Heydər Əliyev
yeni azerbaycan logo

Ana səhifə / Xəbər lenti / Avtoyürüş təxribatı...

Avtoyürüş təxribatı...

28.12.2022 [10:50]

Ermənilər beynəlxalq aləmin diqqətini cəlb etmək istəyirlər

Dünən səhər saatlarında İrəvanın Respublika meydanından Xankəndi istiqamətində avtoyürüşə cəhd edilib. Erməni mediasının yaydığı məlumata görə, iştirakçılar “Laçın dəhlizi”nə qədər getmək istəyiblər. “Biz artsaxda müxtəlif layihələr həyata keçirmişik və həyata keçiririk. Biz yolun bağlı olduğunu bilirdik, lakin tələblərimizi, yanaşmalarımızı, xahişlərimizi keçid məntəqəsinin nümayəndələrinə çatdırmağa çalışacağıq ki, keçib Stepanakertə çataq”, - deyə bu “təşəbbüsün” üzvü Samvel Movsisyan canlı efirdə bildirib.

O qeyd edib ki, bu addımla onlar Qarabağdakı separatçıları dəstəkləyirlər, müxtəlif keçid məntəqələrinin nümayəndələri ilə danışıqlar aparırlar və irəli getməlidirlər. Məlumata görə, ermənilərin qarşısına Rusiya hərbçiləri çıxıb. Beləliklə də, ermənilərin bu təxribatının da qarşısı alınıb.

Bu kimi faktlar bir daha onu göstərir ki, ermənilərin sözləri ilə əməlləri düz gəlmir. Məsələn, iki ay öncə Azərbaycanın ərazi bütövlüyünü tanıyan rəsmi İrəvan bu gün separatçı rejimə dəstək fonunda Azərbaycanın ərazi bütövlüyünü şübhə altına almağa çalışır. Göründüyü kimi, Ermənistanın bu cür siyasi manipulyasiyaları ikitərəfli əlaqələrin inkişafına, münasibətlərin normallaşması istiqamətində aparılan fəaliyyətə də kölgə salır.

Məsələ ilə bağlı fikirlərini bölüşən politoloq İlqar Vəlizadə bildirib ki, ermənilərin avtoyürüş cəhdi yeni təxribat metodudur. Bunu başqa cür adlandırmaq olmaz: “Bu kimi təxribatların əsas məqsədi, məramı isə bəllidir. Onlar belə addımlarla qarşıdurmanı daha da mürəkkəbləşdirmək və beynəlxalq ictimaiyyətin diqqətini özlərinə cəlb etmək istəyirlər. Eyni zamanda, bu kimi təxribatlarda əsas məqsədlərdən biri də öz havadarlarını hərəkətə gətirməkdir. Bəlli olduğu kimi, erməni lobbisi, xaricdəki erməni havadarları bu kimi “faktlardan” istifadə etməyə öyrəncəlidirlər. İndiki məqamda da onlar bir sıra beynəlxalq təşkilatı öz oyunlarına alət etmək istəyirlər. Məsələn, bu kimi yollarla BMT çərçivəsində müzakirə edilən anti-Azərbaycan qətnaməsinin qəbulunu sürətləndirməyə çalışırlar. Amma onların hər hansı bir uğur qazanacağına ümid yoxdur. Dünya ictimaiyyəti əsl həqiqətləri bilir və dəyərləndirir”.

PƏRVİZ

Paylaş:
Baxılıb: 80 dəfə

Xəbər lenti

Hamısına bax

İqtisadiyyat

Xəbər lenti

Xəbər lenti

Siyasət

Xəbər lenti

Sosial

Siyasət

Analitik

Bayram, yoxsa matəm?

28 Yanvar 10:27

Xəbər lenti

Dünya

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31