Heydər Əliyev
yeni azerbaycan logo

Ana səhifə / YAP xəbərləri / Vətən Müharibəsi Qəhrəmanı Vüqar Ağayevin anım günü qeyd edilib

Vətən Müharibəsi Qəhrəmanı Vüqar Ağayevin anım günü qeyd edilib

03.11.2021 [11:08]

Qubadlı rayon İcra Hakimiyyətinin və YAP Qubadlı rayon təşkilatının təşəbbüsü ilə 44 günlük Vətən müharibəsində şəhid olmuş, Prezident İlham Əliyevin müvafiq sərəncamları ilə “Vətən Müharibəsi Qəhrəmanı" fəxri adı, “Vətən uğrunda”, “Qubadlının azad olunmasına görə” medalları ilə təltif edilmiş mayor Vüqar Ağayevin anım günü münasibətilə tədbir keçirilib. Tədbirdə Qubadlı rayon  İcra Hakimiyyətinin başçısı Malik İsaqov, Milli Məclisin deputatı İmamverdi İsmayılov, Müdafiə nazirliyinin əməkdaşları, eləcə də rayon ictimaiyyətinin nümayəndələri, şəhidin döyüş yoldaşları və yaxınları iştirak ediblər

Tədbir iştirakçıları II Fəxri Xiyabanda dəfn olunmuş Vüqar Ağayevin məzarını ziyarət ediblər, məzarı üzərinə əklil və gül dəstələri qoyublar. Vətən uğrunda canını fəda etmiş qəhrəmanlarımızın ruhuna dualar oxunub. Eyni zamanda vətənpərvərlik mövzusunda və şəhidlərimizin ruhuna həsr olunmuş şeirlər səsləndirilib.

     Tədbirdə çıxış edən Qubadlı rayon İcra Hakimiyyətinin başçısı Malik İsaqov bildirib ki, 2020-ci ilin sentyabrın 27-dən başlayan, 44 gün davam edən Vətən müharibəsi işğal altındakı torpaqlarımızın azad olunması ilə nəticələndi. Bu zəfər tariximizin ən parlaq səhifəsinə çevrildi. 44 günlük Vətən müharibəsində Azərbaycan Ordusu Ali Baş Komandan İlham Əliyevin rəhbərliyi ilə əsl vətənpərvərlik və qəhrəmanlıq göstərərək düşmənə sarsıdıcı zərbə vurdu, Qələbə qazanıldı və tarixi ədalət bərpa olundu. Azərbaycan xalqı öz Liderinin - Müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdi. Prezident İlham Əliyev öz xalqı ilə vəhdətdə olan lider kimi mübarizlik rəmzinə çevrildi.

Şəhid Vüqar Ağayevin anası Nənəxanım Ağayeva göstərilən diqqət və qayğıya görə Ali Baş Komandan Prezident İlham Əliyevə, Birinci vitse-prezident Mehriban xanım Əliyevaya minnətdarlığını bildirib.

Paylaş
Baxılıb: 119 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31