Hədəf Krasnodar vilayətidir

Ana səhifə / Siyasət / Hədəf Krasnodar vilayətidir

Hədəf Krasnodar vilayətidir

11.05.2022 [10:24]

Ermənilərin Rusiyaya torpaq iddiası...

Ermənilər yeni iddialarla gündəmə gəlməyə çalışırlar. Belə ki, Türkiyə, Azərbaycan və Gürcüstanın ardından indi də Rusiyaya ərazi iddiası irəli sürülür. Rusiyanın hazırki durumundan maksimum yararlanmağa çalışan ermənilər bu ölkənin bəzi vilayətlərinin “qədim erməni diyarı” olduğunu sübuta yetirməyə “səy göstərirlər”. Məsələn, erməni müəllif Qalust Qriqoryan bildirir ki, hazırda Rusiya aşkar təcrid olunub və rus ordusu ən zəif dövrünü yaşayır. İndiki məqamda vaxtilə çar Rusiyası və ya SSRİ tərəfindən Rusiyaya birləşdirilən torpaqların iddiasını qaldırmaq vaxtıdır. Erməni müəllif yazır ki, proseslərin inkişafı Rusiya üçün bir kabusa çevrilə bilər. Və əsl məqsədini də bunun ardınca ortaya sürür. Onun fikrincə, bu hal baş verərsə, ermənilər Krasnodar vilayətinin şərqində 200 minlik böyük şəhər olan Armaviri “unutmamalıdırlar”: “Armaviri 1839-cu ildə Rusiya ilə vuruşan çərkəzlərin arasındakı “Çərkəz erməniləri” salıb. Şəhər Böyük Ermənistanın qədim paytaxtının adını daşıyırdı. Həmçinin digər böyük erməni şəhəri indiki Rostov-na-Donun ən böyük rayonlarından biri olan Naxçıvan-na-Donudur. 1928-ci ilə qədər Nor-Naxçıvan ayrıca erməni yaşayış məntəqəsi idi”.

Qriqoryanın erməni xəstəlyindən qaynaqlanan sərsəmləmələri isə bununla bitir: “Müasir Rusiya ərazisində erməni şəhərlərini çox sadalamaq olar. Ancaq onları xatırlamaq deyil, həm də doğma limana qayıtmağa hazır olmaq daha vacibdir. İndiki halda hər birimiz bu haqda düşünməliyik”.

Göründüyü kimi, erməni məkri yenə də iş başındadır. 1980-ci illərin sonunda Sovet İttifaqında baş verən siyasi gərginliklərdən, böhrandan istifadə edərək Azərbaycana qarşı əsassız iddialar irəli sürən ermənilər indi də “qardaş” adlandırdıqları Rusiyanın kürəyinə bıçaq saplamaq üçün fürsət axtarırlar.

Məsələ ilə bağlı fikirlərini bölüşən Milli Məclisin deputatı, YAP İdarə Heyətinin üzvü Anar İsgəndərov bildirib ki, erməni məkri, erməni iddiaları ilə bağlı dünyada kifayət qədər məlumatlar mövcuddur. Böyük Ermənistan iddiası, 24 aprel xülyası kimi uydurmalar hər kəsə bəllidir. Ermənilər öz maraqlarına çatmaq üçün yalanlar uydurur və müəyyən dövlətləri də buna inandıra bilir. Uydurulan bütün yalanlar isə türk-müsəlman dünyasına qarşıdır. Bu səbəbdən də bir çox hallarda həmin yalanlar bəzi dövlətlər tərəfindən dəstəklənir: “Amma Rusiya ilə bağlı düşüncə belədir. Birincisi, o torpaqların hamısı Rusiyaya qədər Osmanlı imperiyasına məxsus olub. Osmanlı-Rusiya müharibələri nəticəsində həmin torpaqlar Rusiyaya keçdi. Əgər o torpaqlarda bir neçə erməni yaşayıbsa, o demək deyil ki, ora ermənilərindir? Bu gün Fransanın Marsel şəhərində ermənilər kompakt şəkildə yaşayırlar. Bu o deməkdir ki, yaxın gələcəkdə ermənilər o şəhərə də iddia edəcəklər?”

Millət vəkili vurğulayıb ki, dünyada “çərkəz ermənisi” adlı anlayış yoxdur. Ermənilərin bütün yalanları kimi bu anlayış da uydurmadır. “Həmin regionda Naxçıvan adlı şəhər də olmayıb. Olsaydı belə bu şəhər ermənilərin deyil, bizim olmalı idi. Ermənilər hər zaman situasiyadan ustalıqla istifadə etməyə çalışıblar. Bu gün də öz məkrli amplualarındadırlar. Ən maraqlısı isə odur ki, görək rus tarixçiləri və politoloqları bu iddialara necə cavab verəcəklər”, - deyə A.İsgəndərov əlavə edib.

P. İSMAYILOV

Paylaş:

Baxılıb: 132 dəfə

Xəbər lenti

Hamısına bax