Samuxda “Ulu Öndər bənzərsiz bir şəxsiyyət idi” mövzusunda gənclərlə görüş keçirilib

Bakı:

28 °C

57 %

3 m/s

Əlaqə

AZ RU EN

Ana səhifə / YAP xəbərləri / Samuxda “Ulu Öndər bənzərsiz bir şəxsiyyət idi” mövzusunda gənclərlə görüş keçirilib

Samuxda “Ulu Öndər bənzərsiz bir şəxsiyyət idi” mövzusunda gənclərlə görüş keçirilib

27.01.2023 [15:36]

27 yanvar 2023-cü il tarixdə YAP Samux rayon təşkilatında qocaman partiya üzvlərinin iştirakı ilə Ümummilli lider Heydər Əliyevin anadan olmasının 100 illik yubileyinə həsr olunmuş “Ulu Öndər bənzərsiz bir şəxsiyyət idi” mövzusunda gənclərlə görüş keçirildi.

Əvvəlcə xalqımızın qarşısında böyük xidmətləri olan Ulu Öndərin ruhu bir dəqiqəlik sükutla yad olundu. Daha sonra tədbir iştirakçılarını salamlayan YAP Samux rayon təşkilatının sədri Gündüz Bayramov Heydər Əliyevin həyat yolundan danışaraq, Ulu Öndərin tarixi bir şəxsiyyət kimi Azərbaycan xalqının qəlbində daim yaşadığını qeyd etdi, bütün həyatını Azərbaycan xalqına və onun müstəqilliyinə həsr etdiyini vurğuladı, bildirdi ki, Heydər Əliyevin misilsiz xidmətləri bu gün Azərbaycanı möhkəm və qüdrətli dövlətə çevirib. Hər birimiz Heydər Əliyevin dövlətçilik amallarına sadiq qalaraq Ulu öndərin yüksək ideyalarını yaşatmaq və inkişaf etdirmək, Azərbaycan tarixinin yeni şanlı səhifələrini yazmaq naminə möhtərəm Prezidentimiz cənab İlham Əliyevin ətrafında sıx birləşərək, əlimizdən gələni əsirgəməməli, dövlət başçısının yüksək etimadına uyğun olaraq ölkəmizin hərtərəfli tərəqqisi üçün öz vəzifələrimizi layiqincə yerinə yetirməli və daha əzmkarlıqla çalışmalıyıq.

Daha sonra tədbirə dəvət olunmuş Sərkar ərazi partiya təşkilatının sədri Şəmistan Yusibov, DAİM ərazi partiya təşkilatının sədri Rahil Həsənov, Az.MMS ərazi partiya təşkiatının sədri Namiq Cəfərov, Qarayeri 1saylı uşaq bağçası ərazi partiya təşkilatının sədri Mahirə Məmmədova tədbirin keçirilməsinin əhəmiyyətindən danışdılar. Bildirdilər ki, hələ sağlığında əfsanələşən, siyasət olimpini fəth etmiş nadir şəxsiyyət Heydər Əliyev haqqında dünyanın məşhur simalarının necə heyranlıqla, ehtiramla danışdıqlarının şahidiyik.

Daha sonra görüşdə iştirak edən Samux rayon ziyalısı Ağsaqqallar şurasının sədri Gəray Bayramov dahi şəxsiyyət haqqında ürək sözlərini bölüşdü. Qeyd elədi ki, Azərbaycan xalqı Ulu öndərin siyasi kursunu davam etdirməklə möhtərəm Prezidentimiz cənab İlham Əliyevin rəhbərliyi ilə bundan sonra da öz tarixinin yeni, şanlı səhifələrini yazacaq, daha yüksək zirvələr fəth edəcəkdir.

YAP-ın gənc fəalı Dilarə Əsgərova çıxış edərək, Ulu öndərin gənclərə olan qayğısından və diqqətindən söhbət açdı. Bildirdi ki, Heydər Əliyev daima gənclərin bilik və bacarıqlarının artırılması, sağlam gələcəyin qurulması naminə böyük işlərin həyata keçirilməsi üçün bütün gücünü səfərbər etmişdir. Azərbaycan xalqı xoşbəxtdir ki, onun Heydər Əliyev kimi Ulu öndəri, dünyanın hörmətlə yanaşdığı və qəbul etdiyi ümummilli lideri var. Və bu gün hər birimiz dərk edirik ki, müstəqil Azərbaycan dövləti bütün həyatı və fəaliyyəti tariximizə qızıl hərflərlə həkk olunmuş Heydər Əliyevin şah əsəridir. Şübhə yoxdur ki, xalqımız onun müəllifini özünün tarixində və qəlbində əbədi yaşadacaq, Azərbaycan və Heydər Əliyevin adı əsrlər boyu bütün dünyada qoşa səslənəcəkdir.

Paylaş:

Baxılıb: 632 dəfə