Heydər Əliyev
yeni azerbaycan logo

Ana səhifə / Siyasət / Aİ-dən Ermənistana “maliyyə yardımı” nəyə xidmət edir?

Aİ-dən Ermənistana “maliyyə yardımı” nəyə xidmət edir?

22.12.2021 [11:23]

Avropa İttifaqının Ermənistana isti münasibətlərinin arxasında nələr dayanır?

Nurlan QƏLƏNDƏRLİ

Prezident İlham Əliyev İtaliyanın “İl Sole 24 Ore” qəzetinə müsahibəsində çox mühüm məqamlara toxundu. Dövlət başçısı Avropa İttifaqının Ermənistana bu yaxınlarda 2.6 milyard dollar həcmində maliyyə vəsaiti ayırmasına da diqqət yetirdi və bunun təəccüblü olmasını vurğuladı. Azərbaycan Prezidenti söylədi ki, fiziki cəhətdən belə Ermənistanın iqtisadiyyatı bu nəhəng həcmli paketi mənimsəyə bilməz. Dövlət başçısı qurumun Azərbaycana təqribən 20 dəfə az - 140 milyon dollar məbləğində vəsait ayırmasına da toxunaraq “Biz istəyirik ki, yanaşma vahid standartlara əsaslansın. Biz ədalət istəyirik və əlbəttə, Azərbaycana eyni şərtlərlə, eyni həcm­də vəsaitin verilməsini istəyirik”,-deyə vurğuladı.

İkili standartlar siyasəti, yaxud ədalətsizliyin bariz nümunəsi

Məsələyə münasibət bildirən Milli Məclisin deputatı, iqtisad elmləri doktoru, professor Ziyad Səmədzadə “Yeni Azərbaycan”a açıqlamasında bildirdi ki, Avropa İttifaqının Azərbaycan ilə Ermənistan arasında fərqi görməməsi, obyektiv amilləri nəzərə almaması açıq-aşkar görünür: “Azərbaycan əhalisinin sayı Ermənistan əhalisindən ən azı 4 dəfə çoxdur. İki ölkənin iqtisadi potensialı arasında fərq ildən-ilə artır, Azərbaycan iqtisadiyyatı bütövlükdə Qafqaz regionunda aparıcı mövqeyə malikdir.  Belə olan halda, Avropa İttifaqı tərəfindən Azərbaycana və Ermənistana ayrılan vəsait arasında ciddi fərq olması onu göstərir ki, qurum bu məsələdə də ikili standartlar nümayiş etdirir. Azərbaycanın torpaqları 30 ilə yaxın müddət ərzində Ermənistanın işğalı altında olub, iqtisadi potensial, sosial və insan infrastrukturu dağıdılıb, Azərbaycan dövlətinə milyard manat dollarla zərər vurulub. Avropa İttifaqı vəsait ayırarkən bu məqamları nəzərə almalı, obyektiv yanaşma ortaya qoymalıydı”.

“Söhbət təkcə Azərbaycana vəsait ayrılmasından getmir, ölkəmizin kifayət qədər valyuta ehtiyatları, güclü iqtisadiyyatı var. Məsələ budur ki, Avropanın enerji təhlükəsizliyinə müstəsna töhfə verən Azərbaycana qarşı ikili standartlara əsaslanan bu mövqe ədalətsizliyin bariz nümunəsidir. Azərbaycan öz ərazi bütövlüyünü təmin edib, işğaldan azad olunmuş ərazilərini bərpa edəcək, artıq bu işlərə start verilib. Söhbət ondan gedir ki, yenə də ikili standartlara əsaslanan yanaşma mövcud olacaqsa, erməni vandalizminə qarşı müvafiq xarici qüvvələr tərəfindən laqeyd münasibət göstəriləcəksə, bu, heç də müsbət qarşılanmayacaq.  Amma bütün bunlara baxmayaraq, Azərbaycan dövləti beynəlxalq aləmdə müsbət beynəlxalq imicinin möhkəmlənməsinə nail olub, düşünülmüş iqtisadi siyasətini davam etdirir, eyni zamanda, bir daha sübut edir ki, ikili standartlar siyasəti davam etsə də, Azərbaycan heç vaxt həmin qüvvələrin düzgün olmayan baxışları ilə razılaşmayacaq. Azərbaycan öz milli maraqlarını qorumaq üçün müstəqil siyasət, o cümlədən iqtisadi təhlükəsizlik siyasəti yeridir, davamlı, dinamik və keyfiyyətli inkişaf edən dövlət kimi mühüm nailiyyətlər qazanır”,-deyə Ziyad Səmədzadə əlavə edib.

Azərbaycanı təsir altına almaq, ölkəmizə diktə etmək istəyirlər

Milli Məclisin deputatı Vahid Əhmədov isə vurğulayıb ki, bu, Avropa İttifaqının bir sıra məsələlərdə ikili standartlara əsaslanan siyasət həyata keçirdiyini bir daha təsdiqləyir: “Fikir vermisinizsə, Prezident İlham Əliyev Azərbaycana vəsait lazım olmadığını bildirmiş və təklif etmişdi ki, minalanmış ərazilərin təmizlənməsinə görə maliyyə ayırsınlar, bu prosesdə iştirak etsinlər. Yəni Azərbaycanın pula ehtiyacı yoxdur, özünün kifayət qədər maliyyəsi var.  Ümumiyyətlə, Avropa İttifaqı görür ki, Azərbaycan müstəqil dövlətdir, heç bir qüvvədən asılı deyil, dövlət başçısı xalqın mənafeyini, milli maraqları üstün tutan qətiyyətli siyasət həyata keçirir. Bu da onlarda qıcıq və narahatlıq yaradır, çünki Azərbaycanı təsir altına almaq, ölkəmizə diktə etmək istəyirlər. Amma bu, mümkün deyil”.

Reallıqlar nəzərə alınmalıdır

Vahid Əhmədovun sözlərinə görə, Avropa İttifaqı başa düşür ki, Azərbaycan artıq güclü dövlətdir, beynəlxalq aləmdə kifayət qədər çəkisi var: “44 günlük Vətən müharibəsi də həm Azərbaycanın milli gücünü, həm də dünyanın beşdən böyük olduğunu göstərdi. Belə olan halda, Aİ reallıqları nəzərə almalıdır. Qurum Azərbaycandan möhkəm yapışmalıdır. İlk növbədə, nəzərə alınmalıdır ki, Avropanın enerji bazarını təmin edən əsas dövlətlərdən biridir. Avropa ölkəmizlə yaxın dostluq əlaqələri qurmalı, ikili standartlara əsaslanan mövqeyindən çəkinməlidir”. 

Ümumiyyətlə faktlar və reallıqlar təsdiqləyir ki, Ermənistana ayrılan maliyyə yardımları bu ölkənin sosial-iqtisadi yaralarına məlhəm olmur. Bəs səbəb nədir? Yoxsa bəzi ölkələr və qurumlar “maliyyə yardımı” adı altında Ermənistandan çirkli pulların yuyulması vasitəsi kimi istifadə edirlər?

P.S. Mövzunu davam etdirəcəyik

 

Paylaş
Baxılıb: 209 dəfə

Xəbər lenti

Hamısına bax

Gündəm

Xəbər lenti

YAP xəbərləri

Xəbər lenti

Sabah qar yağacaq

26 Yanvar 13:40

Sosial

İqtisadiyyat

Neft ucuzlaşıb

26 Yanvar 10:24

Müsahibə

MEDİA

Gündəm

Sosial

Müsahibə

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31