Azərbaycan sülhün, təhlükəsizliyin tərəfdarıdır

Bakı:

26 °C

42 %

4 m/s

Əlaqə

AZ RU EN

Ana səhifə / YAP xəbərləri / Azərbaycan sülhün, təhlükəsizliyin tərəfdarıdır

Azərbaycan sülhün, təhlükəsizliyin tərəfdarıdır

14.10.2022 [11:28]

Ramil Orucov

YAP Gəncə şəhər təşkilatının sədri

Oktyabrın 6-da Praqada Avropa Siyasi Birliyinin Zirvə Toplantısı çərçivəsində keçirilən dördtərəfli görüş tarixi əhəmiyyət kəsb edib. Azərbaycanın haqlı mövqeyi əsas müzakirə mövzusu olan bu görüş, Ermənistanın növbəti dəfə İlham Əliyevin irəli sürdüyü təkliflər əsasında sülh müqaviləsi imzalamağa hazır olduğunu bəyan etməsi ölkəmizin daha bir diplomatik uğurunun təcəssümü oldu.

Dördtərəfli toplantıdan sonra ölkə başçımız İlham Əliyev Azərbaycanın televiziya kanallarına verdiyi müsahibə zamanı ümid etdiyini bildirib ki, tərəflər sülhə yavaş-yavaş yaxınlaşırlar. Avropa İttifaqı Şurasının Prezidenti Şarl Mişelin bu sahədəki fəaliyyətini yüksək qiymətləndirən dövlət başçımız onu da qeyd edib ki, dördtərəfli görüş Şarl Mişel və Emmanuel Makron tərəfindən təşkil edilmişdir və bu görüş zamanı da önəmli məsələlər müzakirə olunub. Hesab edirəm ki, bu görüşün də sülh müqaviləsinə çatmaq üçün önəmi olacaq.

Tarixi görüşünün nəticəsi onu bir daha bəyan etdi ki, Ermənistanın Azərbaycanın irəli sürdüyü 5 baza prinsipini qəbul edir. Praqa görüşündə qəbul olunan bəyanata əsasən, Ermənistan və Azərbaycan BMT Nizamnaməsinə və 1991-ci Alma-Ata Bəyannaməsinə sadiqliyini bir daha nümayiş etdirərək bir-birinin ərazi bütövlüyünü və suverenliyini tanıdı.

Eyni zamanda Azərbaycanın sülh prosesi istiqamətində əldə etdiyi razılaşma ilə yanaşı, Prezident İlham Əliyevin Çex Respublikasının Baş naziri Petr Fialanın və Avopa İttifaqı Şurasının Prezidenti Şarl Mişelin dəvəti ilə Praqaya səfəri və Avropa Siyasi Birliyinin Zirvə toplantısında iştirakı dövlət başçımızın yürütdüyü tam müstqil siyasətə olan inamın, hörmətin bariz gösəricisi idi. Bir daha təsdiq edildi ki, artıq milli maraqlarımızı qətiyyətlə müdafiə edən Azərbaycan Prezidenti İlham Əliyevin qlobal miqyaslı təşəbbüsləri dəyərləndirilir, dövlət başçımızın mövqeyi, rəyi nəzərə alınır.

Avropa İttifaqının Azərbaycan-Ermənistan münasibətlərinin normallaşması, sülh müqaviləsinin imzalanması prosesində tərəf tutmadan, ədalətli yanaşması da təqdirəlayiq addımlardandır. İrəli sürdüyü 5 prinsiplə Ermənistanı sülhə çağıran Azərbaycan dünyaya bir daha nümayiş etdirdi ki, tarixən sülhün, təhlükəsizliyin tərəfdarıdır.

Avropa İttifaqının Avropa Siyasi Birliyinin Zirvə Toplantısında, mühüm mesajların verildiyi 44 ölkə liderinin iştirak etdiyi mühüm tədbirdə Azərbaycan-Türkiyə qardaşlığının zəfər təntənəsi də diqqət mərkəzində oldu. Ümumiyyətlə, Praqa görüşü Azərbaycan diplomatiyasının siyasi arenadakı növbəti uğuru kimi tarixə yazıldı.

Paylaş:

Baxılıb: 496 dəfə