Azərbaycana və Türkiyəyə qarşı düşünülmüş nifrət kampaniyası aparır: “O, yeganə erməni deyil. Onlar statuslarından istifadə edirlər. Bu da haqlı olaraq bizdə narazılıq doğurur. Biz bəyanatda belələrinin cəzalandırılması və mandatlarının əlindən alınması məsələsini qaldırmışıq”.

BMT rəhbərliyinə müraciət ünvanlanacaq, öz əməkdaşlarının açıqlamalarına aydınlıq gətirsinlər

Mətbuat Şurasının sədr müavini Müşfiq Ələsgərli isə qeyd edib ki, manipulyativ hərəkətlərlə məşğul olan beynəlxalq QHT-lər bəzi ölkələri qərəzli şəkildə qaralamaqla məşğuldurlar, bəzilərini isə haqlı olmadığı halda ən demokratik ölkə kimi təqdim edirlər: “Bizim QHT-lər təşəbbüs göstərdilər ki, həmin beynəlxalq təşkilatlara adbaad müraciət göndərsinlər və onların hansı əməkdaşlarının bu cür monipulyativ və pozucu əməllərlə məşğul olması barədə rəhbərliklərinə məlumat versinlər. Konkret olaraq bugünkü müraciətimiz BMT rəhbərliyinə ünvanlanacaq. Onlar öz əməkdaşlarının məsuliyyətini müəyyən edib, onların açıqlamalarına aydınlıq gətirsinlər”.

“Bəzi təşkilat təmsilçiləri sosial şəbəkələrdə öz şəxsi profillərində Azərbaycan dövlət rəmzlərinə qarşı sayğısızlıq edirlər. Düşünürəm ki, beynəlxalq qurumlar buna qarşı adekvat münasibət bildirməlidir. Əgər hər hansı bir beynəlxalq təşkilat nümayəndəsi Azərbaycana qarşı təhqir işlədibsə, həmin şəxs dərhal təşkilat tərəfindən cəzalandırılmalıdır”.

Bu fikirləri isə İnformasiya Təşəbbüslərinə Dəstək İctimai Birliyinin sədri Cəsarət Hüseynzadə deyib.

Sonda QHT sədrlərinin iştirakı ilə BMT-nin baş katibi Antonio Quterreşə müraciət göndərilib.

Paylaş:

Baxılıb: 718 dəfə