Qubadlı rayon İcra Hakimiyyətində bu ilin doqquz ayının yekunlarına həsr olunmuş hesabat yığıncağı keçirilib

Bakı:

26 °C

67 %

14 m/s

AZ RU EN

Ana səhifə / Sosial / Qubadlı rayon İcra Hakimiyyətində bu ilin doqquz ayının yekunlarına həsr olunmuş hesabat yığıncağı keçirilib

Qubadlı rayon İcra Hakimiyyətində bu ilin doqquz ayının yekunlarına həsr olunmuş hesabat yığıncağı keçirilib

19.10.2018 [08:51]

Sumqayıtda yerləşən Qubadlı rayon İcra Hakimiyyətinin iclas zalında cari ilin doqquz ayının yekunlarına həsr olunmuş hesabat yığıncağı keçirilib. Yığıncaqda rayon İcra Hakimiyyətinin başçısı Malik İsaqov, rayonun idarə, müəssisə və təşkilat rəhbərləri, ictimaiyyət nümayəndələri iştirak ediblər.
Yığıncaqda çıxış edən Qubadlı rayon İcra Hakimiyyətinin başçısı Malik İsaqov ötən 9 ayda görülən işlərlə bağlı məlumat verib. Bildirilib ki, 2018-ci ilin 9 ayı ərzində rayon üzrə 147 yeni iş yeri açılıb. Ümumiyyətlə 15 ildə rayon üzrə yeni yaradılan iş yerlərinin sayı 3 min 852-yə çatdırılıb. Bundan başqa, qubadlılıların məskunlaşma yerlərində yaşayış şəraitinin yaxşılaşdırılması istiqamətində də işlər davam etdirilib. Rayon İcra Hakimiyyəti başçısının Sabirabad, Saatlı, İmişli rayonlarında və digər yerlərdə keçirdiyi səyyar qəbullar zamanı sakinlər tərəfindən qaldırılan məsələlərin həlli istiqamətində müəyyən işlər görülüb. Xızı rayon Sitalçay qəsəbəsində məcburi köçkünlərin yaşadıqları ərazidə yaranmış içməli su problemi aradan qaldırılıb, 3200 kvadratmetr yola asfalt örtüyü çəkilib. Bundan əlavə, Sumqayıt şəhəri BTZ bağları yaşayış massivində Çardaxlı kənd tam orta məktəbinə gedən 5200 kvadratmetr yola, 9-cu mikrorayonda 29 və 30 saylı binaların həyətinə 1500 kvadratmetr asfalt örtüyü vurulub. Betonzavod ərazisində piyada keçidi quraşdırılıb.
Qeyd olunub ki, rayon üzrə 6 min 698 pensiyaçı qeydiyyatdadır və pensiyaların orta aylıq məbləği 201,28 manat təşkil edib. Ünvanlı sosial yardım alan 233 ailənin hər birinə isə orta hesabla 155 manat məbləğində ünvanlı sosial yardım təyin olunub.
Hesabat dövrü rayon İcra Hakimiyyətinin fəaliyyət istiqamətlərindən birini də vətəndaşların qəbulu, onların müraciətlərinə baxılması işi təşkil edib.
2018-ci ilin 9 ayında İcra Hakimiyyəti tərəfindən qəbul qrafiki üzrə 475 nəfər qəbul edilib. Ötən 9 ay ərzində vətəndaşlarla keçirilən 27 səyyar görüş-qəbulda 135 müraciət olunub ki, onun da 90-ı müsbət həll edilib.
Tədbirdə vurğulanıb ki, Qubadlı ictimaiyyəti hər zaman dövlətçilik ənənələrinə sədaqət nümayiş etdirərək Azərbaycan Respublikasının Prezidenti cənab İlham Əliyevin siyasətini dəstəkləyir.
Yığıncaqda həmçinin ayrı-ayrı sahələr üzrə görülən işlər də təhlil olunub, məruzə ətrafında müzakirələr aparılıb.
Pərviz SADAYOĞLU

Paylaş:

Baxılıb: 598 dəfə