“Azərbaycan Respublikasında auditor xidmətinin inkişaf konsepsiyası”nın təqdimatı olub

Bakı:

11 °C

87 %

7 m/s

Əlaqə

AZ RU EN

Ana səhifə / Daxili siyasət / “Azərbaycan Respublikasında auditor xidmətinin inkişaf konsepsiyası”nın təqdimatı olub

“Azərbaycan Respublikasında auditor xidmətinin inkişaf konsepsiyası”nın təqdimatı olub

12.04.2014 [09:54]

Aprelin 11-də Auditorlar Palatasında auditor xidmətinin inkişaf konsepsiyasının təqdimatı keçirilib.
AzərTAc xəbər verir ki, dövlət və hökumət rəsmilərinin, Milli Məclisin deputatlarının iştirak etdikləri təqdimat mərasimində Azərbaycan Prezidenti İlham Əliyevin 2012-ci il 5 sentyabr tarixli Sərəncamı ilə təsdiq edilmiş “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”nın 13.2-ci bəndinə müvafiq olaraq Auditorlar Palatası tərəfindən “Azərbaycan Respublikasında auditor xidmətinin inkişaf konsepsiyası (2012-2020-ci illər)” işlənib hazırlandığı diqqətə çatdırılıb.
Məlumat verilib ki, audit sahəsində qabaqcıl xarici təcrübə və beynəlxalq maliyyə qurumlarının tövsiyələri nəzərə alınmaqla hazırlanmış konsepsiyanın əsas məqsədi Azərbaycanda auditor xidmətinin gələcək inkişaf istiqamətlərinin müəyyən olunması, auditor xidməti bazarının inkişaf etdirilməsi, auditor peşəsinin cəmiyyətdə əhəmiyyətli rolunun tanınması, iqtisadi-maliyyə münasibətlərində şəffaflığın təmin olunmasında auditdən daha geniş istifadə edilməsi və korrupsiyaya qarşı mübarizədə auditorların məsuliyyətinin artırılmasının təmin edilməsi, auditor xidməti istifadəçilərinin maraqlarının müdafiə olunması və bu sahədə tənzimləyici fəaliyyətin yaxşılaşdırılmasından ibarətdir.
Təqdimat mərasimində çıxış edən Milli Məclisin İqtisadi siyasət komitəsinin sədri Ziyad Səmədzadə bildirib ki, müstəqilliyimizi qazandıqdan sonra biz iqtisad elminin real həyatla əlaqəsinin möhkəmləndirilməsinə nail olmuşuq. Z.Səmədzadə belə bir mötəbər tədbirin keçirilməsinin ən böyük əhəmiyyətinin bütövlükdə Azərbaycan cəmiyyətinin inkişafı ilə əlaqədar olaraq dövlətimizin başçısının müəyyən etdiyi vəzifələrə tam uyğun olduğunu qeyd edib, ölkəmizin dinamik inkişafından danışıb.
Tədbirdə Azərbaycan Respublikasının İqtisadi siyasət məsələləri üzrə Dövlət müşaviri xidmətinin iqtisadi siyasət məsələləri şöbəsinin müdiri Mail Rəhimov çıxış edərək vurğulayıb ki, Azərbaycanda audit xidmətinin tarixi müstəqilliyimizlə həmyaşıddır. M.Rəhimov bu sahənin qanunvericilik bazasının möhkəmləndirilməsi istiqamətində görülən mühüm işlərdən, eləcə də konsepsiyanın əhəmiyyətindən danışıb.
Azərbaycan Respublikası Auditorlar Palatasının sədri, iqtisad elmləri doktoru, professor Vahid Novruzov təqdimat məruzəsi ilə çıxış edərək “Azərbaycan Respublikasında auditor xidmətinin inkişaf konsepsiyası”nın əsas müddəalarını tədbir iştirakçılarının diqqətinə çatdırıb.
Tədbir iştirakçıları Azərbaycanda auditor xidmətinin beynəlxalq meyarlara uyğun təşkili və tənzimlənməsində, ölkəmizdə maliyyə şəffaflığının təmin olunmasında və korrupsiyaya qarşı mübarizə sahəsində auditor xidmətinin inkişaf konsepsiyasının mühüm rol oynaya biləcəyini qeyd ediblər.

Paylaş:

Baxılıb: 1413 dəfə