Heydər Əliyev
yeni azerbaycan logo

Ana səhifə / Xəbər lenti / Jurnalistlərin qurultayı yaxınlaşır

Jurnalistlərin qurultayı yaxınlaşır

13.09.2022 [10:38]

VIII qurultaydan gözləntilər...

Yeganə BAYRAMOVA

Məlum olduğu kimi, Mətbuat Şurasının VIII qurultayının keçirilməsi planlaşdırılır. Sentyabrın 24-də baş tutacaq qurultayda Mətbuat Şurasının yeni sədrinin seçiləcəyi gözlənilir. Nizamnaməyə görə, sədr qurultayda İdarə Heyətinin üzvləri arasından seçiləcək. Artıq qurultaya hazırlıq üzrə Təşkilat Komitəsi də yaradılıb. Qurultay nümayəndələrinin seçilməsi mərhələsinə start verilib. Eyni zamanda, Mətbuat Şurasının rəhbərliyinin yenilənməsi də nəzərdə tutulur.

Xatırladaq ki, Əflatun Amaşov 2003-cü ildən bəri Mətbuat Şurasına rəhbərlik edir. Hazırda qurultay öncəsi Amaşovun yerinə seçiləcək yeni namizəddən gözləntilər barədə geniş müzakirələr aparılır.

Mövzu ilə bağlı fikirlərini “Yeni Azərbaycan”la bölüşən “Yeni Nəsil” Jurnalistlər Birliyinin sədri Arif Əliyev bildirib ki, Mətbuat Şurasının VIII qurultayından ən böyük gözləntisi odur ki, seçiləcək sədr mətbuat problemlərinə həssas yanaşsın: “Fikrimcə, Şuranın sədrliyinə namizəd olacaq şəxslərin potensialı buna imkan verir. Ancaq Mətbuat Şurasının 2003-2008-ci illərdəki nüfuzunun yenidən bərpa ediləcəyinə hələlik şübhə ilə yanaşıram. Çünki Mətbuat Şurası medianın müstəqilliyi üzərində qurulan bir orqandır.  Mediası zəif olan, medianın müstəqilliyi ilə ciddi problemlər yaşanan bir şəraitdə güclü jurnalist qurumunun - bu, istər MŞ, istərsə digər orqan olsun - əvvəlki nüfuzu bərpa etməsi çətin ola bilər. Təsadüfi deyil ki, son 10 ildə ölkədə zəifləyən struktur təkcə Mətbuat Şurası yox, demək olar ki, bütün jurnalist qurumlarıdır və onlar da eyni problemlərin içərisində qalmaqdadır. Qurultayın baş tutmasına az vaxt qalıb, ümid edirəm ki, qurultay baş tutduqdan sonra bu fikirlərimizə və mülahizələrimizə qayıtmarıq. Ancaq bir prinsip var-bütövlükdə Mətbuat Şurasının daha güclü formada fəaliyyətini arzu ediriksə, ilk növbədə, bu qurumun dayaqları möhkəm olmalıdır”.

Paylaş:
Baxılıb: 103 dəfə

Xəbər lenti

Hamısına bax

Xəbər lenti

Xəbər lenti

Sabah yağış yağacaq

06 Oktyabr 12:40

Xəbər lenti

Xəbər lenti

Xəbər lenti

Siyasət

Prezident bu gün

Prezident bu gün

06 Oktyabr 10:19

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31