İyunun 21-də Ermənistanda vətəndaş müharibəsi başlaya bilər

Bakı:

25 °C

52 %

2 m/s

Əlaqə

AZ RU EN

Ana səhifə / Dünya / İyunun 21-də Ermənistanda vətəndaş müharibəsi başlaya bilər

İyunun 21-də Ermənistanda vətəndaş müharibəsi başlaya bilər

18.06.2021 [08:50]

İyunun 20-də keçiriləcək növbədənkənar parlament seçkilərinə hazırlaşan Ermənistanda siyasi gərginlik hökm sürür. Ermənistan mediasının yaydığı məlumatlara görə, təbliğat-təşviqat kampaniyası çərçivəsində hakim siyasi qüvvənin, habelə ona müxalif olan partiya və blokların regionlarda, eyni zamanda, paytaxtda keçirdiyi mitinqlərdə səslənən fikirlər seçkidən sonra açıq qarşıdurmanın olacağını göstərir. Hazırda fərqli siyasi qüvvələr arasında toqquşmaların qeydə alınması bu təhlükəni daha da artırır.
“News.am” yazır ki, “Erməni milli konqres” partiyasının sədri Levon Ter-Petrosyan seçkiqabağı vəziyyəti olduqca kritik dəyərləndirib. Onun sözlərinə görə, seçkiqabağı siyasi gərginlik 21 iyunda vətəndaş müharibəsinin baş verəcəyinə dair ehtimalı qüvvətləndirir.
“Tert.am” isə yazır ki, hakimiyyətə qarşı səsləndirdiyi bütün ittihamlara baxmayaraq, sabiq prezident L.Ter-Petrosyan müəyyən olunmuş həddi keçərək mandat almağa nail olacağı təqdirdə, “Erməni milli konqres” partiyasının Paşinyan da daxil olmaqla bütün siyasi qüvvələrlə koalisiya hökuməti qurmağa hazır olduğunu deyir. “Şərəfim var” bloku isə seçkilərdə deputat mandatı qazanacaqları halda “Ermənistan” bloku ilə koalisiya qurulması ehtimalını istisna etmir. Paşinyan da seçkidən sonrakı dövr üçün bəzi addımlar atmaqdadır. “Aysor.am”ın yaydığı xəbərə görə, Paşinyan seçkilərdə siyasi dəstək əvəzində Xalq Partiyasının sədri Stepan Dəmirçiyana prezident postunu vəd edib.
Bu arada, seçkiqabağı kampaniya zamanı bir sıra qanun pozuntularına da rast gəlinib. Belə ki, cinayət məcəlləsində sərt cəza nəzərdə tutulmasına baxmayaraq, regionlarda seçicilərin müxtəlif vasitələrlə ələ alınması, uşaqların təbliğat prosesinə cəlb edilməsi faktları mövcuddur. Digər iddialara görə, hakimiyyətin resursları “Vətəndaş müqaviləsi” partiyasının təbliğat kampaniyasına yönəldilib. Partiyanın seçki qərargahının işçilərinə verilən məvacibin dövlət büdcəsindən təmin olunduğu barədə də məlumatlar yayılır.
Yeri gəlmişkən, “Panorama.am” yazır ki, paytaxt Yerevanda Paşinyan tərəfdarları ilə müxalifəti təmsil edən “Çiçəklənən Ermənistan” partiyasının fəalları arasında toqquşma baş verib.
Ermənistan mediasının yazdığına görə, məğlub ölkədə hakimiyyət böhranı da davam edir. Məsələn, Ermənistanın buraxılmış parlamentinin sonuncu iclasını təşkil etmək üçün deputatları bir araya gətirmək mümkün olmayıb. Belə ki, başları seçkiqabağı kampaniyaya qarışan müxalifəti təmsil edən “Çiçəklənən Ermənistan” və “Maariflənən Ermənistan” fraksiyalarının, habelə hakim partiyanın bir sıra deputatları iclasa gəlməyiblər. Yeri gəlmişkən, “Aysor.am” yazır ki, keçmiş xarici işlər nazirinin müavinləri istefa ərizəsi yazdığı üçün Ermənistan XİN bir müddətdir ki, nəzarətsiz qalıb.
Beləliklə, seçkiqabağı dövrdə siyasi qarşıdurmanın artması, açıq toqquşmaların qeydə alınması Ermənistanda qeyri-sabitliyin seçkidən sonra da davam edəcəyini göstərir. Bu vəziyyəti dəyərləndirən bəzi yerli ekspertlər məğlub ölkədə 21 iyunda vətəndaş müharibəsinin başlanması ehtimalını istisna etmirlər.
Qaşqay ZİYƏDDİNOĞLU

Paylaş:

Baxılıb: 802 dəfə