Təhsilalanların geyim forması müvafiq qaydalar əsasında müəyyənləşdirilir

Bakı:

24 °C

64 %

4 m/s

Əlaqə

AZ RU EN

Ana səhifə / YAP xəbərləri / Təhsilalanların geyim forması müvafiq qaydalar əsasında müəyyənləşdirilir

Təhsilalanların geyim forması müvafiq qaydalar əsasında müəyyənləşdirilir

14.10.2026 [12:11]

İntiqam Quliyev

YAP Ağdam rayon təşkilatının sədr müavini İntiqam Quliyev

Ölkə Prezidenti cənab İlham Əliyevin Yeni Azərbaycan Partiyasının VIII Qurultayındakı çıxışında ideoloji təhlükəsizlik məsələsinə xüsusi diqqət yetirilməsi bu istiqamətdə aparılan maarifləndirmə və tərbiyə işlərinin əhəmiyyətini bir daha ön plana çıxarır. İdeoloji təhlükəsizlik milli maraqların, dövlətçilik ənənələrinin, milli-mənəvi dəyərlərin və milli kimliyin qorunmasını nəzərdə tutan mühüm anlayışdır. Bu dəyərlərin gənc nəslə aşılanmasında ailə ilə yanaşı, təhsil müəssisələrinin də üzərinə mühüm vəzifələr düşür. İdeoloji təhlükəsizliyin təmin olunması cəmiyyətin milli-mənəvi əsaslarının qorunması, gənc nəslin sağlam dünyagörüşünün formalaşdırılması və dövlətçilik düşüncəsinin möhkəmləndirilməsi ilə sıx bağlıdır. Qloballaşma, informasiya axınının sürətlənməsi və müxtəlif mədəni təsirlərin geniş yayılması şəraitində uşaqların və yeniyetmələrin milli dəyərlərə bağlı, müstəqil düşüncəyə malik, məsuliyyətli vətəndaşlar kimi yetişdirilməsi xüsusi aktuallıq kəsb edir.

Məktəb yalnız bilik və bacarıqların əldə edildiyi məkan deyil, həm də uşaqların davranışlarının, məsuliyyət hissinin və cəmiyyətə münasibətinin formalaşdığı mühüm tərbiyə mühitidir. Buna görə də geyimlə bağlı tələblər sadəcə xarici görünüşü tənzimləyən qaydalar kimi deyil, məktəbin daxili nizam-intizamını və işgüzar mühitini dəstəkləyən amil kimi qiymətləndirilməlidir.

Təhsilalanların geyim forması müvafiq qaydalar əsasında müəyyənləşdirilir və onların məktəb şəraitinə uyğun, səliqəli görünüşünü təmin etməyə xidmət edir. Məktəbli geyiminin vahid olması şagirdlər arasında geyimlə bağlı fərqlərin ön plana çıxmasının qarşısını almağa, diqqətin dərslərə və təlim fəaliyyətinə yönəlməsinə şərait yaratmağa kömək edir. Geyim rahat, təmiz, mövsümə uyğun olmalı, şagirdin sərbəst hərəkətinə və dərslərdə iştirakına maneə yaratmamalıdır. Bu məsələdə məktəb rəhbərliyinin, müəllimlərin və valideynlərin əməkdaşlığı vacibdir. Valideynlərin müəyyən edilmiş formaya diqqət yetirməsi uşaqlarda səliqəlilik, özünəqulluq və qaydalara məsuliyyətlə yanaşmaq vərdişlərinin inkişafına dəstək verir.

Təhsilalanlarla yanaşı, təhsilverənlərin geyimi də məktəb mühitinin ümumi mədəniyyətində xüsusi yer tutur. Müəllimin geyimi onun peşə fəaliyyətinə uyğun, səliqəli və işgüzar olmalı, tədris prosesinin xüsusiyyətlərini nəzərə almalıdır. Pedaqoji fəaliyyət yalnız biliklərin ötürülməsi ilə məhdudlaşmadığından, müəllimin davranışı, ünsiyyət tərzi və şəxsi nümunəsi də şagirdlərin tərbiyəsinə təsir göstərir. Bu baxımdan geyimə dair tələblərin məqsədi şəxsi seçimləri əsassız şəkildə məhdudlaşdırmaq deyil, təhsil müəssisəsinə uyğun peşəkar görünüş və vahid yanaşma formalaşdırmaqdır. Eyni zamanda, ayrı-ayrı fənlərin xüsusiyyətləri nəzərə alınmalı, fiziki fəaliyyət və laboratoriya məşğələləri zamanı təhlükəsizlik, rahatlıq və funksionallıq əsas götürülməlidir.

Geyimlə bağlı qaydaların düzgün tətbiqi üçün onların məzmununun məktəb ictimaiyyətinə aydın şəkildə izah edilməsi vacibdir. Məktəb rəhbərliyi qüvvədə olan normativ tələblərin icrasını təmin etməli, müəllimlər şagirdlərə nümunə göstərməli, valideynlər isə təhsil müəssisəsi ilə əməkdaşlıq etməlidirlər.

Paylaş:

Baxılıb: 19 dəfə

Xəbər lenti

Hamısına bax