Azərbaycan və Gürcüstan arasında strateji əməkdaşlıq ən yüksək səviyyədədir

Bakı:

10 °C

87 %

5 m/s

Əlaqə

AZ RU EN

Ana səhifə / YAP xəbərləri / Azərbaycan və Gürcüstan arasında strateji əməkdaşlıq ən yüksək səviyyədədir

Azərbaycan və Gürcüstan arasında strateji əməkdaşlıq ən yüksək səviyyədədir

08.04.2026 [15:02]

2026-cı il aprelin 6-da Azərbaycan Respublikasının Prezidenti cənab İlham Əliyev Gürcüstana rəsmi səfər etmişdir. Səfər çərçivəsində cənab Prezident Gürcüstanın Baş naziri ilə görüş keçirmiş və görüşdən sonra tərəflər mətbuat nümayəndələri qarşısında birgə bəyanatlarla çıxış etmişlər. Bu bəyanat iki ölkə arasında strateji tərəfdaşlığın möhkəmləndirilməsi, regional əməkdaşlığın genişləndirilməsi və iqtisadi əlaqələrin inkişafı baxımından böyük əhəmiyyət kəsb edir.

Möhtərəm Prezident çıxışında Azərbaycanla Gürcüstan arasında münasibətlərin tarixi dostluq və qarşılıqlı hörmət prinsiplərinə əsaslandığını vurğulamışdır. O qeyd etmişdir ki, iki ölkə uzun illərdir siyasi, iqtisadi və enerji sahələrində uğurlu əməkdaşlıq edir. Prezident bildirib ki, Azərbaycan və Gürcüstan strateji tərəfdaşdır və gələcəkdə də bu münasibətlər daha da möhkəmlənəcəkdir.

Dövlət başçısı çıxışında xüsusilə, enerji və nəqliyyat layihələrinin əhəmiyyətinə toxunmuşdur. O, qeyd etmişdir ki, Bakı–Tbilisi–Ceyhan neft kəməri, Cənub Qaz Dəhlizi və Bakı–Tbilisi–Qars dəmir yolu kimi iri layihələr region ölkələrini birləşdirən mühüm strateji təşəbbüslərdir. Bu layihələr təkcə Azərbaycan və Gürcüstan üçün deyil, həm də Avropa və Asiya arasında enerji təhlükəsizliyinin təmin olunması və ticarət əlaqələrinin inkişafı baxımından böyük rol oynayır.

Ölkə rəhbəri çıxışı zamanı vurğulamışdır ki, Azərbaycan və Gürcüstan beynəlxalq nəqliyyat və logistika sahəsində də mühüm tərəfdaşdır. Orta Dəhliz kimi tanınan nəqliyyat marşrutu hər iki ölkənin əməkdaşlığı nəticəsində inkişaf edir və bu marşrut Avropa ilə Asiya arasında yük daşımalarının daha sürətli və təhlükəsiz həyata keçirilməsinə imkan yaradır. Bu isə regionun iqtisadi əhəmiyyətini artırır və yeni əməkdaşlıq imkanları yaradır.

Bəyanatda regional sabitlik və təhlükəsizlik məsələlərinə də toxunulmuşdur. Cənab Prezident qeyd etmişdir ki, Cənubi Qafqazda sülh və sabitliyin qorunması region ölkələri üçün əsas prioritetlərdən biridir. O, bildirmişdir ki, Azərbaycan və Gürcüstan bu istiqamətdə bir-birini daim dəstəkləyir və regionda davamlı inkişafın təmin olunması üçün birgə fəaliyyət göstərirlər.

Dövlət başcısı həmçinin, Gürcüstan xalqına sülh, rifah və tərəqqi arzuladığını ifadə etmiş və göstərilən qonaqpərvərliyə görə Gürcüstan rəhbərliyinə təşəkkür etmişdir.

Yekun olaraq qeyd etmək olar ki, Azərbaycan Respublikasının Prezidenti cənab İlham Əliyevin Gürcüstana səfəri və mətbuata verdiyi bəyanat Azərbaycan–Gürcüstan münasibətlərinin yüksək səviyyədə olduğunu bir daha nümayiş etdirmişdir. Bu səfər iki ölkə arasında strateji tərəfdaşlığın daha da gücləndirilməsi, regional əməkdaşlığın genişləndirilməsi və iqtisadi layihələrin inkişafı baxımından mühüm addım kimi qiymətləndirilir.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 88 dəfə