Heydər Əliyev
yeni azerbaycan logo

Ana səhifə / YAP xəbərləri / YAP-ın Xəzər, Qaradağ, Nizami və Sabunçu rayon təşkilatlarının nümayəndələri Hərbi Qənimətlər Parkını ziyarət ediblər

YAP-ın Xəzər, Qaradağ, Nizami və Sabunçu rayon təşkilatlarının nümayəndələri Hərbi Qənimətlər Parkını ziyarət ediblər

02.11.2021 [16:49]

Noyabrın 2-də Yeni Azərbaycan Partiyasının Xəzər, Qaradağ, Nizami və Sabunçu rayon təşkilatlarının nümayəndələri 8 Noyabr - Zəfər Günü münasibətilə Hərbi Qənimətlər Parkını ziyarət ediblər.

Qeyd edək ki, Hərbi Qənimətlər Parkı Azərbaycan Respublikasının ərazi bütövlüyünün bərpası uğrunda 44 gün davam edən Vətən müharibəsi zamanı müzəffər Azərbaycan Ordusunun işğalçı Ermənistanı döyüş meydanında məğlub etməsi nəticəsində düşməndən ələ keçirdiyi hərbi qənimətlərin bir qisminin nümayiş olunması məqsədini daşıyır.

Ziyarət zamanı YAP-ın rayon təşkilatlarının nümayəndələrinə  Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun əsgərlərinin qəhrəmanlığı, o cümlədən ordumuz tərəfindən məhv edilmiş və hərbi qənimət kimi ələ keçirilmiş Ermənistan silahlı qüvvələrinə məxsus müxtəlif tipli hərbi texnikalar, silahlar, döyüş postları və müdafiə sədləri barədə ətraflı məlumat verilib. Ziyarətçilər, həmçinin Parkdakı eksponatların arasında Silahlı Qüvvələrimizin işğaldan azad olunan ərazilərdə ermənilərdən qənimət götürdükləri 2 mindən çox avtomobilin nömrə nişanlarından hazırlanan və üzərində “Qarabağ Azərbaycandır!” şüarı əks olunan kompozisiya, Ermənistan tərəfindən törədilən müharibə cinayətləri, dinc sakinlərin qətlə yetirilməsi və yaralanması barədə faktlar, düşmən tərəfindən Azərbaycan ərazisinə atılmış “İskəndər-M” raketinin qalıqları ilə tanış olublar.

YAP Xəzər rayon təşkilatının sədri Namiq Əhmədov, YAP Nizami rayon təşkilatının sədri Ramil Vəlibəyov, YAP Sabunçu rayon təşkilatının sədri Misirxan Vəliyev, YAP Qaradağ rayon təşkilatının əməkdaşı Vüsal Yusifov və digərləri Hərbi Qənimətlər Parkını  Azərbaycan Ordusunun Vətən müharibəsindəki şanlı Qələbəsinin əyani nümunəsi kimi dəyərləndiriblər.

Ziyarətçilər Hərbi Qənimətlər Parkından yüksək təəssüratlarla ayrılıblar.

Paylaş
Baxılıb: 123 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30