Heydər Əliyev yeni azerbaycan logo

Ana səhifə / Siyasət / Ukraynaya 7-ci yardım, Rusiyaya 6-cı sanksiyalar paketi

Ukraynaya 7-ci yardım, Rusiyaya 6-cı sanksiyalar paketi

21.04.2022 [09:56]

Mübariz ƏHMƏDOĞLU

Bir sıra geosiyasi amillər səbəbindən alovlanan Rusiya-Ukrayna müharibəsi yalnız döyüş meydanlarında getmir. Onu həm də sanksiyalar müharibəsi kimi səciyyələndirmək mümkündür.

Ukrayna ətrafında sıx koalisiya

İndiyədək müharibə tərəflərindən biri -  Ukrayna ətrafında bu ölkəni dəstəkləyən ABŞ və Avropa İttifaqı (Aİ) dövlətlərindən ibarət sıx koalisiya yaranıb. Sözügedən dövlətlərin Rusiyanın hücumuna məruz qalan və böyük dağıntılarla üzləşən Ukraynaya dəstəyi müxtəlif istiqamətlərdə həyata keçirilir.  Başlanğıcda Qərbin Ukraynaya köməyi ölkəyə müdafiə təyinatlı silahların göndərilməsi ilə məhdudlaşırdı və bir növ gizli şəkildə həyata keçirilirdi. Lakin belə görünür ki, daha heç nəyi gizlətməyə lüzum qalmayıb. Avropa ölkələri Ukraynaya bütün növ yardımlarını daha Rusiya sputniklərindən gizlətməyə heç cəhd də göstərmirlər və açıq şəkildə bildirirlər ki, perspektivdə yardımların miqyası daha da artacaq. Bu barədə ayrı-ayrı ölkələrin liderləri kəskin bəyanatlar səsləndiriblər. Gündəlikdə duran əsas məsələlərdən biri isə bundan sonra Ukraynaya ağır hücum silahlarının göndərilməsidir. İfadə olunan ümumi qənaət belədir ki, Ukraynada ilkin məqsədə nail olunub işğal planının qarşısı alınıb. Növbəti mərhələdə qarşıya qoyulan hədəf işğalçını bütünlüklə Ukraynadan çıxarmaqdan ibarətdir.

Qərbin Ukraynaya dəstəyin genişləndirilməsi ilə bağlı planları barədə Avropa Komissiyasının sədri Ursula fon der Leyen Bild am Sonntag nəşrinə müsahibəsində danışıb. O, aydın şəkildə ifadə edib ki, Avropa ölkələri Ukraynaya ağır texnika, o cümlədən də tankların və təyyarələrin göndərilməsindən imtina etməyəcəklər.  “Mən yüngül və ağır silahlar arasında fərq qoymaq istəmirəm. Ancaq bir məsələ dəqiqdir ki, Ukrayna öz müdafiəsi üçün zəruri olan bütün silahları almalıdır”, - deyə Avropa Komissiyasının rəsmisi vurğulayıb. 

Avropadan silah gözləntilərini Ukrayna prezidenti Volodimir Zelenski də təsdiqləyib. “Hazırda sual ondan ibarətdir ki, silahlar Ukraynaya mümkün qədər tez çatdırılsın”, - deyə V.Zelenski növbəti mətbuat konfransında vurğulayıb.

 800 milyon dollarlıq hərbi yardım

Verilən xəbərlərdən bəlli olur ki, Ukraynaya hərbi-texniki yardımı yalnız Avropa ölkələri artırmayacaq. ABŞ bundan sonra da bu ölkənin dəstəklənməsində öndə gedəcək. Prezident Co Bayden bu günlərdə Ukraynaya növbəti, sayca yeddinci hərbi yardım paketini elan edib. Miqyasına görə əvvəlkilərdən xeyli böyük olan bu yardım paketinin dəyəri 800 milyon dollardır. Bütövlükdə ABŞ indiyədək Ukraynaya 3,2 milyard dollar dəyərində hərbi yardım göstərib.

Yeni sanksiyalar qaçılmazdır

Ukraynaya yardımların artması ilə paralel şəkildə müharibənin digər tərəfinə - Rusiyaya qarşı tətbiq olunan sanksiyaların əhatə dairəsi daha da genişləndirilir. İndiyədək ABŞ başda olmaqla Avropa ölkələri Rusiyaya qarşı beş mərhələdə sanksiyalar tətbiq edib. Qadağaların tətbiqində məqsəd bu ölkənin imkanlarını məhdudlaşdırmaqdan və onu defolt vəziyyətinə salmaqdan ibarətdir. Qarşıda isə Rusiyanı yeni qadağalar gözləyir. Avropa Komissiyasının sədri bəhs olunan müsahibəsində şimal qonşumuza qarşı Aİ-dən tətbiqi gözlənilən altıncı sanksiyalar paketindən söhbət açıb. O bəyan edib ki, Rusiyanın bank sektoruna, xüsusilə də “Sberbank”a münasibətdə yeni tədbirlərin görülməsi imkanları araşdırılır. Bundan başqa, Ursula fon der Leyen Rusiyadan karbohidrogen məhsullarının ixracına qarşı planlaşdırılan qadağalardan da danışıb. “Hazırda biz növbəti sanksiyalar paketi çərçivəsində Rusiya neftinin ixracını da qadağalar altında qoyacaq ağıllı bir mexanizm üzərində işləyirik. Rusiyadan neftin ixracına qadağalar qoyulması böyük ölçüdə inqilabi səciyyə daşıyır. Bu barədə Avropa İttifaqının rəsmiləri dəfələrlə müzakirələr açıblar. Belə görünür ki, Rusiyaya qarşı yeni sanksiyaların tətbiqi qaçılmaz olacaq”, -  deyə Avropa Komissiyasının rəsmisi bildirib.

Paylaş:
Baxılıb: 190 dəfə

Xəbər lenti

Hamısına bax

Gündəm

Sosial

Xəbər lenti

Siyasət

Prezident bu gün

Prezident bu gün

25 May 10:30

MEDİA

Siyasət

İqtisadiyyat

Gündəm

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31