YAP Tərtər rayon təşkilatının X hesabat konfransı keçirilib

Bakı:

23 °C

56 %

1 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatının X hesabat konfransı keçirilib

YAP Tərtər rayon təşkilatının X hesabat konfransı keçirilib

03.09.2021 [09:10]

Sentyabrın 2-də Yeni Azərbaycan Partiyası (YAP) Tərtər rayon təşkilatının videoformatda X hesabat konfransı keçirilib.
Əvvəlcə müasir müstəqil Azərbaycan dövlətinin qurucusu, Yeni Azərbaycan Partiyasının yaradıcısı, Ulu Öndər Heydər Əliyevin və torpaqlarımızın azadlığı uğrunda şəhid olan Vətən oğullarının əziz xatirəsi bir dəqiqəlik sükutla yad edilib.
Konfransın gündəliyi təsdiqləndikdən sonra YAP Tərtər rayon təşkilatının sədri Ramiz Şabanov hesabat məruzəsi ilə çıxış edib. Qeyd olunub ki, ölkə Prezidenti, Yeni Azərbaycan Partiyasının Sədri cənab İlham Əliyevin yürütdüyü müdrik və milli maraqlara söykənən siyasət müstəqil Azərbaycanımızın daha da çiçəklənməsinə, regionların yeniləşməsinə, əhalinin rifah halının yüksəlməsinə yol açıb. Həyata keçirilən uğurlu daxili və xarici siyasət kursu Azərbaycanı dünyanın ən qüdrətli dövlətləri və nüfuzlu beynəlxalq təşkilatları tərəfindən yaxın tərəfdaş qismində qəbul olunmasını şərtləndirib.
R.Şabanov bildirib ki, YAP Tərtər rayon təşkilatının 83 ərazi ilk partiya təşkilatında 6739 partiya üzvü var. Onların 3669 nəfəri qadınlar, 1366 nəfəri gənclərdir. Hesabat dövründə 879 üzv partiya rayon təşkilatının sıralarına qoşulub ki, onların da 504 nəfərini qadınlar, 467 nəfərini isə gənclər təşkil edir.
Sonra Yeni Azərbaycan Partiyası Tərtər rayon təşkilatının Nəzarət-Təftiş Qrupunun sədri Anar Rüstəmovun hesabat məruzəsi dinlənilib.
Müzakirələr zamanı YAP Tərtər rayon təşkilatının Şura üzvü, Tərtər Rayon İcra Hakimyyətinin başçısı Müstəqim Məmmədov, Milli Məclisin deputatı Sahib Alıyev, rayon təşkilatının sədr müavini, rayon Statistika İdarəsinin rəisi Ədalət Məmmədov, rayon təşkilatı Qadınlar Şurasının sədr müavini Svetlana Əzizova, rayon təşkilatının Şura üzvü, Yuxarı Qapanlı kənd tam orta məktəbin direktoru Fitat Əliyeva rayon təşkilatının hesabat dövrü ərzindəki fəaliyyətinə münasibət bildiriblər.
Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, YAP yarandığı gündən dövlətə, xalqa xidmət missiyasını həyata keçirir, Azərbaycanın davamlı inkişafına özünəməxsus töhfələr verir. Ölkə Prezidenti, partiyamızın Sədri, Müzəffər Ali Baş Komandan İlham Əliyevin son 18 ildə həyata keçirdiyi güclü dövlət, güclü ordu strategiyası nəticəsində 44 günlük Vətən müharibəsində rəşadətli Azərbaycan Ordusu möcüzələri reallığa çevirərək 30 ilə yaxın işğal altında olan torpaqlarımızı azad etdi. Ölkəmiz tarixi qələbə qazandı, ərazi bütövlüyümüz təmin olundu. Bu möhtəşəm qələbə Azərbaycanın şanlı hərb tarixinə qızıl hərflərlə yazıldı.
Yeni Azərbaycan Partiyasının VII Qurultayında qəbul olunan qərarlardan, qarşıya qoyulan vəzifələrdən geniş bəhs edən Ə.Tağıyev YAP Tərtər rayon təşkilatına gələcək fəaliyyətində uğurlar arzulayıb.
Konfransda YAP Tərtər rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 659 dəfə