"Parlaq Zəfərlə qisası alınmış Xocalı: Üçrəngli bayrağımızın əbədi dalğalanacağı yurdumuza qayıtdıq"

Bakı:

17 °C

82 %

4 m/s

AZ RU EN

Ana səhifə / YAP xəbərləri / "Parlaq Zəfərlə qisası alınmış Xocalı: Üçrəngli bayrağımızın əbədi dalğalanacağı yurdumuza qayıtdıq"

"Parlaq Zəfərlə qisası alınmış Xocalı: Üçrəngli bayrağımızın əbədi dalğalanacağı yurdumuza qayıtdıq"

23.02.2024 [12:38]

Yeni Azərbaycan Partiyası Nizami rayon təşkilatında Xocalı soyqırımının 32-ci ildönümü ilə əlaqədar "Parlaq Zəfərlə qisası alınmış Xocalı: Üçrəngli bayrağımızın əbədi dalğalanacağı yurdumuza qayıtdıq" mövzusunda tədbir keçirilib.

Tədbirdən öncə elan edilmiş rəsm müsabiqəsi çərçivəsində Nizami rayon təhsil müəssisələrinin təmsilçilərinin əl işlərindən ibarət sərgiyə baxış keçirilib.

Sonra Xocalı soyqırımı qurbanlarının, eləcə də Azərbaycanın ərazi bütövlüyü uğrunda canından keçmiş şəhidlərimizin əziz xatirəsi birdəqiqəlik sükutla yad edilib.

Tədbirdə çıxış edən YAP Nizami rayon təşkilatının sədri Ramil Vəlibəyov, Nizami Bələdiyyəsinin sədri Vüqar Quliyev, Keşlə Bələdiyyəsinin sədri Əlamdar Bafadarov və başqaları qeyd ediblər ki, Azərbaycan tarixinin ən dəhşətli səhifələrindən biri olan Xocalı soyqırımından 32 il ötür. Qeyd edilib ki, ötən 32 il ərzində Azərbaycan dövləti və xalqı Xocalı soyqırımı qurbanlarının xatirəsini böyük ehtiramla anıb. Azərbaycan dövləti ötən illər ərzində erməni millətçilərinin xalqımıza qarşı törətdiyi cinayətlər, o cümlədən, Xocalı soyqırımı haqqında həqiqətlərin dünya ictimaiyyətinə çatdırılması, onun soyqırımı kimi tanıdılması üçün ardıcıl fəaliyyət göstərib. Faciə ilə bağlı həqiqətlərin dünya ictimaiyyətinə çatdırılmasında Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyeva böyük xidmətlər göstərib. Fondun vitse-prezidenti Leyla xanım Əliyevanın təşəbbüsü ilə “Xocalıya ədalət!” beynəlxalq kampaniyası çərçivəsində də hər il silsilə tədbirlər reallaşdırılır. İndiyə qədər dünyanın 17 ölkəsi parlament səviyyəsində, eləcə də ABŞ-ın 30-dək ştatı, İslam Əməkdaşlıq Təşkilatı Xocalı faciəsini soyqırımı kimi tanıyıb. Əlavə edilib ki, bu ağır faciə xalqımızı daha da mətinləşdirib, qəhrəman övladlarımızı Vətən və milli dövlətçiliyimiz naminə qətiyyətli və mütəşəkkil mübarizəyə səfərbər edib. 44 günlük müharibədə misilsiz igidlik nümunələri göstərən qəhrəman ordumuz Müzəffər Ali Baş Komandanın rəhbərliyi ilə Xocalı faciəsi qurbanlarının da qisasını aldı, şəhidlərimizin qanı yerdə qalmadı. Xocalı şəhəri 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri nəticəsində separatçılardan tamamilə təmizləndi. Azərbaycan Respublikasının Prezidenti İlham Əliyev 2023-cü il oktyabrın 15-də Xocalı şəhərində Azərbaycan Respublikasının Dövlət Bayrağını ucaltdı.

Çıxışlardan sonra rəsm və inşa müsabiqəsinin qalibləri mükafatlandırılıblar.

Ümumilikdə 29 nəfərin iştirak etdiyi rəsm müsabiqəsində birinci yerə 61 saylı tam orta məktəbin X sinif şagirdi Mədinə Nəsirova, ikinci yerə 12 saylı tam orta məktəbin VIII sinif şagirdi Gövhər Salmanlı, üçüncü yerə isə Sağlamlıq imkanları məhdud uşaqlar üçün 3 saylı Respublika xüsusi internat məktəbinin XI sinif şagirdi Ulduz Timurova layiq görülüblər.

30 nəfərin iştirak etdiyi inşa müsabiqəsində isə birinci yerin qalibi 251 saylı tam orta məktəbin IX sinif şagirdi Yeganə Həmidova, ikinci yerin qalibləri 250 saylı tam orta məktəbin VIII sinif şagirdi Qəmər Mürşüdova və 12 saylı tam orta məktəbin VII sinif şagirdi Bikəxanım Həmidova, III yerin qalibləri 129 saylı məktəb-liseyin VII sinif şagirdi Aysel İsmayıl, 70 saylı məktəbin VI sinif şagirdi Fatimə Şıxəlizadə və 328 saylı tam orta məktəbin IX sinif şagirdi Xədicə Hüseynova olublar.

Qeyd edək ki, 50 müsabiqə iştirakçısı həvəsləndirici sertifikatlarla təltif edilib.

Paylaş:

Baxılıb: 523 dəfə