İlham Əliyev Azərbaycanın gələcək inkişafının təminatçısıdır

Bakı:

19 °C

82 %

4 m/s

Əlaqə

AZ RU EN

Ana səhifə / YAP xəbərləri / İlham Əliyev Azərbaycanın gələcək inkişafının təminatçısıdır

İlham Əliyev Azərbaycanın gələcək inkişafının təminatçısıdır

19.09.2013 [10:12]

Qazax rayonunda seçicilərlə görüşlər davam etdirilir
Yeni Azərbaycan Partiyası (YAP) Qazax rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə görüşü davam etdirir. Sentyabrın 18-də kampaniya çərçivəsində rayonun Sosial-İqtisadi kollecinin kollektivi, həmçinin, digər idarə və müəssisələrin işçiləri ilə görüşlər keçirilib.
Görüşdə çıxış edən YAP Qazax rayon təşkilatının sədri Həmid Pənahov seçicilərə partiyamızın namizədi cənab İlham Əliyevin zəngin həyat yolundan, Onun Azərbaycan dövlətçiliyi üçün həyata keçirdiyi misilsiz xidmətlərdən, həmçinin, rayonda görülən quruculuq işlərindən danışıb. O bildirib ki, Prezident İlham Əliyevin rəhbərliyi ilə Azərbaycan ötən 10 il ərzində bütün sahələrdə uğurlar əldə edib: “Azərbaycan son 10 ildə Prezident İlham Əliyevin rəhbərliyi ilə inkişaf edib və dünyanın nüfuzlu ölkələrindən birinə çevrilib. Dövlətimizin başçısının rəhbərliyi ilə həyata keçirilən inkişaf siyasətinin ən effektiv nəticələrindən biri Azərbaycanın mütəmadi səciyyə daşıyan dinamik iqtisadi inkişafıdır”.
Çıxış edən təşviqat qrupunun üzvü, professor Fərhad Mustafayev bildirib ki, Azərbaycanda aparılan uğurlu, məqsədyönlü siyasət nəticəsində ildən-ilə daha yüksək inkişaf göstəriciləri nümayiş etdirən iqtisadiyyatın formalaşdırılması ölkədə işgüzar fəallığın daha da yüksəldilməsinə, yoxsulluğun azaldılmasına əlverişli şərait yaradıb, əhalinin etibarlı sosial müdafiəsini təmin edib.
Tədbirdə çıxış edən Səfurə Rəhimova deyib ki, Azərbaycan cənab İlham Əliyevin rəhbərliyi altında yüksək sürətlə və hərtərəfli inkişaf edir. Bu inkişafın davamı üçün xalqımız oktyabrın 9-da seçki məntəqələrinə getməli və YAP-ın namizədi cənab İlham Əliyevə səs verməlidir.
Görüşdə çıxış edən Afaq Qasımova, şair Barat Vüsal bildiriblər ki, Prezident İlham Əliyevin apardığı siyasət nəticəsində Azərbaycan xalqı ən ağır problemlərin öhdəsindən gəlib, yeniliklərə imza atıb.
Daha sonra seçicilərlə görüş rayonun Dəmirçilər kəndində davam etdirilib. Çıxış edən İsgəndər Qurbanov, Abbas Göyüşov, Vasif Qurbanov bildiriblər ki, 2003-cü ildən etibarən Azərbaycanda liberal iqtisadi sistemin qurulması, sahibkarlığın inkişafına geniş şəraitin yaradılması, zəngin təbii sərvətlərdən və regionların potensialından səmərəli istifadə, qeyri-neft sektorunun inkişafı, investisiya mühitinin daha da yaxşılaşdırılması istiqamətində görülən tədbirlər ölkə iqtisadiyyatının yüksələn xətlə inkişafını təmin edib.
Görüşdə çıxış edən kənd sakinləri deyiblər ki, ölkəmiz gündən-günə inkişaf edir, insanlarımızın rifah halı yüksəlir. Qazaxlılar da rayonda görülən işləri yüksək qiymətləndirir və bu işlərin davamlı olmasını istəyirlər. Ona görə də, rayon seçiciləri 9 oktyabrda Prezidentimiz İlham Əliyevə səs verəcəklər.
Pərviz SADAYOĞLU

Paylaş:

Baxılıb: 1332 dəfə