“Biz İlham Əliyevə səs verməklə öz gələcəyimizə səs verəcəyik”

Bakı:

9 °C

93 %

2 m/s

Əlaqə

AZ RU EN

Ana səhifə / YAP xəbərləri / “Biz İlham Əliyevə səs verməklə öz gələcəyimizə səs verəcəyik”

“Biz İlham Əliyevə səs verməklə öz gələcəyimizə səs verəcəyik”

03.10.2013 [10:29]

Bu fikirlər Tərtər rayonunun Kəngərli, Bayandurlu, Xoruzlu və Kəbirli kəndlərində keçirilən görüşlərdə bir daha bəyan edilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Tərtər rayonu üzrə seçki qərargahı tərəfindən müəyyənləşdirilmiş tədbirlər planına uyğun olaraq seçicilərlə görüşlər davam edir. Bu istiqamətdə növbəti görüşlər rayonun Kəngərli, Bayandurlu, Xoruzlu və Kəbirli kəndlərində keçirilib.
Görüşləri giriş sözü ilə YAP Tərtər rayon təşkilatının sədri Ramiz Şabanov açaraq ölkəmizin növbəti tarixi mərhələ ərəfəsində olduğunu deyib. Oktyabrın 9-da Azərbaycanda növbəti prezident seçkilərinin keçiriləcəyini bildirən Ramiz Şabanov bu seçkilərdə cənab İlham Əliyevin qələbə qazanacağına kimsənin şübhə etmədiyini söyləyib.
“Azərbaycanın bütün bölgələrində olduğu kimi, Tərtərdə də əhali səbirsizliklə 9 oktyabrda keçiriləcək prezident seçkilərini gözləyir. 2003-cü və 2008-ci illərdə seçki məntəqələrinə gedərək cənab İlham Əliyevə səs verən tərtərlilər bu dəfə də eyni addımı atmaq niyyətindədirlər” deyən rayon təşkilatının sədri Azərbaycanın son 20 ildə əsrə bərabər inkişaf yolu keçdiyini bildirib və əsas diqqəti iqtisadi göstəricilərə yönəldib. Ramiz Şabanov deyib ki, ölkəmiz bu gün iqtisadi göstəriciləri ilə dünyanın diqqət və marağındadır: “Bu göstəricilər yalnız rəqəmlərdə deyil, insanların gündəlik həyatında da özünü büruzə verir. Əhalinin sosial müdafiəsinin gücləndirilməsi istiqamətində atılan addımlar buna əyani sübutdur”.
Tərtərin həm də bir cəbhə bölgəsi rayonu olduğunu deyən natiq Ermənistanın işğalçılıq siyasəti və onun aradan qaldırılması istiqamətində həyata keçirilən prinsipial siyasət barədə də məlumat verib. Ramiz Şabanov çıxışını “Xalqımız əmindir ki, Prezident, Ali Baş Komandan İlham Əliyev cənablarının rəhbərliyi ilə tezliklə torpaqlarımız erməni işğalçılarından təmizlənəcək. Bu işdə xalqımız dövlət başçısına hər zaman dəstək verib və oktyabrın 9-da bu dəstəyi bir daha nümayiş etdirəcəyik” sözləri ilə tamamlayıb.
Çıxışına “mən inanıram ki, müstəqil Azərbaycan dövlətinin memarı, Ümummilli lider Heydər Əliyev siyasətinin davam etməsi, ölkəmizin daha da inkişaf etməsi üçün xalqımız növbəti dəfə Prezident İlham Əliyevə səs verəcək” sözləri ilə başlayan millət vəkili Sahib Alıyev Azərbaycanın əldə etdiyi iqtisadi uğurların hər bir sahədə köklü dəyişikliklərlə müşahidə olunduğunu və bunun vətəndaşlarımızın həyatında öz əksini tapdığını bildirib: “Sosial sahədə ardıcıl şəkildə həyata keçirilən layihələr onu göstərir ki, Azərbaycan hökuməti əhalinin maddi rifah halının yaxşılaşdırılması və onların bütün sosial qayğılarla əhatə olunmaları üçün güclü maliyyə imkanlarına və islahatları dərinləşdirmək iradəsinə malikdir. Təsadüfi deyil ki, Prezident İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir. Bu inkişafın davam etməsi üçün mən tərtərlilərin timsalında bütün Azərbaycan vətəndaşlarını Prezident İlham Əliyevə səs verməyə çağırıram”.
Eyni zamanda, görüşlərdə Kəngərli kənd sakinləri-Hətəm Əsgərov, İmran Məmmədov, Hüseyn Hüseynov, Bayandurlu kənd sakinləri-Allahverdi Qasımov, Lətif Eyvazov, Xoruzlu kənd sakinləri-Brilyant Musayeva, Səxavət Əbdüləzimova, Kəbirli kənd sakinləri-Məmməd Vəliyev, Yeganə Qasımova və başqaları çıxış edərək xalqın seçiminin artıq bəlli olduğunu bildiriblər. Çıxışlarda qeyd olunub ki, hazırda Azərbaycanın bütün rayonlarında, o cümlədən, Tərtərdə də böyük infrastruktur layihələri həyata keçirilir. İqtisadiyyatın yeni sektorlarına fəal qaydada sərmayə yatırılır: “Bütün bu uğurların və inkişafın davam etməsi üçün isə biz tərtərlilər oktyabrın 9-da cənab İlham Əliyevə səs verəcəyik. Biz İlham Əliyevə səs verməklə öz gələcəyimizə səs verəcəyik”
NADİR

Paylaş:

Baxılıb: 1224 dəfə