Heydər Əliyev
yeni azerbaycan logo

Ana səhifə / Dünya / Koronavirus Afrikada tarixə qovuşub?

Koronavirus Afrikada tarixə qovuşub?

23.11.2021 [17:33]

Peyvənd imkanlarına və yaxşı səhiyyə xidmətlərinə baxmayaraq, Qərbi Avropa ölkələri yeni növ koronavirusu (COVID-19) cilovlaya bilmir, lakin Afrikada vəziyyət bir qədər fərqlidir. yeniazerbaycan.com Türkiyənin “Milliyyət” qəzetinə istinadən xəbər verir ki, Afrika qitəsində yoluxma və ölüm hallarının aşağı olması elm adamlarını da təəccübləndirir. Halbuki “SARS-CoV-2” ortaya çıxanda beynəlxalq səhiyyə mütəxəssisləri pandemiyanın Afrikada milyonlarla insanın ölümünə səbəb olacağını proqnozlaşdırmışdılar.

Məlumata görə, qitədə COVID-19-dan nə qədər insanın öldüyü dəqiq bilinməsə də, bir çox Afrika ölkəsində “fəlakət ssenarisi” baş tutmayıb. Məsələn, Zimbabvedə koronavirus artıq tarixə qovuşmuş kimi qəbul edilir. Siyasi partiyalar mitinqlər keçirir, konsertlər verir, evlərə toplaşırlar. Zimbabve Səhiyyə Nazirliyinin açıqladığı son məlumatlara görə, noyabrın 22-də ölkədə 27 yeni yoluxma qeydə alınıb, ölənlərin sayı isə sıfra bərabər olub.

Ümumdünya Səhiyyə Təşkilatının (ÜST) məlumatlarına görə, iyul ayından bəri qitədə yoluxmaların sayında böyük azalma var. Digər tərəfdən, ÜST-ün həftəlik dərc etdiyi pandemiya hesabatlarında Afrika aylardır "dünyanın ən az zərər çəkən bölgələri" arasındadır.

Bəzi tədqiqatçılar, qitənin əhalisinin gənc, urbanizasiyanın aşağı səviyyədə olması və bayırda daha çox vaxt keçirmək meylinin virusun ölümcül təsirlərinin qarşısını almağa kömək edə biləcəyini düşünürlər. Onlar, həmçinin genetikanın və ya irsi parazitar xəstəliklərin virusun yayılmasını yavaşlatdığını vurğulayır. Belə ki, Uqandada aparılan araşdırmada daha əvvəl malyariyaya yoluxmuş COVID-19 xəstələrinin ağır xəstəlik keçirmədiyi və bu insanlarda ölüm nisbətinin aşağı olduğu müəyyən edilib.

Ötən aylarda koronavirus Cənubi Afrika Respublikasına kifayət qədər mənfi təsir göstərərək 89 mindən çox insanın ölümünə səbəb olsa da,  Afrika ölkələrindən koronavirusdan ölümlə bağlı yüksək rəqəmlər gəlmir. Məsələn, 200 milyon əhalisi ilə Afrikanın ən sıx məskunlaşdığı ölkə olan Nigeriyada hökumətin açıqladığı ölüm sayı 3000-ə yaxındır. ÜST-ün məlumatına görə, dünyada ölüm hallarının 46 faizi Amerika qitəsinin, 29 faizi Avropanın, cəmi 3 faizi isə Afrikanın payına düşür.

 

Paylaş
Baxılıb: 76 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30