Heydər Əliyev
yeni azerbaycan logo

Ana səhifə / Xəbər lenti / Arxa şüşəyə şüarlar yazmaq və fotoşəkillər yapışdırmaq olmaz!

Arxa şüşəyə şüarlar yazmaq və fotoşəkillər yapışdırmaq olmaz!

01.12.2023 [13:26]

M.BAYRAMLI

Tez-tez avtomobil yollarında bəzi sürücülərin diqqəti cəlb etmək və ya nəyisə reklam etmək məqsədilə nəqliyyat vasitələrinin arxa şüşələrinə müxtəlif məzmunlu şüarlar yazmaları yaxud fotolar vurma halları müşahidə olunur. Bu da bəzən etik normalara zidd olmaqla bərabər yol-nəqliyyat hadisələrinin baş verməsinə səbəb olan amillərdəndir.  Şüşələrdə əks etdirilən bu cür faktlar avtomobillərin estetik görünüşünə xələl gətirməklə yanaşı, insanların diqqətini yayındırır. Nəticədə qarşıdakı nəqliyyat vasitəsinə, piyadaya və ya hər hansı maneəyə toxunaraq qəza törədə bilirlər. Bu kimi halların qarşısının alınması məqsədilə dəfələrlə sürücülərə müraciət edilir, bu cür yazı və fotolar varsa, onların çıxarılması söylənilir.

Təəssüflər olsun ki, cəmiyyətdə haqlı narazılıq doğurduğu üçün ictimai qınaq obyektinə çevrilməsinə və bu səbəbdən DYP tərəfindən dəfələrlə xəbərdarlıqlar edilməsinə baxmayaraq, hələ də lüzumsuz yazılar və fotolarla avtomobillərinin şüşələrini və ya banını yazı lövhəsinə çevirən sürücülərə rast gəlinir.

Daxili İşlər Nazirliyinin Baş Dövlət Yol Polisi İdarəsinin Hərəkətin Təhlükəsizliyinin Təbliği və İctimai Qurumlarla Əlaqə Şöbəsinin rəisi polkovnik-leytenant Rövşən Tağıyev özünün “Facebook” hesabında bununla bağlı paylaşım edib: “Sürücülər aldıqları mükafatların fotoşəkillərini və ya özlərinə aid məlumatları avtomobillərdə nümayiş etdirməklə müəyyən imtiyaza malik olacaqlarını düşünür və ciddi qayda pozuntularına yol verirlər. Yolda heç kim hansısa bir imtiyaza malik ola bilməz, yollarda ayrı-seçkilik yaratmaq istəyi sürücü intizamını yox edən hallardandır. Qeyd olunan hallar vətəndaşlarımız tərəfindən də ciddi narazılıqla qarşılanır”.

Onun sözlərinə görə, son bir ay ərzində (050) 800-09-02 “WhatsApp” nömrəsinə bununla bağlı 131 müraciət daxil olub: “Bir daha bütün avtomobil sahiblərindən və sürücülərdən avtomobillərinə lüzumsuz yazı və fotoşəkil yapışdırmamağı xahiş edir, bununla bağlı ciddi tədbirlərin görüləcəyi diqqətlərinə çatdırılır”.

Paylaş:
Baxılıb: 212 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Gündəm

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31