YAP Ağcabədi rayon təşkilatında qurultay qərarlarının icrası istiqamətində müzakirələr aparılıb

Bakı:

24 °C

64 %

4 m/s

AZ RU EN

Ana səhifə / YAP xəbərləri / YAP Ağcabədi rayon təşkilatında qurultay qərarlarının icrası istiqamətində müzakirələr aparılıb

YAP Ağcabədi rayon təşkilatında qurultay qərarlarının icrası istiqamətində müzakirələr aparılıb

14.10.2026 [12:45]

Yeni Azərbaycan Partiyasının VIII Qurultayında müəyyənləşdirilən prioritetlərin və Azərbaycan Respublikasının Prezidenti, Partiyanın Sədri cənab İlham Əliyevin çıxışından irəli gələn tapşırıqların yerinə yetirilməsi istiqamətində YAP Ağcabədi rayon təşkilatı tərəfindən ərazi partiya təşkilatlarında görüşlər davam etdirilir.

13 oktyabr 2026-cı il tarixində “Dövlət Aqrar İnkişaf Mərkəzi” və “Ağcabədi rayon heyvan sağlamlığı baytarlıq xidmətləri idarəsi” ərazi partiya təşkilatlarında partiya üzvlərinin iştirakı ilə keçirilən görüşlərdə qurultaydan irəli gələn vəzifələr, təşkilati fəaliyyətin gücləndirilməsi və partiya işinin daha səmərəli təşkili məsələləri müzakirə olunub.

Tədbirlərdə ilk olaraq Ulu Öndər Heydər Əliyevin və Azərbaycanın ərazi bütövlüyü, suverenliyi uğrunda şəhidlik zirvəsinə ucalmış qəhrəman Vətən övladlarının əziz xatirəsi bir dəqiqəlik sükutla yad edilib.

Müzakirələr zamanı ərazi partiya təşkilatlarının qarşısında duran əsas vəzifələr, partiya üzvlərinin ictimai-siyasi proseslərdə fəallığının artırılması, təşkilati işlərin təkmilləşdirilməsi və dövlət siyasətinin prioritetlərinin təşviqi məsələlərinə diqqət yetirilib. Bildirilib ki, VIII Qurultayda müəyyənləşdirilən hədəflərin uğurla həyata keçirilməsi hər bir partiya üzvündən təşəbbüskarlıq, məsuliyyət və fəal mövqe tələb edir.

Çıxış edən ərazi partiya təşkilatının sədr müavini Bədəl Mürşüdov, Baytarlıq idarəsinin müdri Habil İsmayılov, YAP Ağcabədi rayon təşkilatının məsləhətçisi Elşən Səfərov və digər partiya fəalları Yeni Azərbaycan Partiyasının ölkənin siyasi həyatındakı mövqeyindən, dövlətçilik prinsiplərinin qorunmasında və milli maraqların təmin olunmasında rolundan bəhs ediblər. Natiqlər Prezident İlham Əliyevin rəhbərliyi ilə Azərbaycanın qazandığı uğurların davamlılığının təmin edilməsində partiya üzvlərinin üzərinə düşən məsuliyyəti vurğulayıblar.

Qeyd olunub ki, ərazi partiya təşkilatları fəaliyyətlərini müasir tələblərə uyğun qurmalı, üzvlərlə işin keyfiyyətini yüksəltməli və qurultayda müəyyənləşdirilən məqsədlərin həyata keçirilməsinə öz töhfələrini verməlidirlər.

Görüşlər çərçivəsində qarşıda duran vəzifələrin ardıcıl icrasının, partiya üzvləri arasında birliyin və həmrəyliyin möhkəmləndirilməsinin əhəmiyyəti diqqətə çatdırılıb.

Paylaş:

Baxılıb: 33 dəfə

Xəbər lenti

Hamısına bax