Azərbaycan–İtaliya əlaqələrinin real nəticələri

Bakı:

20 °C

68 %

4 m/s

Əlaqə

AZ RU EN

Ana səhifə / YAP xəbərləri / Azərbaycan–İtaliya əlaqələrinin real nəticələri

Azərbaycan–İtaliya əlaqələrinin real nəticələri

06.05.2026 [12:54]

Azərbaycan və İtaliya arasında münasibətlər son illərdə strateji tərəfdaşlıq səviyyəsinə yüksələrək həm siyasi, həm də iqtisadi sahələrdə dinamik inkişaf nümayiş etdirir. Qarşılıqlı səfərlər, birgə layihələr və imzalanmış mühüm sənədlər bu əməkdaşlığın dayanıqlı və uzunmüddətli xarakter daşıdığını açıq şəkildə göstərir. 2014-cü və 2020-ci illərdə münasibətlərin bu səviyyəsini təsbit edən strateji tərəfdaşlığa dair iki bəyannamə imzalanmışdır. Cənab Prezident İlham Əliyevin mətbuata bəyanatında vurğuladığı kimi, bizim münasibətlərimizin əsasını təşkil edən bu iki sənəd və sənədlərdə təsbit edilmiş məsələlər bu gün həyatda da öz əksini tapır. İtaliyanın Baş nazirinin mayın 4-də Azərbaycanda olmağı bir daha Azərbaycan-İtaliya əlaqələrinin nə qədər dərin məzmunlu olmasından xəbər verir. Bu səfər Azərbaycana göstərilən hörmətin və xoş münasibətin bariz təzahürüdür.

Ölkələrimiz arasında münasibətlərdə ən mühüm məqamlardan biri energetika sahəsində əməkdaşlıqdır. Azərbaycanın nefti İtaliyanın enerji balansında birinci, qazı isə ikinci yerdədir. Bu fakt iki ölkə arasında münasibətlərin təkcə iqtisadi deyil, həm də strateji əhəmiyyət daşıdığını bir daha vurğulayır. TAP və Cənub Qaz Dəhlizi kimi nəhəng layihələr yalnız iqtisadi maraqlar deyil, həm də siyasi iradə sayəsində həyata keçib.

Hazırda əməkdaşlıq daha geniş miqyas alır. Elektrik enerjisinin ixracı üzrə aparılan işlər, Xəzərin dibi ilə Avropaya yönələcək yeni layihələr Azərbaycanın Avropa enerji təhlükəsizliyindəki rolunu daha da gücləndirəcək. Bu, ölkəmizin strateji mövqeyini daha da möhkəmləndirməklə yanaşı, İtaliya ilə münasibətlərə əlavə dəyər qatır. Hazırda İtaliyanın 130-a yaxın şirkəti Azərbaycanda fəaliyyət göstərir. O cümlədən işğaldan azad edilmiş Qarabağda və Şərqi Zəngəzurda İtaliya şirkətləri 23 layihə həyata keçirib və həyata keçirir. Xarici ölkələrin şirkətlərinə baxdıqda bu layihələrin icrasında İtaliya yenə qabaqcıl yerlərdədir.

Diqqətçəkən digər bir məqam isə humanitar və təhsil sahəsindəki əməkdaşlıqdır. Məlum olduğu kimi, keçən il Bakıda böyük təntənə ilə İtaliya-Azərbaycan Universiteti açılmışdır. Azərbaycanda təhsilin inkişafına bu universitetin çox böyük təsiri və töhfəsi olacaq. Cənab Prezidentin qeyd etdiyi kimi, artıq 500-dən çox tələbə orada təhsil alır və gələcəkdə onlar həm peşəkar mütəxəssislər, həm də ki, Azərbaycanın İtaliyada və İtaliyanın Azərbaycanda təbii elçiləri olacaqlar. Beləliklə, bizim dostluğumuz bundan sonra inamla davam etdiriləcəkdir.

Yekun olaraq deyə bilərik ki, cənab Prezident İlham Əliyevin bəyanatı Azərbaycan və İtaliya arasında tərəfdaşlığın təkcə siyasi sənədlərdə deyil, real həyatda da öz təsdiqini tapdığını bir daha göstərdi.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 163 dəfə