Beynəlxalq elmi konfransda təhsildə mənəvi-əxlaqi dəyərlər müzakirə edilib

Bakı:

18 °C

94 %

3 m/s

Əlaqə

AZ RU EN

Ana səhifə / Siyasət / Beynəlxalq elmi konfransda təhsildə mənəvi-əxlaqi dəyərlər müzakirə edilib

Beynəlxalq elmi konfransda təhsildə mənəvi-əxlaqi dəyərlər müzakirə edilib

06.12.2014 [12:06]

Dekabrın 5-də Bakıda Təhsil Problemləri İnstitutu (TPİ), Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsinin birgə təşkilatçılığı ilə “Təhsildə mənəvi-əxlaqi dəyərlər: harmonik şəxsiyyətin formalaşması” mövzusunda Beynəlxalq elmi konfrans işə başlayıb.
AzərTAc xəbər verir ki, tədbirdə Azərbaycan ilə yanaşı, Rusiya, Gürcüstan, Qazaxıstan və Latviyadan olan tanınmış alimlər iştirak edirlər.
Konfransın açılışında TPİ-nin direktoru Qulu Novruzov çıxış edərək Azərbaycan təhsil sistemində aparılan islahatlardan, təhsilimizin inkişafı və dünya təhsil sisteminə inteqrasiyası istiqamətində görülən işlərdən danışıb. O bildirib ki, Azərbaycan təhsili dünya təhsilinin bir hissəsidir: “Təhsilimizin dünyanın qabaqcıl ölkələrinin təhsili səviyyəsinə çatdırılması üçün respublikamızda müəyyən işlər görülür. Bu gün ən vacib məsələlərdən biri gənc nəslin tələb olunan səviyyədə yetişdirilməsidir. Konfransın keçirilməsinin məqsədi də təhsil alanların mənəvi-əxlaqi inkişafı və şəxsiyyət kimi formalaşması sahəsində müasir meyillər, qabaqcıl təcrübənin mübadiləsi və Azərbaycan təhsilinə inteqrasiyasıdır.
Təhsil nazirinin müavini Firudin Qurbanov bildirib ki, hazırkı yeni çağırışlar və qloballaşma dövründə bilikli, yüksək dünyagörüşlü və mənəvi cəhətdən sağlam gənclərin formalaşması mürəkkəb problemlərdəndir: “Müəllim tədris prosesində ən vacib simadır, onun üzərinə gənc nəsli bilikli və savadlı yetişdirmək kimi məsul bir vəzifə düşür. Bu gün nəinki bilikli, eyni zamanda mənəvi cəhətdən saf, tərbiyəli vətəndaş formalaşdırmalıyıq. Çünki ölkənin qarşısında duran çox mühüm vəzifələri gələcəkdə məhz bu gənclər həyata keçirəcəklər”.
Azərbaycan Təhsil İşçiləri Azad Həmkarlar İttifaqı Respublika Komitəsi sədrinin müavini Şaiq Əsgərov, Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova və başqaları çıxış edərək cəmiyyətin inkişafında təhsilin rolundan, təhsildə mənəvi-əxlaqi dəyərlərin əhəmiyyətindən söz açıblar.
Konfransda Milli Məclisin deputatı, professor Bəxtiyar Əliyevin “Cəmiyyətin əxlaqi siması və şəxsiyyətin əxlaq şüurunun təşəkkülü”, professor Hikmət Əlizadənin “Şəxsiyyət və təhsil: problemlər, perspektivlər”, Əməkdar elm xadimi, professor Fərrux Rüstəmovun “Humanistləşdirmə Azərbaycan təhsilini modernləşdirmənin mühüm prinsipi kimi”, Beynəlxalq Humanist Pedaqogika Mərkəzinin prezidenti, Rusiya Təhsil Akademiyasının həqiqi üzvü, professor Şalva Amonaşvilinin “Müəllim, mənəvi gözəlliyin yolunu göstər” və digər mövzularda məruzələr dinlənilib.
Konfrans dekabrın 6-da başa çatacaq.

Paylaş:

Baxılıb: 713 dəfə