İctimai Palata deyilən qurum iflasa uğradı

Bakı:

19 °C

94 %

3 m/s

Əlaqə

AZ RU EN

Ana səhifə / Siyasət / İctimai Palata deyilən qurum iflasa uğradı

İctimai Palata deyilən qurum iflasa uğradı

19.04.2011 [09:41]

Siyavuş Novruzov: Baş tutmayan aksiyadan sonra onların ictimaiyyət arasına çıxmağa üzləri, deməyə sözləri olmamalıdır
“Biz əvvəllər də demişdik ki, müxalifətin sosial bazası yoxdur. Bu gün də onların mitinq cəhdi dediklərimizi bir daha göstərdi, təsdiq etdi. Keçən dəfə ordan-burdan, aldatmalar, yaxud pul yoluyla cəmisi təxminən 300 adam yığmışdılarsa, bu dəfə 50-60 nəfər belə olmadı”. Bunu hakim Yeni Azərbaycan Partiyası (YAP) icra katibinin müavini Siyavuş Novruzov APA-ya açıqlamasında İctimai Palatanın (İP) aprelin 17-dəki aksiya cəhdini şərh edərkən deyib.
O, bunun həm də xalqın İP-nin aksiyasına münasibətinin göstəricisi olduğunu vurğulayıb: “Deyirdilər ki, xalq bizi dəstəkləyir. Ancaq göründü ki, bu, qətiyyən belə deyil. Xalq dövlətçiliyin, Prezidentin ətrafındadır. çünki xalq onların kim olduqlarını çox yaxşı bilir. Bu gün öz rəhbərlərinin də heç biri bir neçə nəfəri çıxmaq şərti ilə aksiyada iştirak etməyə gəlməmişdilər. Bircə Pənah Hüseyn idi ki, o da “Park Bulvar”da, “Sahil” metrosunun yaxınlığında görünüb, sonra da sakitcə çıxıb gedib. Digər bir neçə şəxs də belə edib. Qalanları özləri isə kütləvi aksiyaya inanmadıqları, etibar etmədikləri üçün gəlməyiblər. İctimai Palata deyilən qurum iflasa uğradı. Biz bunun belə olacağını bilirdik. Keçən dəfə rayonlardan beş-altı adamı pul verib gətirmişdilərsə, bu dəfə həmin adamlar da gəlmədi. Bu gün olanlar sübut edir ki, Azərbaycan xalqı ağı qaradan seçə bilir”.
S.Novruzov deyib ki, Bakı Şəhər İcra Hakimiyyəti İctimai Palataya kütləvi aksiyanın keçirməsi üçün yer ayırsa da, onlar sosial bazaları olmadığından həmin yerdən imtina edib: “Qəzetlərə müsahibə verib deyirlər ki, həmin ərazidən şəhər görünmür. Bəyəm şəhərə baxmağa gedirsən, yoxsa aksiya keçirməyə? Bütün bunlar göstərir ki, həmin adamların məqsədi ara qarışdırmaqdır. Əks halda, razılaşdırılmış yerdə aksiya keçirərdilər. Keçirsinlər, jurnalistlər də, bəzi beynəlxalq təşkilatlar da, səfirlər, onların köməkçiləri, pul verənləri gəlib baxsın. Bir səfirin İsa Qəmbərlə dialoqu var. Səfir deyir 600 adam çıxartmışdınız, İsa Qəmbər də deyir yox, 800 adam idi. Sonra ictimaiyyətə də bəyan edirlər ki, 5 min adam olub. Ayıbdı axı... Bunlar Azərbaycan seçicisinin 0,1 faizinin belə dəstəyini ala bilmirlər”.
S.Novruzov İctimai Palatanın qanunsuz təşkilat olduğunu da söyləyib: “İP-in ipinin kimin əlində olması da bəllidir, ipi tərpətdikcə, bunlar da tərpənir, hərəkət edir. Ancaq bugünkü baş tutmayan aksiyadan sonra onların ictimaiyyət arasına çıxmağa üzləri, deməyə sözləri olmamalıdır”.

Paylaş:

Baxılıb: 1177 dəfə