Heydər Əliyev
yeni azerbaycan logo

Ana səhifə / YAP xəbərləri / Tarixi dövrün başlangıcı

Tarixi dövrün başlangıcı

14.07.2022 [12:51]

İlqar İlyasov

YAP Laçın rayon təşkilatının sədri

Bu gün Ulu öndər Heydər Əliyevin Azərbaycan SSR-yə rəhbər təyin olunmasından 53 il ötür. Azərbaycan xalqı onun taleyində və tarixində silinməz izlər qoyan Ümummilli Lideri ehtiramla xatırlayır və müstəqilliyimizin qorunub möhkəmləndirilməsində, demokratik hüquqi dövlətin qurulmasında və onun hərtərəfli inkişafında misilsiz fəaliyyəti xalqımız tərəfindən daim fəxrlə qeyd olunur. 

Əslində Heydər Əliyev hakimiyyətə gəldiyi elə ilk 1969-cu ildə stereotipləri sındırdı. Bakı Dövlət Universitetinin 50 illik yubley tədbirində respublika rəhbərinin öz ana dilində çıxışı Azərbaycanın ictimai-siyasi və mədəni mühitində görünməmiş bir hadisə idi və bu çox böyük bir rezonans doğurdu. Bununla da Azərbaycanda yeni bir dövrün yaranmasının əsası qoyuldu. Bu dövr milli şüurun, milli mənliyin və milli dərkin inkişafı üçün əlverişli mühitin yaradılmasını özündə ehtiva edən yeni bir dövrdür. Bu gün belə həmin nitqi nəzərdən keçirərkən Heydər Əliyevin Azərbaycan ali təhsilinin, elminin, mədəniyyətinin qarşısında duran çox mühüm vəzifələri nə qədər dərindən analiz etdiyini bir daha anlayırsan. Onun sonrakı illərdəki fəaliyyəti də davamlı oldu. Yaradıcı birliklərin ali tədbirlərində Heydər Əliyev ancaq ana dilimizdə çıxış edir, yaradıcı insanların üzərinə düşən vəzifələrdən danışır, onları mədəniyyətin, incəsənətin, ədəbiyyatının inkişafına rulandırır və stimullaşdırırdı. Həmin illərdə respublikada dünya mədəniyyətinin Qara Qarayev, Fikrət Əmirov, Niyazi, Səttar Bəhlulzadə, Rəsul Rza və Lətif Kərimov kimi korifeyləri səmərəli fəaliyyət göstərirdilər.

O, hakimiyyətdə olduğu birinci mərhələdə sözün həqiqi mənasında Azərbaycanı yeni inkişaf mərhələsinə çıxardı. Aqrar ölkəni həmin dövrdə SSRİ məkanında inkişaf etmiş respublikalardan birinə çevirdi. Çoxsaylı sənaye müəssisələri yaradıldı, Bakıda yeni yaşayış massivləri inşa edildi, köhnə evlərdən insanlar çox yaxşı şəraiti olan evlərə köçürüldü. Azərbaycanın rayonlarında böyük bir inkişaf dövrü başladı. İnsanların həyat səviyyəsi yüksəldi, yaşayış səviyyəsi görünməmiş bir səviyyəyə qalxdı və xüsusi olaraq Azərbaycanda milli ruhun inkişafı üçün çox əlverişli imkanlar yaradıldı.

Həmin dövrdə Milli ruhda yazan və milli məsələləri önə çəkən yeni bir nəsil yazıçılar və şairlər meydana gəldi. Onlar eyni zamanda həm də siyasi publisistikanın fəal daşıyıcıları idilər. Həmçinin öz yaradıcılıqlarında Azərbaycanın vahidliyi və bütövlüyü ideyalarını yayan, ölkəmizin müstəqillik fikirlərini önə çəkən publisistlər idi. Ulu Öndərin 1970-80-ci illərin əvvəllərində səpmiş olduğu toxumlar 1980-ci illərin sonlarında Azərbaycanda erməni seperatizmi fonunda başlamış olan milli-azadlıq hərəkatında özünün bəhrəsini verdi. Məhz onun həmin dövrdə formalaşdırdığı mühitdə milli ruhda böyüyən insanlar azadlıq hərəkatının önündə oldular və xalqla bərabər hərəkatda iştirak etdilər. Heydər Əliyev həm də faktiki olaraq Azərbaycanı müstəqil dövrə hazırlayırdı. Çoxsaylı gənclər həmin zamanda ittifaqın ən yüksək ali məktəblərinə göndərildi. Həmin azərbaycanlılar təhsil alıb Vətənə qayıtdılar və müxtəlif sahələrin inkişafına öz töhfələrini verdilər.

Eyni zamanda yeni sənaye müəssisələrinin yaradılması ilə yanaşı həm də Azərbaycanda qoyulmuş olan yasaqlar aradan qaldırıldı. Azərbaycanlıların ali hərbi məktəblərə daxil olmasına qeyri-rəsmi qadağa var idi. Ona görə də bunu aradan qaldırmaq üçün Bakıda Cəmşid Naxçıvanski adına Hərbi Lisey yaradıldı. Həmin liseyi bitirənlər yenə də Ulu Öndərin xüsusi qayğısı ilə ittifaqın ən yüksək hərbi ali məktəblərinə göndərilirdi. Bu gün generallarımızın, yüksək səviyyəli peşəkar zabitlərimizin içərisində həmin dövrün yetirmələri var. Heydər Əliyevin hakimiyyətinin birinci illərində həyata keçirdiyi tədbirlər heç şübhəsiz ki, Azərbaycanın müstəqillik dövründə özünün müstəsna əhəmiyyətini göstərdi.

Heydər Əliyevin bəyan etdiyi “Qoy ədalət zəfər çalsın” şüarı həmin günlərin mənəvi-psixoloji mühitini müəyyənləşdirirdi. SSRİ-də ilk dəfə məhz Azərbaycanda korrupsiyaya, mafiyaya, tayfabazlığa qarşı genişmiqyaslı müharibə elan edilmişdi. Bütün bunlar həyat tərzini, standart əxlaq, davranış qaydalarını, ünsiyyət, qarşılıqlı münasibətlərin keyfiyyətini son dərəcə dəyişdirdi. 70-80-ci illər Azərbaycan tarixində hərtərəfli, köklü yeniləşdirmə dövrü, dinamiklik, işgüzarlıq, düzlük, doğruluq, xalqın ideallarına sədaqət kimi keyfiyyətlərin formalaşma dövrüdür. Liderin taleyi və xarakteri sanki millətin taleyi və xarakterinə də sirayət etmişdi. Bu gün Heydər Əliyev ideyalarının layiqli davamçısı olan Azərbaycan Respublikasının Prezidenti cənab İlham Əliyev müasir dövrün tələblərinə uyğun olaraq qürurlu və özünə inamlı bir millətin formalaşdırılmasına nail olub.

Paylaş:
Baxılıb: 142 dəfə
Multi-media

Xəbər lenti

Hamısına bax

Xəbər lenti

Neft ucuzlaşıb

16 Avqust 12:18

Ədəbiyyat

Ədəbiyyat

Xarici siyasət

Sosial

Xəbər lenti

Yaşamağa dəyər!

16 Avqust 10:48

İqtisadiyyat

İqtisadiyyat

Prezident bu gün

Prezident bu gün

16 Avqust 10:14

Analitik

Həqiqət və reallıq

16 Avqust 10:08

Gündəm

Xəbər lenti

Xəbər lenti

Prezident bu gün

Prezident bu gün

15 Avqust 10:28

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31