Prezident İlham Əliyevin uğurları dünya üçün nümunə, Azərbaycan üçün qürurdur

Bakı:

25 °C

52 %

2 m/s

Əlaqə

AZ RU EN

Ana səhifə / YAP xəbərləri / Prezident İlham Əliyevin uğurları dünya üçün nümunə, Azərbaycan üçün qürurdur

Prezident İlham Əliyevin uğurları dünya üçün nümunə, Azərbaycan üçün qürurdur

26.09.2013 [10:59]

Gəncədə YAP-ın prezidentliyə namizədi cənab İlham Əliyevin təbliğat - təşviqat kampaniyası uğurla davam edir
Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin təbliğat - təşviqat kampaniyası Gəncə şəhərində uğurla davam edir. Dünən kampaniya çərçivəsində növbəti görüş Gülüstan qəsəbəsində keçirilib. Görüşdə YAP Gəncə şəhər təşkilatının sədri Naqif Həmzəyev çıxış edərək deyib ki, hər bir ölkədə demokratik seçkilər o ölkənin mühüm göstəricilərindən biridir. Azərbaycan azad seçkiyə, demokratik dəyərlərə yüksək qiymət verən ölkələrdəndir: “Biz həm Prezident seçkilərində, həm də parlament və bələdiyyə seçklərində bunun dəfələrlə şahidi olmuşuq. Azərbaycan xalqı 1993-cü ildən bu yana keçirilən prezident seçkilərində demokratik, azad, şəffaf seçim edib və layiqli namizədə səs verib. Xalqımız 1993-cü və 1998-ci illərdə Ulu öndər, müstəqil Azərbaycan dövlətinin memarı Heydər Əliyevi ölkə Prezidenti seçib və bu gün də Ümummilli liderin müdrik siyasi kursu Azərbaycanı dünyaya tanıdan, ölkənin sürətli dinamik inkişafını təmin edən, xarici və daxili siyasətdə çox böyük uğurlar qazanan cənab İlham Əliyev tərəfindən layiqincə davam etdirilir. Sosioloji sorğuların nəticələrinə görə, 9 oktyabr seçkilərində seçicilərin 85 faizindən çoxu cənab İlham Əliyevi dəstəkləyəcək. Ona görə ki, cənab İlham Əliyevin hakimiyyəti dövründəki Azərbaycan hərtərəfli inkişafa, daxili sabitliyə, kosmik sənayeyə, insanlar üçün firavan həyata, işsizliyin və yoxsulluğun minimuma endirilməsində nail olmuşdur. Bu uğurlar Azərbaycan Prezidentinin dövlətçilik bacarığının və rəhbərlik qabiliyyətinin nəticəsidir. Ona görə də, Azərbaycan xalqı cənab İlham Əliyevin apardığı uğurlu siyasəti dəstəkləyir, ölkənin seçdiyi yolun dəyişməyəcəyinə inamlarını ifadə edirlər”.
Təbliğat - təşviqat qrupunun üzvlərindən ADAU-nun rektoru İbrahim Cəfərov, müəllimləri Arif Qazıyev, Qurban Əliyev, GDU - nun rektoru Yadigar Əliyev, prorektoru Pərvin Kərimzadə çıxışlarında vurğulayıblar ki, xalqımız Milli Qurtuluşumuzdan başlanan yola Ulu öndərin müdrik siyasi kursunun layiqli davamçısı cənab İlham Əliyevin rəhbərliyi ilə davam etmək istəyir və Azərbaycanın parlaq gələcəyi naminə səslərini birmənalı şəkildə cənab Prezidentə verəcəklərini bəyan edirlər.
Seçicilər Süleyman Piriyev, Xalidə Sadıqova, Vüqar Mehdiyev, Pakizə İbrahimova, Fərhad İsgəndərov, Svetlana Qasımova, Tural Verdiyev çıxışlarında son illər ölkəmizdə çox nəhəng abadlıq-quruculuq işlərinin aparıldığını, irimiqyaslı beynəlxalq tədbirlərin keçirilməsinin, insanların sosial durumunun köklü şəkildə dəyişməsinin şahidi olduqlarını deyiblər: “Biz də müasirliyin, yeniliyin davam etməsini istəyirik. İstəyimizə də sevimli Prezidentimiz cənab İlham Əliyevin rəhbərliyi ilə nail olacağıq”.

Paylaş:

Baxılıb: 1180 dəfə