Mübariz Qurbanlı: Bu gün Heydər Əliyevin adı 50 milyonluq azərbaycanlılar üçün simvola çevrilib

Bakı:

9 °C

93 %

5 m/s

Əlaqə

AZ RU EN

Ana səhifə / Siyasət / Mübariz Qurbanlı: Bu gün Heydər Əliyevin adı 50 milyonluq azərbaycanlılar üçün simvola çevrilib

Mübariz Qurbanlı: Bu gün Heydər Əliyevin adı 50 milyonluq azərbaycanlılar üçün simvola çevrilib

08.12.2010 [10:04]

Məlum olduğu kimi, ümummilli liderimiz Heydər Əliyevin vəfatının ildönümü ilə əlaqədar hər il ölkəmizin hər bir yerində olduğu kimi, Azərbaycan sərhədlərindən kənarda da dünyanın müxtəlif şəhərlərində anım günləri keçirilir. Azərbaycan vətəndaşları hər il ümummilli liderimizin xatirəsini yad etmək üçün Fəxri Xiyabana gedirlər və Onun məzarı ziyarət olunur. Eyni zamanda, Ulu öndərin irsinin təbliği ilə əlaqədar müxtəlif xarakterli tədbirlər həyata keçirilir. Heydər Əliyevin yaratdığı, qurucusu olduğu Yeni Azərbaycan Partiyası (YAP) Ulu öndərin zəngin irsinin təbliği, təşviqi ilə bərabər, Onun xatirəsinin əziz tutulması, hər zaman anılması üçün də müxtəlif xarakterli tədbirlər həyata keçirir. Bu il də Yeni Azərbaycan Partiyasının rayon və şəhər təşkilatları Heydər Əliyevin xatirəsinin anım günü ilə bağlı müxtəlif tədbirlər keçirəcəklər. Həmçinin, Bakıda Yeni Azərbaycan Partiyasının təşkilatçılığı ilə böyük bir tədbirin keçirilməsi planlaşdırılır. Bu barədə www.yap.org.az saytına açıqlamasında YAP İcra katibinin müavini, millət vəkili Mübariz Qurbanlı məlumat verib. Onun sözlərinə görə, Ulu öndər Heydər Əliyev müstəqil Azərbaycan dövlətinin qurucusu kimi xalqımızın yaddaşına əbədi həkk olunub: “Dünya miqyasında müstəqil Azərbaycandan danışanda onun qurucusu Heydər Əliyevin adı da həmişə çəkilir, uca tutulur. Ulu öndər Heydər Əliyevin xatirəsi Azərbaycan xalqının qəlbində əbədi yaşayacaqdır. Heydər Əliyev Azərbaycan xalqının tarixində böyük rol oynayıb. ümummilli liderimizin Azərbaycanda siyasi hakimiyyətə qayıdışı ölkəmizi fəlakətdən xilas edib və bununla da Azərbaycanın dövlət müstəqilliyinin qorunub saxlanması həyata keçirilib”.
“Tarixdə böyük şəxsiyyətlərin rolu əvəzolunmazdır və onlar tarixi proseslərə ciddi şəkildə təsir göstərmək imkanına malik olublar. O xalq xoşbəxtdir ki, o xalqın tarixi şəxsiyyətləri böhranlı vəziyyətlərdə böyük addımlar ataraq ox xalqını, öz millətini xilas edə biliblər” - deyən M.Qurbanlı əlavə edib ki, bu gün Heydər Əliyevin adı 50 milyonluq azərbaycanlılar üçün simvola çevrilib. Dünyanın hansı yerində olmasından asılı olmayaraq, hər bir azərbaycanlı Heydər Əliyev şəxsiyyətini, Heydər Əliyev irsini əziz xatirə kimi yad edir və onu qoruyur: “İndiki nəslin əsas vəzifələrindən biri Ulu öndərin bizə qoyduğu irsi qorumaq və onu gələcək nəsillərə ötürməkdir. Prezident cənab İlham Əliyevin məqsədyönlü siyasəti sayəsində Azərbaycan ildən-ilə sosial, siyasi, iqtisadi, diplomatik sahədə ciddi uğurlara imza atır. Təbii ki, əldə etdiyimiz nailiyyətlər Ulu öndərin müəyyən etdiyi siyasi xəttin hərtərəfli və məqsədyönlü şəkildə həyata keçirilməsi nəticəsində mümkün olub. Ona görə də, Ulu öndərin xatirəsi bizim üçün həmişə əzizdir. ümummilli liderimiz fiziki olaraq, bizimlə bir yerdə olmasa da, mənən, ruhən həmişə Azərbaycan xalqı ilə birlikdədir”.

Paylaş:

Baxılıb: 1069 dəfə