Müstəqil siyasətin təzahürü

Bakı:

22 °C

63 %

4 m/s

Əlaqə

AZ RU EN

Ana səhifə / YAP xəbərləri / Müstəqil siyasətin təzahürü

Müstəqil siyasətin təzahürü

24.04.2024 [11:52]

Azərbaycan Respublikasının Prezidenti İlham Əliyevin cari ilin 22 aprel tarixində Moskvada Rusiya Federasiyasının Prezidenti Vladimir Putin ilə təkbətək, həmçinin Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə birgə görüşü zamanı çıxışı mətbuatın və siyasi dairələrin diqqət mərkəzində olmuşdur.

Məlumdur ki, müstəqilliyin bərpasından sonrakı ilk illərdə Azərbaycan-Rusiya münasibətləri o qədər də asan olmayıb. Lakin Azərbaycanın ümummillli lideri Heydər Əliyev hakimiyyətə gəldikdən sonra vəziyyət yaxşılığa doğru dəyişməyə başlayıb. Məhz 1993-cü ilin yayından müstəqil Azərbaycana rəhbərlik etməyə başlayan Heydər Əliyev Rusiya ilə dostluq münasibətlərinin qurulmasında mühüm rol oynadı, iki ölkə arasında strateji tərəfdaşlığın əsaslarını qoydu.

2002-ci ilin yanvarında Ulu Öndər Heydər Əliyevin Rusiyaya dövlət səfəri isə iki qonşu dövlət arasında münasibətlərdə tamamilə yeni mərhələnin əsasını qoyub. Həmin səfər zamanı imzalanan “Azərbaycan Respublikası ilə Rusiya Federasiyası arasında Xəzər dənizində əməkdaşlıq prinsipləri haqqında Birgə Bəyannamə” Xəzərin hüquqi statusunun müəyyənləşdirilməsi baxımından mühüm sənəd olub. Bu sənəd Rusiya-Azərbaycan münasibətlərinin strateji tərəfdaşlıq səviyyəsində inkişafını nümayiş etdirib.

Prezident İlham Əliyev də Rusiya ilə ikitərəfli əlaqələrin genişləndirilməsini vacib amil kimi diqqət mərkəzində saxlayır.

Tədbirdə çıxış edən cənab İlham Əliyev bu nüanslara toxunaraq Azərbaycanla Rusiya arasında münasibətlərin dostluğa, qardaşlığa və qarşılıqlı əməkdaşlığa söykəndiyini bilkdirmiş, bu ölkənin rəhbərliyinin və ictimaiyyətinin ümummilli lider Heydər Əliyevin xatirəsinə göstərdiyi ehtirama görə təşəkkürünü çatdırmışdır. Cənab Prezident qeyd etmişdir ki, “Rusiya rəhbərliyinin, həmçinin ictimaiyyətinin Heydər Əliyevin xatirəsinə göstərdikləri ehtiramı Azərbaycan xalqı yüksək qiymətləndirir. Ulu Öndər Heydər Əlirza oğlu Əliyev vaxtilə Ümumittifaq tikintisi adlandırılan nəhəng layihənin həyata keçirilməsində fəal iştirak edib və onun reallaşdırılmasına öz töhfəsini verib.”

Rusiyanın Qafqazda və daha geniş coğrafiyada regional təhlükəsizlik üzrə əsas ölkə olduğunu qeyd edən dövlətimizin başçısı bildirib ki, qarşılıqlı fəaliyyət və qarşılıqlı maraqlar ruhunda etimad tədbirlərinin, əməkdaşlığın, qarşılıqlı anlaşmanın möhkəmləndirilməsinə və bütün məsələlərin nizamlanmasına çalışan hər iki dövlətin rəhbərliyi bu sahədə ciddi uğurlara imza ata bilmişdir. İki il bundan əvvəl Rusiya və Azərbaycan arasında imzalanmış Moskva Bəyannaməsi bu münasibətlərin daha da inkişaf etdirilkməsi üçün zəmin yaratmışdır.

Ölkəmizin başçısı bildirmişdir ki, “Müasir Rusiya-Azərbaycan münasibətləri dostluq, qarşılıqlı anlaşma, qarşılıqlı dəstək və məqsədyönlülük kimi möhkəm təmələ əsaslanır. Azərbaycan və Rusiya təkcə böyük nəqliyyat layihələri həyata keçirmir. Hər iki ölkə “Şimal-Cənub" beynəlxalq nəqliyyat dəhlizinin yaradılmasında fəal iştirak edir. Azərbaycan ərazisində Azərbaycan-Rusiya sərhədini Azərbaycan-İran sərhədi ilə birləşdirən dəmir yolu mövcuddur. Lakin yükgöndərənlərin tələbatları bizə bu yolun yeni hissələrinin inşa edilməsinin zəruriliyini diktə edir.”

Cənab Prezident İlham Əliyevin Rusiyaya bu səfəri indiki geosiyasi şəraitdə düzgün və düşünülmüş siyasətin tərkib hissəsi kimi mühüm əhəmiyyət daşıyır. Hazırda ölkəmizin bu miqyasda əməkdaşlıq perspektivlərinin olması, çevik diplomatik gedişlər siyasi proseslərdə müstəqil fəaliyyətin göstəricisi kimi qiymətləndirir.Ulu öndər Heydər Əliyevin siyasətinin daha geniş miqyasda davam etdirilməsi bunu deməyə əsas verir.

Rüstəm Nağıyev,

YAP Gədəbəy rayon təşkilatının sədri

Paylaş:

Baxılıb: 560 dəfə