Xalqını düşünən rəhbər

Bakı:

26 °C

69 %

9 m/s

Əlaqə

AZ RU EN

Ana səhifə / YAP xəbərləri / Xalqını düşünən rəhbər

Xalqını düşünən rəhbər

23.06.2023 [15:08]

Azərbaycan xalqının ümummilli lideri Heydər Əliyev Azərbaycanın var olması, müstəqilliyinin möhkəmlənməsi, əbədi, daimi, sarsılmaz olması, xalqımızın daha da yaxşı, təhlükəsiz, sabitlik şəraitində yaşaması, ölkəmizin parlaq, xoşbəxt gələcəyinin təmin olunması üçün yorulmadan çalışmış, hətta bu yolda həyatını da təhlükəyə atmaqdan çəkinməmişdir.

Ölkəsinin, xalqının hər zaman yanında olan Ümummilli liderimiz 20 yanvar faciəsinə etiraz olaraq özünün və ailə üzvlərinin həyatını açıq təhlükə qarşısında qoyaraq, hadisələrdən dərhal sonra, 1990-cı il yanvarın 21-də Azərbaycanın Moskvadakı daimi nümayəndəliyinə gedərək faciəni törədənləri, şəxsən M.Qorbaçovu kəskin ittiham etmiş, qoşunların Bakıdan çıxarılmasını tələb etmişdi. Bütün bunlar sübut edir ki, Ulu öndər Heydər Əliyevin ürəyi hər zaman xalqı ilə döyünürdü.

Məlum olduğu kimi, 1993-cü ilin may-iyun aylarında ölkəmizdə ictimai-siyasi vəziyyət olduqca ağır idi. Torpaqlarımızın işğalı, daxildə kürsü davası, vətəndaş müharibəsi təhlükəsi, bəzi xarici qüvvələrin havadarlığı ilə daxildə parçalanma təhlükəsi Azərbaycanı sanki siyasi xəritədən silinmək təhlükəsi ilə üz-üzə qoymuşdu.

Əlbəttə ki, ölkənin belə ağır durumunda xalqımızın bir çıxış yolu vardı. Bu yol ölkəsini, xalqını canından çox sevən Ulu öndər Heydər Əliyevi Bakıya dəvət etmək idi. Müdrük, üzaqgörən Azərbaycan xalqı yaxşı bilirdi ki, ölkəni bu ağır durumdan yalnız ulu öndər xilas edə bilər. Ümummilli lider Heydər Əliyevin 1993-cü il iyunun 9-da xalqın çağırışına biganə qalmayaraq, xalqın səsinə səs verǝrǝk Bakıya gəlməsi, iyunun 15- də Ali Sovetin sədri seçilməsi və iyun ayının 24- də Azərbaycan Respublikası Prezidenti səlahiyyətlərini icra etməyə başlaması ilə Azərbaycanın xoşbəxt gələcəyinin təməli atıldı. İlk öncə ölkədə qardaş qırğını təhlükəsinin qarşısı alındı, atəşkəs elan olundu, problemlər bir-bir aradan qalxmağa başlandı. Bir sözlə desək ölkəmizin üzərini bürümüş qara buludlar dağılmağa başladı. Azərbaycan xalqı ulu öndər Heydər Əliyevi Bakıya dəvət etməklə yanılmadığını, nə qədər üzaqgörən xalq olduğunu nümayiş etdirdi.

Ümummilli lider xalqına arxalanaraq üzərinə götürdüyü xilaskarlıq missiyasını cəsarətlə, qətiyyətlə yerinə yetirdi. Tanrının Azərbaycan xalqına bəxş etdiyi Heydər Əliyev vətəninə, xalqına sevgisi sonsuz, iradəcə olduqca möhkəm bir şəxsiyyət idi. Azərbaycan xalqı xoşbəxt xalqdır Tanrı Azərbaycana Onun kimi müdrük şəxsiyyət bəxş edib . Eyni zamanda Azərbaycan xalqı olduqca şanslı xalqır ki, Ulu öndər yarım qalan, sona çatdıra bilmədiyi işləri davam etdiməsi üçün cənab İlham Əliyev kimi proqmatik düşüncəyə malik, qətiyyətli, qüdrətli Lider yetişdirmişdir.

Məhz Prezident cənab İlham Əliyevin sayəsində, Onun rəhbərliyi, komandanlığı altında 27 sentyabr 2020-ci ildə başlamış Vətən Müharibəsində rəşadətli Azərbaycan ordusu işgal altında olan torpaqlarımızı cəmi 44 gün ərazində düşmən tapdağından azad etdi.

Prezident cənab İlham Əliyev ulu öndərin siyasi xəttini dövrün tələblərinə uyğun uğurla davam etdirir. Bu gün Azərbaycan nəinki regionda, həmçinin dünyada söz sahibinə çevrilib. Artıq ölkəmiz dünyada yaranmış problemlərin həlli yollarını araşdıran bir məkan kimi tanınır.

Bu gün müstəqil Azərbaycan Prezident cənab İlham Əliyevin sayəsində heç zaman olmadığı qədər güclü və qüdrətlidir. Əminliklə deyə bilərik ki, bu günkü müasir müstəqil, qalib Azərbaycan ümummilli lider Heydər Əliyevin görmək istədiyi Azərbaycandır.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 605 dəfə