Heydər Əliyev
yeni azerbaycan logo

Ana səhifə / Xəbər lenti / Ankarada 27 sentyabr - Anım Günü ilə əlaqədar tədbir keçirilib

Ankarada 27 sentyabr - Anım Günü ilə əlaqədar tədbir keçirilib

29.09.2022 [10:06]

Azərbaycanın Türkiyədəki Səfirliyi paytaxt Ankarada torpaqlarımızın ərazi bütövlüyü uğrunda canlarını fəda etmiş şəhidlərimizin xatirəsinə həsr olunmuş Anım Günü ilə əlaqədar tədbir keçirib.

“Yeni Azərbaycan” qəzeti xəbər verir ki, mərasim Türkiyə Prezident Administrasiyasının Simfonik Orkestrinin binasında “Qarabağ Azərbaycandır!” şüarı ilə baş tutub.

Azərbaycanın Türkiyədəki fövqəladə və səlahiyyətli səfiri Rəşad Məmmədov,  Türkiyə-Azərbaycan Parlamentlərarası Dostluq Qrupunun rəhbəri Şamil Ayrım, türkiyəli polkovnik Erhan Altınokun çıxış etdiyi tədbirdə müqəddəs Vətənimizin şəhidləri ehtiramla yad edilib.

Sənədli film və fotosərgi nümayiş olunan anım mərasimi bədii proqramla davam edib.

Qeyd edək ki, 27 sentyabr 2020-ci ildə Ermənistanın ölkəmizə qarşı başlatdığı növbəti hərbi təcavüzə cavab olaraq, Azərbaycan Silahlı Qüvvələri Ali Baş Komandanın rəhbərliyi ilə işğal altındakı torpaqlarımızın azad edilməsi məqsədilə Vətən müharibəsi başlayıb.

Vətən müharibəsində qəhrəmancasına döyüşən, Azərbaycan Bayrağını işğaldan azad edilən torpaqlarımızda dalğalandıran, ölkəmizin ərazi bütövlüyü yolunda canlarını fəda edən əsgərlərimizə, zabitlərimizə və bütün şəhidlərimizə dərin ehtiram əlaməti olaraq, Prezident İlham Əliyevin 2020-ci il 2 dekabr tarixli Sərancamı ilə hər il sentyabrın 27-si Anım Günü olaraq qeyd edilir. 

Paylaş:
Baxılıb: 116 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Xarici siyasət

Xəbər lenti

Arxiv
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30