Gənclərimiz Koreya Respublikasında ölkəmizi uğurla təmsil ediblər

Bakı:

15 °C

88 %

4 m/s

Əlaqə

AZ RU EN

Ana səhifə / Sosial / Gənclərimiz Koreya Respublikasında ölkəmizi uğurla təmsil ediblər

Gənclərimiz Koreya Respublikasında ölkəmizi uğurla təmsil ediblər

01.08.2017 [09:27]

Xəbər verildiyi kimi, Azərbaycan ilə Koreya Respublikası arasında beynəlxalq gənclər mübadiləsi proqramı çərçivəsində ölkə gənclərindən ibarət nümayəndə heyəti iyulun 17-dən 26-dək bu ölkənin paytaxtı Seulda səfərdə olub. Səfər çərçivəsində gənclərimiz Koreya Respublikasının bir sıra məkanlarına baş çəkib, paytaxt Seulun tarixi, mədəniyyəti ilə yaxından maraqlanıblar. Gənclər, həmçinin Azərbaycan Respublikasının Koreya Respublikasındakı səfirliyinə baş çəkib, beş böyük gənclər mərkəzində olub, görüşlər keçirib, təlimlərdə iştirak ediblər. Bununla yanaşı, Azərbaycan nümayəndə heyəti gənclərlə işin aparılmasında mühüm rol oynayan Koreya Gəncləri ilə İş Agentliyinin fəaliyyəti ilə tanış olublar. Görüşlərdə iki ölkə arasında gənclər sahəsində əməkdaşlığın daha da genişləndirilməsi ətrafında müzakirələr aparılıb.
Bir sözlə, Gənclər və İdman Nazirliyinin təşkilatçılığı ilə həyata keçirilən və sayca beşinci olan səfərdə gənclər ölkəmizi layiqincə təmsil ediblər. Belə gənclərimizdən biri də Vüsal Əliyevdir. Məlumat üçün bildirək ki, V.Əliyev hazırda Azərbaycan Dövlət İqtisad Universitetinin Turizmin iqtisadiyyatı fakültəsində magistr pilləsində təhsil alır. Bununla yanaşı, Yeni Azərbaycan Partiyası (YAP) Nərimanov rayon təşkilatında məsləhətçi vəzifəsində çalışır. Səfərlə bağlı təəssüratlarını “Yeni Azərbaycan” qəzeti ilə bölüşən Vüsal deyib ki, o, Koreyada ölkəmizin torpaqlarının Ermənistan tərəfindən işğal olunduğunu, nəticədə bir milyondan çox soydaşımızın məcburi köçkün vəziyyətində yaşadığını və bu halın təhlükəsizliyə ən böyük təhdid olduğunu diqqətə çatdırıb.
Bununla yanaşı, səfər zamanı nümayəndələrimiz Azərbaycanın mədəniyyət və incəsənətinin mühüm tərkib hissələrindən olan milli geyimlərimizi, mətbəximizi və rəqslərimizi tanıdıblar.
Bizimlə söhbətində Prezident İlham Əliyev tərəfindən ölkəmizdə gəncliyə böyük diqqət və qayğının göstərildiyini də vurğulayan Vüsal Əliyev əsası Ulu öndər Heydər Əliyev tərəfindən qoyulan dövlət gənclər siyasətinin uğurla davam etdirildiyini bildirib. O, qeyd edib ki, dövlətimizin başçısının rəhbərliyi ilə həyata keçirilən dövlət gənclər siyasəti Azərbaycan gəncliyinin hərtərəfli inkişafına təkan verib.
Sonda onu da qeyd edək ki, layihə çərçivəsində Koreya Respublikasından olan on gənc bir neçə gün əvvəl Azərbaycana gəlib və ölkəmizin tarixi, mədəniyyəti ilə yaxından tanış olub.
Müşfiqə BAYRAMLI

Paylaş:

Baxılıb: 659 dəfə