"Prezident-xalq-ordu birliyi əbədi müstəqilliyin qarantıdır" mövzusunda tədbir keçirildi

Bakı:

27 °C

48 %

6 m/s

Əlaqə

AZ RU EN

Ana səhifə / YAP xəbərləri / "Prezident-xalq-ordu birliyi əbədi müstəqilliyin qarantıdır" mövzusunda tədbir keçirildi

"Prezident-xalq-ordu birliyi əbədi müstəqilliyin qarantıdır" mövzusunda tədbir keçirildi

27.05.2025 [17:43]

Yeni Azərbaycan Partiyası Kəlbəcər rayon təşkilatı Goranboy rayonun Meşəli kəndində fəaliyyət göstərən Şərqi Zəngəzur Regional Təhsil İdarəsinin Kəlbəcər rayon sektorunun Kəlbəcər rayon 100 nömrəli tam orta məktəb üzrə Ərazi Partiya təşkilatında “Konstitusiya və suverenlik ili” çərçivəsində 28 May Müstəqillik günü ilə bağlı 26 may 2025-ci il tarixdə "Prezident-xalq-ordu birliyi əbədi müstəqilliyin qarantıdır" mövzusunda tədbir keçirildi.

Tədbirdə YAP Kəlbəcər rayon təşkilatının sədri Həbib Misirov, məktəbin direktoru Afaq Rəhimova və kollektivi iştirak edirdi.

Azərbaycan xalqının xilaskarı Ulu Öndər Heydər Əliyevin, torpaqlarımızın azadlığı və bütövlüyü uğurunda canlarından keçmiş şəhidlərimizin əziz xatirəsi bir dəqiqəlik sükutla yad edildi.

YAP Kəlbəcər rayon təşkilatının sədri Həbib Misirov çıxış edərək bildirdi ki, müstəqilliyimizi əbədi və dönməz edən Dahi Şəxsiyyət Heydər Əliyev öz zəngin siyasi təcrübəsi, yüksək Vətən sevgisi, xalq təəssübkeşliyi ilə ölkəmizin həm dayaq sütunlarının möhkəmləndirilməsi, həm də daxili və xarici siyasətinin düzgün təşkil olunması, iqtisadi gücün dövrün tələblərinə uyğun qurulması, dövlətin təhlükəsizliyinin qarantı olan ordunun formalaşması işlərinə böyük diqqət ayırırdı. 30 ilə yaxın Ermənistan silahlı birləşmələrinin işğalında qalmış tarixi ərazilərimiz məhz Qalib sərkərdə İlham Əliyevin rəhbərliyi altında şanlı ordumuz tərəfindən azad olundu. Məhz dövlət başçısının qətiyyəti, iradəsi və yüksək bacarığı nəticəsində müstəqillik yolumuz tarixi Zəfərlə taclandı. Bu gün işğaldan azad olunan əbədi və əzəli torpaqlarımızda üçrəngli bayrağımızın dalğalanması, müstəqilliyimizin əbədi, dönməz olduğunun göstəricisidir.
Dövlətimizin başçısının göstərişinə əsasən azad edilmiş ərazilərdə genişmiqyaslı bərpa-quruculuq işləri həyata keçirilir, Böyük Qayıdış Proqramı icra olunur. Görülən işlər Azərbaycan dövlətinin gücünü, qüdrətini, iqtisadi imkanlarını nümayiş etdirir.

Kəlbəcər rayon 100 nömrəli orta məktəbinin direktoru, YAP Kəlbəcər rayon təşkilatının Ərazi üzrə Partiya təşkilatının sədri Afaq Rəhimova çıxış edərək bildirdi ki, Ulu Öndər Heydər Əliyevin müstəqilliyimizin qorunub saxlanılması və möhkəmləndirilməsi istiqamətində yorulmaz səyləri bu gün onun layiqli davamçısı Prezident İlham Əliyev tərəfindən davam etdirilir. Ümummilli Liderin ən böyük arzusu işğal altında olan torpaqlarımızın azad edilməsi, ərazi bütövlüyümüzün bərpası idi. Ulu Öndər Heydər Əliyevin bu arzusunu da onun layiqli davamçısı Prezident İlham Əliyev reallaşdırdı. 2020-ci ildə 44 günlük Vətən müharibəsində Prezident, Ali Baş Komandan İlham Əliyevin rəhbərliyi ilə Azərbaycan Ordusunun qazandığı şanlı Qələbə nəticəsində işğala son qoyuldu, düşmən torpaqlarımızdan qovulub çıxarıldı, ərazi bütövlüyümüz bərpa edildi.

Məktəbin müəllimləri Fizuli Musazadə, Vahid Əsədov, Natiq Salahov və Bilal Musayev çıxış edərək bildirdilər ki, 1993-cü ildə xalqın təkidli tələbi ilə Azərbaycanda siyasi hakimiyyətə qayıdan Ulu Öndər Heydər Əliyev ölkəmizin müstəqilliyini əbədi və dönməz etdi. Əslində, Azərbaycan əsl müstəqilliyini Ümummilli Lider Heydər Əliyevin hakimiyyətə qayıdışından sonra əldə etdi. Ulu Öndər ölkədə xaos və anarxiyanı, cəmiyyətdə hökm sürən iqtisadi, siyasi və mənəvi psixoloji gərginliyi aradan qaldırdı. Müstəqil Azərbaycan möhkəm təməllər üzərində yeni inkişaf yolunu tutdu.

Sonda fəal partiya üzvlərinə Fərxi fərmanlar və Partiyanın sıralarına yeni qəbul olmuş üzvlərə üzvlük vəsiqələri tədqim edildi.
Android için Mail uygulamasından gönderildi

Paylaş:

Baxılıb: 550 dəfə