NİİM yağışlı havada qəzaların qeydə alındığı, nasaz avtomobillərin yolda qaldığı küçə və prospektlərin siyahısını açıqlayıb

Bakı:

26 °C

44 %

6 m/s

AZ RU EN

Ana səhifə / Sosial / NİİM yağışlı havada qəzaların qeydə alındığı, nasaz avtomobillərin yolda qaldığı küçə və prospektlərin siyahısını açıqlayıb

NİİM yağışlı havada qəzaların qeydə alındığı, nasaz avtomobillərin yolda qaldığı küçə və prospektlərin siyahısını açıqlayıb

14.02.2025 [23:30]

Yağışlı havada yol-nəqliyyat hadisələrinin baş verməsi, texniki nasaz avtomobillərin yolda qalması nəqliyyat sıxlığına səbəb olub, bəzi yollarda sıxlığın müddəti daha da artıb. Bu gün səhər saatlarından paytaxt ərazisində müşahidə edilən yağışlı hava şəraiti yollarda təbii olaraq nəqliyyatın hərəkət sürətinin aşağı düşməsinə və bəzi yollarda sıxlığın yaranmasına səbəb olub. Ancaq bir neçə küçə və prospektdə qəzaların baş verməsi və texniki nasaz avtomobillərin yolda qalması, sıxlıq olmayan yollarda da nəqliyyatın hərəkətində ləngimələr yaradıb.

Bu barədə AZƏRTAC-a Daxili İşlər Nazirliyinin Nəqliyyatı İntellektual İdarəetmə Mərkəzindən (NİİM) məlumat verilib.

NİİM qəzaların qeydə alındığı, texniki nasaz avtomobillərin yolda qaldığı küçə və prospektlərin siyahısını təqdim edib:

-Nizami rayonu, Heydər Əliyev prospekti, mərkəz istiqamətində yol-nəqliyyat hadisəsi baş verib, sıxlıq yaranıb;

-Nərimanov rayonu, Ziya Bünyadov prospekti, "Çermet" körpüsü, metronun “Koroğlu” stansiyası istiqamətində yol-nəqliyyat hadisəsi baş verib, sıxlıq yaranıb;

-Nərimanov rayonu, Ziya Bünyadov prospekti, metronun “20 Yanvar” stansiyası istiqamətində yol-nəqliyyat hadisəsi baş verib, sıxlıq yaranıb;

-Nizami rayonu, Heydər Əliyev prospekti, tunel, mərkəz istiqamətində yol-nəqliyyat hadisəsi baş verib, sıxlıq yaranıb;

-Nərimanov rayonu, Heydər Əliyev prospekti, "Bağırov" körpüsü, mərkəz istiqamətində yol-nəqliyyat hadisəsi baş verib, sıxlıq yaranıb;

-Nizami rayonu, Babək prospektində yol-nəqliyyat hadisəsi baş verib, sıxlıq yaranıb;

-Xətai rayonu, Babək prospekti, "Aysun" şadlıq evinin qarşısı, mərkəz istiqamətində texniki nasaz nəqliyyat vasitəsi yolda qalıb, sıxlıq yaranıb;

-Nərimanov rayonu, Ziya Bünyadov prospekti, "Çermet" körpüsü, metronun “20 Yanvar” stansiyası istiqamətində texniki nasaz nəqliyyat vasitəsi yolda qalıb, sıxlıq yaranıb;

-Xətai rayonu, 8 Noyabr prospekti, mərkəz istiqamətində texniki nasaz nəqliyyat vasitəsi yolda qalıb, sıxlıq yaranıb;

-Nərimanov rayonu, Ziya Bünyadov və Atatürk prospektlərinin kəsişməsi, keçid, metronun “20 Yanvar” stansiyası istiqamətində texniki nasaz nəqliyyat vasitəsi yolda qalıb, sıxlıq yaranıb;

-Nəsimi rayonu, Bakıxanov küçəsi ilə Səməd Vurğun küçəsinin kəsişməsi, texniki nasaz nəqliyyat vasitəsi yolda qalıb, sıxlıq yaranıb;

-Nərimanov rayonu, Ziya Bünyadov prospekti, "Çermet" körpüsü, metronun “20 Yanvar” stansiyası istiqamətində texniki nasaz nəqliyyat vasitəsi yolda qalıb, sıxlıq yaranıb;

-Nərimanov rayonu, Ziya Bünyadov prospekti, tunel, metronun “20 Yanvar” stansiyası istiqamətində texniki nasaz nəqliyyat vasitəsi yolda qalıb, sıxlıq yaranıb.

Yollarda yaranan nəqliyyat sıxlığının aradan qaldırılması üçün Nəqliyyatı İntellektual İdarəetmə Mərkəzinin və Bakı şəhər DYPİ-nin əməkdaşları tərəfindən birlikdə müvafiq tədbirlər görülür.

Paylaş:

Baxılıb: 439 dəfə