Real vəziyyəti əks etdirən maraqlı müsahibə

Bakı:

23 °C

64 %

7 m/s

Əlaqə

AZ RU EN

Ana səhifə / YAP xəbərləri / Real vəziyyəti əks etdirən maraqlı müsahibə

Real vəziyyəti əks etdirən maraqlı müsahibə

01.09.2025 [13:30]

Avqustun 27-də Azərbaycan Prezidenti İlham Əliyevin Əl-Ərəbiyə kanalına verdiyi geniş müsahibəsi yayımlanıb. Dövlət başçımız müsahibədə regional və qlobal xarakterli bir çox məsələlərə münasibət bildirərək baxışlarımızı geniş izləyici auditoriyasına çatdırıb. Müsahibədə verilən suallar və cavablar isə çoxşaxəlidir. Bu isə, Azərbaycanın regionda sülh və əməkdaşlığı təşviq edən sabitləşdirici aktor olduğunu bir daha təsdiq edir.

Dövlət Başçımız torpaqlarımızın işğal olunmasından bu günə qədər regionda mövcud olmuş vəziyyət və 2020-ci ildə qələbəmizlə yaratdığımız yeni reallığın verdiyi qlobal əməkdaşlığa töhfələri haqqında fikirləri ifadə etdi. Həm də Ermənistanla paraflanmış sülh müqaviləsinin dönməzliyi, Azərbaycan-ABŞ münasibətləri, İsrail-Suriya və İsrail-Türkiyə gərginliyinin azaldılmasında verdiyimiz töhfələr, ATƏT-in Minsk qrupunun hüquqi ləğvi, Zəngəzur dəhlizi, TDT-nin qlobal rolu və digər məsələlər ətrafında cavablandırılan suallar çox diplomatik olmaqla yanaşı, həm də beynəlxalq tərəfdaşlar tərəfindən maraqla gözlənilirdi. Trampın adını daşıyacaq Zəngəzur dəhlizinin əhəmiyyətinə toxunan Dövlət Başçımız Naxçıvanın Azərbaycanın əsas hissəsindən ayrı düşməsinin səbəblərindən başlayaraq, bu gün yenidən quru yolla birləşməyimiz ətrafında görülən işlərə qədər baş verən proseslərə geniş nəzər saldı. Bu dəhlizin açılışı nəinki Naxçıvanla təhlükəsiz keçidimizi təmin edəcək, həm də Ermənistanı tranzit ölkə etməklə Şimal-Cənub və Şərq-Qərb nəqliyyat dəhlizlərinin coğrafiyasını genişləndirəcəkdir.

Türk Dövlətləri Təşkilatının qlobal siyasətdə tutduğu yeri və roluna toxunan Dövlət Başçımız bu təşkilata daxil ölkələrin eyni etnik köklərə malik olmasının, eləcə də, ölkələr arasında ikitərəfli dostluq əlaqələrinin olmasının mövcud beynəlxalq təşkilatlarda nadir hal olduğunu bildirdi. Həm də konkret layihələrlə, investisiyalarla, enerji, daşıma, mədəniyyət layihələri ilə TDT-ni möhkəmləndirilməli olduğunu bildirdi. Dövlət başçısı qeyd edib ki: “Bizi köklərimiz birləşdirir və bu, təşkilatı nadir edir. Çünki digər beynəlxalq təşkilatlara baxsaq, onların hamısını deyil, bəlkə də bir qismini ortaq etnik qrup birləşdirir. Bəli, biz müxtəlif xalqlarıq, amma hamımızın kökləri ortaqdır və bu, türk etnik mənsubiyyətimizdən irəli gəlir. Ölkələrimizin əhalisinin sayı artır və bu da hər bir ölkə üçün vacib amildir. İqtisadi inkişafla dəstəklənəndə isə bu, üstünlük deməkdir. Ölkə kasıb olduğu zaman bəzən bunun mənfi nəticələri də olur. Amma bizim ölkələr kasıb deyil. Hər ölkə olmasa da, ölkələrimizin bir çoxu təbii sərvətlərə malikdir”.

Sonda qeyd edilməlidir ki, Dövlət Başçımızın müsahibəsini dinləyən hər bir şəxs onun siyasətçi, dövlət başçısı və ya da sadə bir vətəndaş olmasından asılı olmayaraq Azərbaycanın sülh və əməkdaşlıq üzərində münasibətləri quran ədalətli bir ölkə olması ilə bağlı geniş məlumata malik olur. Həm də ölkə başçısının bu müsahibəsi Azərbaycan ətrafında qərəzli dezinformasiya yaymağa çalışanlara və yaratdığımız yeni reallığa şübhə ilə yanaşanlara verdiyi çox ədalətli və ən düzgün cavab oldu.

Bəhruz Ramazanov,

YAP Qusar rayon təşkilatının məsləhətçisi

Paylaş:

Baxılıb: 348 dəfə