Seçicilər inkişaf siyasətinin davamlı olması üçün cənab İlham Əliyevə səs verəcəklər

Bakı:

28 °C

57 %

3 m/s

Əlaqə

AZ RU EN

Ana səhifə / YAP xəbərləri / Seçicilər inkişaf siyasətinin davamlı olması üçün cənab İlham Əliyevə səs verəcəklər

Seçicilər inkişaf siyasətinin davamlı olması üçün cənab İlham Əliyevə səs verəcəklər

24.09.2013 [10:39]

YAP Göygöl rayon təşkilatı seçicilərlə görüşlərini davam etdirir
Dünən Yeni Azərbaycan Partiyası (YAP) Göygöl rayon təşkilatı partiyamızın prezidentliyə namizədi cənab İlham Əliyevin təbliğat-təşviqat kampaniyası çərçivəsində Zurnabad kəndi və Gəncə qəsəbəsində seçicilərlə növbəti görüşlərini keçirib.
Öncə çıxış edən YAP Göygöl rayon təşkilatının sədri Turani Əliyev Azərbaycanın cənab İlham Əliyevin ölkə başçısı kimi fəaliyyət göstərdiyi dönəmdə keçdiyi inkişaf yolundan bəhs edib. O qeyd edib ki, Azərbaycan hakimiyyətinin siyasəti birbaşa olaraq vətəndaşların sosial rifah halının yüksəldilməsinə, onların yüksək səviyyəli həyat şəraiti ilə əhatələnməsinə, həmçinin, mükəmməl təhsil almasına, sağlam, vətənpərvər yetişməsinə, hüquq və azadlıqlarının müdafiə edilməsinə istiqamətlənib. Ümummilli lider Heydər Əliyevin siyasi kursunu davam etdirən Prezident İlham Əliyevin fəaliyyətinə nəzər salarkən bu xətti açıq şəkildə müşahidə etmək olur. “Heydər Əliyevin siyasətinin layiqli davamçısı cənab İlham Əliyevin Azərbaycana rəhbərlik etdiyi 10 il ərzində ictimai-siyasi həyatın bütün sahələrində böyük uğurlar əldə olunmuş, xalq və dövlət üçün taleyüklü layihələr həyata keçirilmişdir. Azərbaycanın iqtisadi və hərbi potensialı güclənmiş və əhalinin həyat səviyyəsi əhəmiyyətli dərəcədə yüksəlmişdir. Odur ki, Azərbaycan iqtisadi inkişaf sürətinə görə son illərdə dünyanın lider dövlətləri sırasında addımlayır. Bütün bunların nəticəsidir ki, Azərbaycan seçicisinin birmənalı seçimi məhz cənab İlham Əliyevdir. Əminliklə deyə bilərəm ki, qarşıdan gələn prezident seçkilərinin nəticələri bunu növbəti dəfə nümayiş etdirəcək” - deyə, təşkilat sədri əlavə edib.
Daha sonra çıxış edən YAP Göygöl rayon təşkilatının sədr müavini Nuranə Quliyeva isə öz növbəsində bildirib ki, Prezident İlham Əliyev ötən 10 il ərzində Azərbaycanın inkişafı və güclənməsi üçün bütün addımları atıb. “Dövlət başçısının əzmkarlıqla davam etdirdiyi çoxşaxəli islahatlar kursu ötən 10 ildə respublika iqtisadiyyatında böyük uğurlara zəmin yaradıb, hər bir vətəndaşın həyatında irəliləyişlərə səbəb olub. Bu müddət ərzində Azərbaycan iqtisadiyyatının 3 dəfə, dövlət büdcəsinin isə təxminən 20 dəfə artmasının təmin edilməsi, bir milyondan artıq yeni iş yerinin açılması və yoxsulluq səviyyəsinin 50 faizdən 6 faizə düşməsi bunun bariz təsdiqidir. Bütün bu uğurlar Prezident İlham Əliyevə ümumxalq etimadını əhəmiyyətli dərəcədə gücləndirib və ona görə bu siyasətin davamı cəmiyyətin bütün təbəqələrinin istək və arzusudur. Mən seçiciləri cənab İlham Əliyevə səs verməyə çağırıram” - deyə, o vurğulayıb.
YAP Göygöl rayon təşkilatının sədr müavini Vüqar İsayev isə qeyd edib ki, Azərbaycanın inkişafı, əldə edilən möhtəşəm nailiyyətlər məhz həyata keçirilən uğurlu daxili və xarici siyasət kursu ilə əlaqədardır: “Prezident İlham Əliyevin rəhbərliyi ilə həyata keçirilən inkişaf siyasəti Azərbaycanı dinamik tərəqqi yoluna çıxarıb. Bu uğurların qarşıdakı illərdə davam etməsi üçün Azərbaycan ictimaiyyəti xalqımızın alternativsiz seçimi olan cənab İlham Əliyevə səs verəcək”.
“Azərbaycan bu gün dünyada dinamik iqtisadi inkişafa malik olan, həmçinin, yerləşdiyi regionun lider dövləti kimi tanınır. Bütün bunları təmin edən amil cənab İlham Əliyevin rəhbərliyi ilə həyata keçirilən inkişaf siyasətidir. Ona görə də bu siyasətin davamlı olması üçün yenə də cənab İlham Əliyevə səs verməliyik. Goranboy ictimaiyyəti hər zaman Prezident İlham Əliyevi dəstəkləyib və oktyabrın 9-da bir daha bu mövqeyimizi nümayiş etdirəcəyik”. Bunu isə YAP Göygöl rayon təşkilatının Aparat rəhbəri Rəşad Veysov qeyd edib.
Çıxış edənlərdən təbliğat qrupunun üzvü Veys Veysov, seçicilər Telman Qocayev, Azadə Yusibova və başqaları Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs edib və Yeni Azərbaycan Partiyasının namizədinin növbəti dəfə qələbə qazanacağına inandıqlarını bildiriblər.
NURLAN

Paylaş:

Baxılıb: 1254 dəfə