YAP Nərimanov rayon təşkilatında “23 aprel Ümumdünya Kitab və Müəlliflik Hüququ Günü” qeyd edilib

Bakı:

23°C

38%

6m/s

AZ RU EN

Ana səhifə / YAP xəbərləri / YAP Nərimanov rayon təşkilatında “23 aprel Ümumdünya Kitab və Müəlliflik Hüququ Günü” qeyd edilib

YAP Nərimanov rayon təşkilatında “23 aprel Ümumdünya Kitab və Müəlliflik Hüququ Günü” qeyd edilib

24.04.2025 [14:38]

Yeni Azərbaycan Partiyası Nərimanov rayon təşkilatında “23 aprel Ümumdünya Kitab və Müəlliflik Hüququ Günü” münasibətilə Azərbaycan Respublikasının xalq yazıçısı, AYB-nin birinci katibi, xalqın sevimli yazarı Çingiz Abdullayevlə görüş keçirilib.

Görüşdə YAP Nərimanov rayon təşkilatının sədri Elçin Quliyev, Bakı Kitab Mərkəzinin rəhbəri, AYB-nin üzvü, yazıçı-publisist Günel Anarqızı, Əqli Mülkiyyət Agentliyinin İctimai şurasının və YAP-nın Ərazi Partiya Təşkilatının sədri Natiq İsayev, kitab sevərlər, fəal gənclər iştirak ediblər.

Görüşdən öncə YAP Nərimanov rayon təşkilatının foyesində Ulu Öndər Heydər Əliyevin büstü önünə tər-gül dəstələri qoyularaq dahi şəxsiyyətin əziz xatirəsi ehtiramla anılıb.

Görüşdə ilk öncə Azərbaycan Respublikasının Dövlət Himni səslənib, sonra Ümummilli Lider Heydər Əliyevin və vətənimizin bütövlüyü uğrunda canından keçmiş şəhidlərimizin ruhu bir dəqiqəlik sükutla yad olunub.

Görüşü giriş sözü ilə açan YAP Nərimanov rayon təşkilatının sədri Elçin Quliyev 23 aprel - Ümumdünya Kitab və Müəlliflik Hüququ Günü münasibətilə bütün kitabsevərləri təbrik edib və bu günün tarixi və mahiyyəti barədə məlumat verib.

Görüşdə Azərbaycan Respublikasının xalq yazıçısı, AYB-nin birinci katibi, tanınmış detektiv yazarı Çingiz Abdullayev həyatından, ədəbiyyata gəlişindən, ona məşhurluq qazandıran əsərlərinin yaranma tarixçəsindən və s. danışıb.

Bakı Kitab Mərkəzinin rəhbəri, AYB-nin üzvü, yazıçı-publisist Günel Anarqızı və Əqli Mülkiyyət Agentliyinin İctimai şurasının və YAP-nın Ərazi Partiya Təşkilatının sədri Natiq İsayev çıxış edərək ölkə rəhbərliyi tərəfindən kitab irsinin və ənənələrinin qorunmasına böyük diqqət və qayğı göstərildiyini diqqətə çatdırıblar. Qeyd iolunub ki, Respublikamızda artıq bir ənənəyə çevrilən kitab sərgilərinin, kitab bayramlarının keçirilməsi, yazıçı və şairlərin, mədəniyyət xadimlərinin yubileylərinin dövlət səviyyəsində qeyd olunması, elm, mədəniyyət və təhsil sahələrində bir çox beynəlxalq tədbirlərin gerçəkləşməsi bu baxımdan mühüm əhəmiyyət kəsb edir.

İnteraktiv şəraitdə keçən görüşdə tanınmış yazıçı Ç. Abdullayev və digər qonaqlar iştirakçıları maraqlandıran sualları cavablandırıb.

YAP Nərimanov rayon təşkilatının sədri Elçin Quliyev təşkilat tərəfindən xüsusi hazırlanmış hədiyyəni dəyərli yazar Çingiz Abdullayevə təqdim edib.

Görüşdə həmçinin YAP Nərimanov rayon təşkilatının ictimai-siyasi həyatında fəallığı ilə seçilən bir qrup fəal gənclər təltif olunublar.

Tədbirin sonunda xatirə şəkli çəkilib.

Paylaş:

Baxılıb: 124 dəfə