Nəsimi rayonunda referendum beynəlxalq standartlara uyğun keçirilib

Bakı:

16 °C

63 %

9 m/s

Əlaqə

AZ RU EN

Ana səhifə / Gündəm / Nəsimi rayonunda referendum beynəlxalq standartlara uyğun keçirilib

Nəsimi rayonunda referendum beynəlxalq standartlara uyğun keçirilib

19.03.2009 [11:55]

Referendumu izləyən beynəlxalq müşahidə missiyasının üzvləri və yerli müşahidəçilər prosesin gedişindən razı qaldıqlarını ifadə ediblər
Azərbaycanın bütün yerlərində olduğu kimi, Bakı şəhərində də Azərbaycan Respublikası Konstitusiyasına əlavə və dəyişikliklərlə bağlı referendum yüksək səviyyədə təşkil olunub. Paytaxtın Nəsimi rayonunda yerləşən 21 saylı birinci seçki dairəsində yerləşən məntəqələr üzrə yüksək fəallıq qeydə alınıb. ümumiyyətlə, bu dairənin ərazisində 38 103 seçici qeydiyyatdadır. Dairə sədri Məhsəti Ağayeva ötən prezident seçkilərində bu dairə üzrə yüksək fəallıq nümayiş olunduğunu vurğulayıb. O, bu referendumda da seçicilərin böyük həvəs və fəallıqla iştirakının təqdirəlayiq olduğunu söyləyib. Bu dairədə yerləşən 29 məntəqənin 6-da kameralar quraşdırılıb. Dairə üzrə referendumu izlədiyimiz 15-dən artıq məntəqədə istər seçicilər, istərsə də, komissiya üzvləri və müşahidəçilər referendumun təşkilindən razılıqlarını ifadə ediblər və bu seçkilərin azad, ədalətli, demokratik keçirilməsi üçün hər cür şəraitin yaradıldığını vurğulayıblar. Prosesi müşahidə etdiyimiz məntəqələrdə müxalifəti təmsil edən bir nümayəndənin belə olmaması isə təəssüfləndirici hal kimi diqqətdə qalır. Maraqlıdır ki, bu fakt beynəlxalq müşahidəçilərin də diqqətindən kənarda qalmayıb və onlar müxalifətin qeyri-fəallığını mənfi hal kimi qiymətləndiriblər.
Qeyd edək ki, bəzi məntəqələrdə beynəlxalq müşahidə missiyasının üzvləri ilə görüşdük və onların referendumla bağlı fikirlərini öyrəndik. Avropa Şurası Parlament Assambleyasının referendumu müşahidə edən missiyasının üzvü, İspaniya Parlamentinin təmsilçisi Pedro Aqramunt (Pedro Aqramunt) təxminən 20-dən artıq məntəqədə prosesi izlədiyini və hər şeyin normal məcrada davam etdiyini vurğulayıb: “Mən hər hansısa nöqsan müşahidə etməmişəm. Seçicilər sərbəst şəkildə məntəqələrə gəlirlər, öz iradələrini ifadə edə bilirlər və onların azad, müstəqil şəkildə səs vermələri üçün heç bir əngəl yoxdur”.
Bununla belə, Azərbaycan üçün böyük əhəmiyyət kəsb edən bu prosesdə müxalifət partiyalarının passiv iştirak etməsindən təəssüfləndiyini diqqətə çatdıran avropalı parlamentari əlavə edib ki, müşahidə etdiyi məntəqələrdə müxalifət partiyalarını təmsil edən bir nəfər də olsun nümayəndənin olmaması müsbət hal deyil.
Konstitusiyaya dəyişikliklər edilməsinin Azərbaycan xalqının ən ali hüquqlarından olduğunu diqqətə çatdıran P.Aqramunt əlavə edib ki, əgər xalq bu dəyişiklikləri dəstəkləyirsə, kiminsə buna qarşı çıxış etməyə haqqı yoxdur. çünki dünyanın bütün yerlərində Konstitusiyaya dəyişikliklər olunur.
Referendumu müşahidə edən MDB Parlament Assambleyasının müşahidə missiyasının üzvü, Rusiya Dövlət Dumasının deputatı Anatoli Lokat da referendumun beynəlxalq hüququn norma və prinsiplərinə cavab verdiyini vurğulayaraq, seçki prosesində heç bir qanun pozuntusu müşahidə etmədiyini söyləyib. Belarus Parlamentinin üzvü Mixayil Pavloviç isə Konstitusiya islahatlarının Azərbaycanın gələcək inkişafı üçün yeni imkanlar yaradacağına ümidvar olduğunu qeyd edib və referendumun bütün norma və prinsiplərə uyğun həyata keçirildiyini söyləyib. Belarus Parlamentinin üzvü Mariya Beryukova da referendumun yüksək səviyyədə təşkil olunduğunu deyib: “Referendum yüksək əhval-ruhiyyə ilə keçirilir. Xalq sərbəst şəkildə məntəqələrə gəlir, səs verir. Fəallıq da qənaətbəxş hesab oluna bilər. Mənim hər hansı bir neqativ düşüncəm, qeydim yoxdur”.
Referendumda səs verən Azərbaycan Milli Məclisin üzvləri də Azərbaycan xalqının referendumda yüksək iştirakının sevindirici olduğunu söyləyib. Milli Məclisin iqtisadi siyasət daimi komissiyasının sədri Ziyad Səmədzadə bundan əvvəl təşviqat kampaniyası çərçivəsində Azərbaycanın bir çox rayonlarında seçicilərlə görüşlərdə iştirak etdiyini deyib. Millət vəkilinin sözlərinə görə, açıq-aşkar hiss olunur ki, xalqımız bu referendumu dəstəkləyir: “Bu dəyişikliklər Azərbaycan dövlətinin gələcəyinə, iqtisadi qüdrətlənməsinə, ölkəmizdə azad, sivil, demokratik cəmiyyət qurulmasına xidmət edir. Sevinirəm ki, vətəndaşlarımız da bu reallığın fərqindədirlər. Mən hesab edirəm ki, müşahidə etdiyimiz bu yüksək fəallıq ondan xəbər verir”.
Milli Məclisin üzvü Adil Əliyev də qeyd edib ki, referendumda müşahidə olunan yüksək fəallıq, insanların bu prosesə göstərdiyi böyük maraq təqdirəlayiqdir: “Mən bir neçə dairədə referendumu beynəlxalq müşahidəçilərlə birgə izlədim. Onlar da əhalinin fəallığını xüsusi qeyd edirdilər”.
Aqşin ŞAHİNOÄžLU

Paylaş:

Baxılıb: 1454 dəfə