Humanitar aksiyaları ilə digər qeyri-dövlət təşkilatlarına örnək olan Fond

Bakı:

24 °C

78 %

0 m/s

Əlaqə

AZ RU EN

Ana səhifə / Siyasət / Humanitar aksiyaları ilə digər qeyri-dövlət təşkilatlarına örnək olan Fond

Humanitar aksiyaları ilə digər qeyri-dövlət təşkilatlarına örnək olan Fond

07.08.2010 [12:43]

Heydər Əliyev Fondunun təşəbbüsü ilə Salyanda 150 aztəminatlı ailə üçün şəhərcik salınır
Vətəndaşların rifah halının yüksəldilməsi və sosial proqramların həyata keçirilməsi vəzifələrinin yalnız dövlətdən asılı olması kimi düşüncələr müasir sosial dövlət anlayışı çərçivəsinə sığmır. çünki dövlət gücləndikcə, maliyyə resursları artdıqca, o, qeyri-dövlət sektorunun inkişafında maraqlı olur və bu sahəyə böyük məbləğdə vəsaitlər ayırmağa başlayır. Bununla da, sosial problemlərin mövcud olduğu sahələrdə ən iri proqramları dövlət həyata keçirir, xırda məsələlərin həlli ilə bağlı isə qeyri-dövlət sektorunda işləyən təşkilatlar fəallıq nümayiş etdirirlər. Yəni, bu, müasir sosial dövlət modelinin iş prinsipidir...
Gənc, müstəqil dövlət kimi Azərbaycanda da xalqımızın milli-mənəvi dəyərlərinə əsaslanan sosial dövlət modeli qurulur. Bu gün dövlət xalqın mühüm sosial problemlərinin həlli üzrə böyük layihələr həyata keçirir, eyni zamanda, cəmiyyətdə mövcud olan, lakin dövlətin diqqətindən yayınan problemlərin həllinə də qeyri-dövlət təşkilatları vasitəsilə müdaxilə edir. ötən müəyyən müddət ərzində qeyri-dövlət strukturları humanitar aksiyaların həyata keçirilməsində, sosial problemlərin aradan qaldırılmasında böyük işlər görüblər. Amma bu cür təşkilatlar hələ ki, azlıq təşkil edir.
Bununla yanaşı qeyd etmək yerinə düşər ki, cəmiyyətdə mövcud sosial problemləri görən və onların aradan qaldırılması üçün konkret əməli fəaliyyət göstərən qeyri-dövlət və qeyri-kommersiya təşkilatı olan Heydər Əliyev Fondu həyata keçirdiyi işlərlə digər qeyri-dövlət təşkilatlarına örnəkdir. Heydər Əliyev Fondu təhsil, səhiyyə, mədəniyyət, sosial problemlərin həlli üzrə humanitar aksiyalar çərçivəsində iri layihələr həyata keçirib və bununla da cəmiyyətin rəğbətini qazanıb.
Hazırda isə Heydər Əliyev Fondunun təşəbbüsü ilə Salyanda tənha, aztəminatlı və əlil ailələri üçün 150 evdən ibarət yeni şəhərcik salınır. Məlumatlara əsasən, Tikinti işlərinin təxminən 70-80 faizi artıq başa çatıb. Şəhərciyin ilin sonuna kimi istifadəyə veriləcəyi gözlənilir.
Qeyd edək ki, Salyanda yeni şəhərciyin salınmasına cəmi 4 ay əvvəl başlanılsa da, artıq tikinti işlərinin təxminən 70 faizi görülüb. Heydər Əliyev Fondunun bu humanitar aksiyası tənha, imkansız və əlil ailələrini evlə təmin edib onların uzun illik həsrətinə son qoyacaq. Hazırda fərdi evlərin hamısında divarlar suvanır, dam örtüyü və döşəmə vurulur, elektrik xətləri çəkilir. Tənha, imkansız və əlil ailələri inşaat işlərinin başa çatacağı günü səbirsizliklə gözləyirlər.
Şəhərcikdə uşaq baxçası, tibb məntəqəsi, ticarət mərkəzi və digər sosial obyektlər də tikilir. Qaz, su xətlərinin çəkilişi layihələndirilib və bu işlərin icrasına başlanıb. Beton dirəkləri basdırılıb və SİB kabellərlə elektrik verilişi xətləri çəkilir.
Tikintinin tam başa çatmasına gəlincə, məlumatlara əsasən, Salyanda 150 aztəminatlı ailə 2011-ci ili yeni evdə qarşılayacaq. Bir sözlə, görünən odur ki, Heydər Əliyev Fondu bu ailələrinin həyatında yeni bir səhifə açır. Şəhərcikdə ev sahibi olacaq şəxslər sevinclərini gizlədə bilmirlər. Axı onlar ev sahibi olacaqlarını belə düşünmürdülər. Lakin məhz Heydər Əliyev Fondunun humanitar aksiyası çərçivəsində 150 aztəminatlı ailə gələn il şəxsi evində yaşamağa başlayacaq. Buna görə də, onlar Prezident İlham Əliyevə və Heydər Əliyev Fondunun prezidenti Mehriban xanım Əliyevaya təşəkkürlərini bildirirlər.
Bir sözlə, bu aksiya ilə Heydər Əliyev Fondu bir daha Azərbaycanda qurulan sosial dövlət modelinə özünün xüsusi töhfəsini vermiş olur, müxtəlif səbəblərdən sosial problemlərlə qarşılaşan insanlarda gələcəyə inam formalaşdırır.
ümid edirik ki, Heydər Əliyev Fondunun bu kimi fəaliyyətləri digər qeyri-dövlət strukturlarına örnək olacaq.

Paylaş:

Baxılıb: 1193 dəfə