İlham Əliyev Azərbaycan ictimaiyyətinin alternativsiz seçimidir

Bakı:

28 °C

50 %

3 m/s

Əlaqə

AZ RU EN

Ana səhifə / YAP xəbərləri / İlham Əliyev Azərbaycan ictimaiyyətinin alternativsiz seçimidir

İlham Əliyev Azərbaycan ictimaiyyətinin alternativsiz seçimidir

21.09.2013 [10:04]

YAP Göygöl rayon təşkilatı cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşlərini keçirib
YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində Yeni Zod və Göyçəkənd kəndlərində seçicilərlə növbəti görüşlərini keçirib. Tədbiri giriş sözü ilə açan YAP Göygöl rayon təşkilatının sədr müavini Vüqar İsayev Prezident İlham Əliyevin rəhbərliyi ilə həyata keçirilən siyasət nəticəsində Azərbaycanın qüdrətli dövlətə çevrildiyini, ölkədə əhalinin rifah halının gündən-günə yaxşılaşdığını diqqətə çatdırıb. Ulu öndər Heydər Əliyev tərəfindən əsası qoyulan siyasətin Prezident İlham Əliyev tərəfindən uğurla davam etdirildiyini bildirən sədr müavini bu siyasətin davamlı olacağını və xalqın oktyabr ayının 9-da keçiriləcək seçkilərdə yenidən cənab İlham Əliyevə səs verəcəyini xüsusi olaraq vurğulayıb.
Daha sonra çıxış edən YAP Göygöl rayon təşkilatının sədr müavini Nuranə Quliyeva isə Ümummilli lider Heydər Əliyevin rəhbərliyi ilə yaradılan Yeni Azərbaycan Partiyasının müstəqil dövlətimizin möhkəmləndirilməsində, azərbaycançılıq ideologiyasının ümumbəşəri dəyərlər əsasında inkişaf etdirilməsində mühüm rol oynadığını, güclü və nüfuzlu siyasi partiya kimi xalqa sədaqətlə xidmət göstərdiyini, hazırda cənab Prezidenti İlham Əliyevin rəhbərliyi ilə öz fəaliyyətini daha geniş və uğurla davam etdirdiyini nəzərə çatdırıb. “Yeni Azərbaycan Partiyasının böyük seçki təcrübəsi var. 1993-cü ildən YAP iştirak etdiyi bütün seçkilərdə qələbə qazanıb. Hər seçkidən sonra partiyamız onun nəticələri ilə bağlı geniş təhlillər aparır və gələcək seçkilərdə taktikasını müəyyən edir. Hesab edirəm ki, bu seçkilərdə də Yeni Azərbaycan Partiyasının namizədi cənab İlham Əliyev əzəmətli qələbə qazanacaq” - deyə, N. Quliyeva əlavə edib.
YAP Göygöl rayon təşkilatının aparat rəhbəri Rəşad Veysov isə öz növbəsində qeyd edib ki, Prezident İlham Əliyevin uğurlu daxili və xarici siyasəti sayəsində Azərbaycan böyük uğurlar əldə edib: “Xalqın rifah halının davamlı olaraq yaxşılaşması, dövlət büdcəsinin, ÜDM artımı, yeni iş yerlərinin açılması, regionların sosial-iqtisadi inkişaf proqramlarının uğurla həyata keçirilməsi, Azərbaycanın enerji və ərzaq təhlükəsizliyi sahəsində mühüm addımlar atması təqdirəlayiq haldır. Əminliklə deyə bilərəm ki, Azərbaycan ictimaiyyətinin seçimi yenə də cənab İlham Əliyev olacaq”.
Rayon ictimaiyyətinin nümayəndələri İsəxan Məsmalıyev, Cavanşir Kərimov, Məryəm Əliyeva, Asif Kərimov və digərləri 9 oktyabr tarixində keçiriləcək seçkilərdə cənab İlham Əliyevə səs verəcəklərini söyləyiblər.
NURLAN

Paylaş:

Baxılıb: 1359 dəfə