Binəqədi rayonunda növbəti ağacəkmə aksiyası keçirilib

Bakı:

19 °C

94 %

2 m/s

Əlaqə

AZ RU EN

Ana səhifə / Sosial / Binəqədi rayonunda növbəti ağacəkmə aksiyası keçirilib

Binəqədi rayonunda növbəti ağacəkmə aksiyası keçirilib

14.04.2015 [09:57]

Aprelin 11-də Binəqədi rayonunda İDEA İctimai Birliyinin təşəbbüsü və Binəqədi rayon İcra Hakimiyyətinin (RİH) dəstəyi ilə “Ümumrespublika yaşıllaşdırma marafonu” layihəsi çərçivəsində növbəti ağacəkmə aksiyası keçirilib. Rayonun Biləcəri qəsəbəsində yerləşən Stend atıcılığı mərkəzinin yaxınlığında gerçəkləşən tədbir açıq elan edildikdən sonra “Ümumrespublika yaşıllaşdırma marafonu” layihəsi barədə tədbir iştirakçılarına məlumat verilib. Bildirilib ki, Heydər Əliyev Fondunun vitse-prezidenti, İDEA İctimai Birliyinin təsisçi və rəhbəri Leyla xanım Əliyevanın təşəbbüsü ilə təbiətin və ekoloji mühitin mühafizəsi, biomüxtəlifliyin qorunması istiqamətində çoxsaylı tədbirlər və layihələr həyata keçirilib. Daha sonra Prezident İlham Əliyevin diqqət ayırdığı sahələrdən biri kimi yaşıllıq sahələrinin genişləndirilməsi işinin Binəqədi rayonunda da uğurla həyata keçirildiyi bildirilib.
Çıxış edən “Bakı-2015” birinci Avropa Oyunları Əməliyyat Komitəsinin direktoru Elçin Səfərov tədbirin əhəmiyyətindən danışıb. İDEA İctimai Birliyinin layihələr departamentinin əməkdaşı Nigar Qarayeva isə Leyla xanım Əliyevanın təşəbbüsü ilə həyata keçirilən bu layihənin yaşıllıq zolaqlarının genişlənməsi, ərazinin ekoloji tarazlığının bərpası, ekoloji mühitinin sağlamlaşdırılmasının sürətlənməsi, eləcə də, insanlar arasında ekoloji mədəniyyətin və təbiətə qayğı hissinin güclənməsinə böyük töhfə olduğunu vurğulayıb.
Tədbirdə çıxış edən Binəqədi rayon İcra Hakimiyyətinin başçısı Xaləddin İsgəndərov Ulu öndər Heydər Əliyevin təbiəti qorumaq, onun qayğısına qalmaq kimi missiyası ilə Öz şəxsi nümunəsində hər bir həmvətənimiz üçün örnək olduğunu diqqətə çatdıraraq, bu missiyanın Prezident İlham Əliyev tərəfindən uğurla icra edildiyini bildirib. RİH başçısı vurğulayıb ki, İDEA İctimai Birliyinin təsisçisi və rəhbəri Leyla xanım Əliyevanın təşəbbüsü ilə gerçəkləşən yaşıllaşdırma aksiyaları ekoloji mühitin qorunması, insanlar arasında təbiətə qayğı hissinin güclənməsi üçün ciddi əhəmiyyətə malikdir.
Ağacəkmə aksiyasının məhz bu məkanda keçirilməsinin təsadüfi olmadığını deyən, birinci Avropa Oyunları çərçivəsində stend atıcılığı və dağ velosipedi yarışlarının bu əraziyə yaxın məkanlarda keçiriləcəyindən və bu mötəbər idman oyunları ərəfəsində belə aksiyaların əhəmiyyətindən danışan X.İsgəndərov Prezident İlham Əliyevin təşəbbüsü və yaratdığı imkanlar sayəsində baş tutacaq “Bakı-2015” I Avropa Oyunlarının ölkə həqiqətlərinin təbliği baxımından, bəlkə də, bir diplomat ordusunun görəcəyi işə bərabər olduğunu xüsusi vurğulayıb.
Sonra ağacəkmə aksiyasına start verilib, aksiya zamanı ümumilikdə 2000 ədəd şam ağacı əkilib, onlara qulluq göstərilib.

Paylaş:

Baxılıb: 1048 dəfə