YAP Mərkəzi Seçki Qərargahının Yevlaxda zona müşavirəsi keçirilib

Bakı:

12 °C

94 %

1 m/s

Əlaqə

AZ RU EN

Ana səhifə / YAP xəbərləri / YAP Mərkəzi Seçki Qərargahının Yevlaxda zona müşavirəsi keçirilib

YAP Mərkəzi Seçki Qərargahının Yevlaxda zona müşavirəsi keçirilib

25.08.2015 [10:18]

Avqustun 22-də Yeni Azərbaycan Partiyasının (YAP) Mərkəzi Seçki Qərargahının Yevlax şəhərində partiyanın Mingəçevir şəhər və Bərdə, Ağcabədi, Goranboy, Tərtər, Yevlax, Ağdam, Xocalı, Laçın rayon şöbələrinin qarşıdan gələn parlament seçkilərinə hazırlıq işləri ilə əlaqədar müşavirəsi keçirilib.
Müşavirədə Yeni Azərbaycan Partiyasının Sədr müavini - İcra katibi, Baş nazirin müavini Əli Əhmədov, YAP İcra katibinin müavini Mübariz Qurbanlı, YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov, eləcə də, adıçəkilən rayon şöbələrinin seçki qərargahlarının üzvləri iştirak ediblər.
Müşavirədə çıxış edən YAP-ın Sədr müavini - İcra katibi, Baş nazirin müavini Əli Əhmədov cari ilin noyabr ayında ölkəmizdə Milli Məclisə keçiriləcək növbəti seçkilərə ciddi hazırlıqlar görüldüyünü və YAP-ın bütün seçkilərdə olduğu kimi bu dəfə də bütün gücünü, resurslarını səfərbər etdiyini bildirib. YAP-ın İcra katibi partiyanın yerli strukturlarında fəaliyyət göstərən seçki qərargahlarının üzvlərinin mütləq əksəriyyətinin böyük seçki təcrübəsinə malik olduqlarını vurğulayaraq qarşıdan gələn parlament seçkilərində də onların üzərinə düşən vəzifələri layiqincə yerinə yetirəcəklərinə əminliyini ifadə edib.
“Qələbələrimizin əldə olunmasında partiyamızın üzvlərinin fədakarlığı, əzmkarlığı mühüm rol oynayır”, - deyən Əli Əhmədov YAP-ın parlament seçkilərində möhtəşəm qələbə qazanması üçün kifayət qədər əsasların olduğunu bildirib. O, həmçinin, Azərbaycan xalqının Ümummilli lideri Heydər Əliyevin ideyalarına sadiq olan və bu ideyalar əsasında fəaliyyət göstərən Yeni Azərbaycan Partiyasının Prezident İlham Əliyevin Sədrliyi ilə ötən müddət ərzində böyük inkişaf yolu keçdiyini diqqətə çatdırıb: “Sıralarını daim kəmiyyət və keyfiyyət etibarilə genişləndirən YAP, sözün əsl mənasında, ümumxalq partiyası kimi çıxış edir. Yeni Azərbaycan Partiyası Azərbaycan siyasi palitrasında milli siyasi iradəni təmsil edən avanqard siyasi qüvvədir və partiyanın fəaliyyəti xalqımızın ali mənafeyinin ifadəsi kimi çıxış edir”.
Əli Əhmədov Azərbaycanın hazırda demokratik inkişaf yolunda irəliləyən avanqard ölkələr sırasında yer aldığını bildirərək ölkəmizdə həyata keçirilən inkişaf strategiyasının fonunda reallaşdırılan demokratik islahatların mütəmadi xarakter daşıdığını vurğulayıb: “Azərbaycan siyasi, hüquqi, iqtisadi islahatları davam etdirmək əzmindədir və həyata keçirilən bütün tədbirlər ölkəmizin davamlı inkişafına xidmət edir”.
YAP Sədrinin müavini ölkəmizdə keçirilən bütün seçkilərin demokratik standartlar əsasında baş tutduğunu bildirərək cari ildə keçiriləcək parlament seçkilərinin də bu dəyərlər əsasında reallaşacağını qeyd edib: “Azərbaycan vətəndaşları iradələri əsasında etimad göstərdikləri siyasi qüvvələri dəstəkləyəcək və fəaliyyətində Azərbaycanın milli maraqlarını əsas götürən, demokratik dəyərlərə üstünlük verən, ölkənin inkişafı naminə çoxşaxəli fəaliyyət göstərən avanqard siyasi qüvvəyə növbəti dəfə etimad göstərəcəklər”.
Əli Əhmədov bildirib ki, Prezident İlham Əliyevin rəhbərliyi ilə reallaşdırılan siyasətin fonunda sosial-iqtisadi islahatların ardıcıl şəkildə həyata keçirilməsi, ölkəmizin beynəlxalq mövqeyinin möhkəmlənməsi və digər bu kimi amillər Azərbaycan vətəndaşlarının Yeni Azərbaycan Partiyasına olan inamını daha da artırıb: “Yeni Azərbaycan Partiyasının qarşıdan gələn parlament seçkilərinə yüksək hazırlığı da qələbəni şərtləndirəcək növbəti amildir. Bütün bu amillər YAP-ın parlament seçkilərində istinad edəcəyi ciddi resurslardır. Biz inanırıq ki, bu resurslar, xüsusilə Prezidentimizin gördüyü işlər sayəsində YAP növbəti parlament seçkilərində uğur qazanacaq”.

Paylaş:

Baxılıb: 808 dəfə