Heydər Əliyev
yeni azerbaycan logo

Ana səhifə / Siyasət / Los-Ancelelsdə Türkiyə konsulunu öldürən erməni terrorçu 40 il sonra azadlığa çıxıb: “Nəhayət ki, Ermənistandayam”

Los-Ancelelsdə Türkiyə konsulunu öldürən erməni terrorçu 40 il sonra azadlığa çıxıb: “Nəhayət ki, Ermənistandayam”

30.10.2021 [19:51]

40 il sonra həbsdən azad olan Hampiq Sasunyan cümə günü Amerika ermənilərinə ünvanlanan bəyanat yayıb: “Mən sizə Ermənistandan inanılmaz sevinclə yazıram. 40 ilə yaxın müddətdən sonra erməni torpağına ayaq basmaq, onun havasını udmaq, suyundan içmək, ailəmin və yaxınlarımın hərarətini hiss etmək mənim üçün şərəfdir. Mənə verdiyiniz sevgi və dəstək illərlə məni ayaqda saxladı. Məni ən qaranlıq günlərdən keçirib bu günə gətirib çıxardı. Mənə yazan, məni ziyarət edən və məni qəlbində saxlayan hər kəsə dərin təşəkkürümü bildirirəm. Nəhayət ki, evdəyəm”.
Ermənistan mətbuatı yazır ki, Sasunyan 1982-ci il yanvarın 28-də Los-Ancelesdə Türkiyənin baş konsulu olmuş Kamal Arıkana sui-qəsd törətməkdə təqsirli bilinərək ömürlük həbs cəzası almışdı. Həmin vaxt onun 19 yaşı vardı. İndi isə o, 58 yaşındadır.
Xatırladaq ki, Kamal Arıkan (1927-1982) iki erməni silahlı şəxs tərəfindən hücuma məruz qalıb. Konsulun avtomobilini atəşə tutan yaraqlılar onu qətlə yetirib. Bu terror aktına görə, Erməni Soyqırımına Ədalət Komandsları adlı təşkilat (JCAG) məsuliyyəti öz üzərinə götürüb. Sui-qəsdçilərdən biri Hampiq Sasunyan qısa müddət sonra həbs edilib. Sasunyanın atası ictimai televiziyada çıxışı zamanı belə demişdi: "Bir türkün öldürülməsinə şadam, amma oğlum bunu etmədi”. O vaxt Sasunyanla bir yerdə olmuş Krikor Saliba Beyruta qaçmışdı. Los-Anceles polisi Sasunyanın avtomobilində axtarış apararaq 357 kalibrli güllə və Los-Ancelesdən Beyruta bir tərəfli aviabilet ələ keçirmişdi. Polis Sasunyanın evində də axtarış aparıb, oradan silah qəbzi, tapança, "Erməni Gənclər Federasiyası"nın manifestini ələ keçirmişdi. Sasunyan özünü təqsirli bilməsə də, məhkəmə onu birinci dərəcəli qətldə təqsirli bilib və ömürlük həbs cəzasına məhkum edib. Sasunyanın cəzası daha sonra dəyişdirildi və o, qətli törətdiyini etiraf etdi.
Onu da deyək ki, Türkiyə konsuluna qarşı ilk sui-qəsd cəhdi 6 oktyabr 1980-ci ildə olmuşdu, belə ki, konsulun evi ermənilər tərəfindən atəşə tutulmuşdu.

Elbəyi Həsənli, Sürix. "Yeni Azərbaycan" üçün

Paylaş
Baxılıb: 133 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30