YAP Ağstafa rayon təşkilatında məşvərətçi səs hüquqlu üzvlərin və müşahidəçilərin iştirakı ilə treninq keçirilib

Bakı:

20 °C

77 %

2 m/s

AZ RU EN

Ana səhifə / YAP xəbərləri / YAP Ağstafa rayon təşkilatında məşvərətçi səs hüquqlu üzvlərin və müşahidəçilərin iştirakı ilə treninq keçirilib

YAP Ağstafa rayon təşkilatında məşvərətçi səs hüquqlu üzvlərin və müşahidəçilərin iştirakı ilə treninq keçirilib

29.09.2013 [10:40]

Yeni Azərbaycan Partiyası (YAP) Ağstafa rayon təşkilatında 108 saylı Ağstafa, 106 saylı Tovuz-Qazax-Ağstafa seçki dairələrinin məntəqələri üzrə məşvərətçi səshüquqlu üzvlərin və müşahidəçilərin iştirakı ilə treninq keçirilib. Treninqdə 88 nəfər məşvərətçi səs hüquqlu komissiya üzvü və müşahidəçi iştirak edib.
Treninqdə çıxış edən YAP Ağstafa rayon təşkilatının sədri Ramiz Tatarov öncə seçki prosesi ilə bağlı məsələlərdən danışıb, məşvərətçi səs hüquqlu komissiya üzvlərinin və müşahidəçilərin üzərlərinə düşən vəzifələrini izah edib. Artıq təbliğat-təşviqat kampaniyasının mühüm bir hissəsinin geridə qaldığını bildirən R.Tatarov deyib ki, YAP Ağstafa rayon təşkilatı seçkilərə hazırlıq prosesini müasir normativ hüquqi aktlara, Azərbaycan Respublikasının qanunvericiliyinə tam uyğun şəkildə həyata keçirir. Bundan başqa partiya rayon təşkilatı seçkilərin Seçki Məcəlləsinin tələblərinə uyğun keçirilməsi üçün fəaliyyət planına əsasən öz işini quraraq fəaliyyət göstərir.
R.Tatarov daha sonra bildirib ki, öz fəaliyyəti ilə daim ön cərgələrdə olan Yeni Azərbaycan Partiyası Ağstafa rayon təşkilatı, onun bütün üzvləri bu seçkilərin mahiyyətini dərindən dərk edərək, seçkilərə hazırlıq prosesinin fəal iştirakçılarına çevriliblər. Bu seçkilərdə YAP Ağstafa rayon təşkilatını təmsil edəcək müşahidəçi və məşvərətçi səs hüquqlu üzvlərin oktyabrın 9-da seçki məntəqələrində müşahidə aparmaları üçün vəsiqələrinin artıq paylandığını söyləyən YAP Ağstafa rayon təşkilatının sədri bildirib ki, əvvəlki treninqlərdə müşahidəçilərə yaddaş kitabçaları, məşvərətçilərə isə seçki komissiyalarının “Məşvərətçi səs hüquqlu üzvlərinin statusu haqqında” təlimatlar verilib. Aparılan işlərin mahiyyəti oktyabrın 9-da keçiriləcək prezident seçkilərinin azad, şəffaf, bütün normativ hüquqi aktlara uyğun keçirilməsini təmin etməkdən ibarətdir.
Treninqdə səsvermə günü məşvərətçi səs hüquqlu üzvlərin, müşahidəçilərin hüquq və vəzifələri, qaralama protokolunun nümunəvi doldurulması, seçki günü məntəqə seçki komissiyalarının rolu və vəzifələri, səslərin sayılmasına hazırlıq və s. bu kimi bir sıra mövzularda maarifləndirici fikirlər səsləndirilib.
Seminarlarda iştirakçıları maraqlandıran suallar cavablandırılıb, seçkilərə hazırlıq prosesi ilə bağlı görülən işlər müzakirə olunub.
Pərviz SADAYÜĞLU

Paylaş:

Baxılıb: 1311 dəfə